ភ្នំពេញ៖ស្រីស្រស់ម៉ិច ខេមម៉ា ជាបេក្ខភាពលេចធ្លោរម្នាក់ក្នុងការប្រកួត Miss Grand Cambodia តំណាងឲ្យបវរខេត្តកំពង់ឆ្នាំង ពាក់ស្លាកលេខ១៣ ដែលតាមរូបសម្រស់របស់នាងខេមម៉ា គេអាចព្យាករណ៍ថានាងអាចឈានទៅវគ្គបន្ដបន្ទាប់ដោយរលូន ថែមទាំងមានប្រៀបលើបេក្ខភាពផ្សេងទៀតផង ។ប៉ុន្ដែគូរឲ្យសោកស្ដាយនាងខេមម៉ា បែជាប្រកាសដកខ្លួនចេញពីប្រកួតកម្មវិធីខាងលើនេះចោលកណ្ដាលទីទៅវិញ ទើបធ្វើឲ្យមានភាពចម្រូងចម្រាសជុំវិញនៃការដកខ្លួនរបស់នាងនាពេលនេះថាតើមានរឿងអ្វីកើតឡើងនៅក្រោយឆាកទៅ បានជាស្រីស្អាតរូបនេះបោះបង់ឱកាសឈ្នះពាន។
យ៉ាងណាជុំវិញការចាកចេញរបស់នាងម៉ិច ខេមម៉ា នេះនាងបញ្ជាក់ហេតុផលយ៉ាងខ្លីដោយបង្ហោះសំណេរថាមានធុរះចាំបាច់ និងបញ្ហាផ្ទាល់ខ្លួនដែលត្រូវធ្វើការដោះស្រាយបន្ទាន់។ដោយឡែកគណៈគ្រប់គ្រងបវរកញ្ញាប្រចាំខេត្តកំពង់ឆ្នាំងអ្នកស្រីខាត់ ស្រីច័ន្ទ ក៍បានយល់ព្រមតាមសំណើររបស់នាងម៉ិច ខេមម៉ា នូវហេតុផលខាងលើផងដែរ ។ប៉ុន្ដែFan នាងខេមម៉ា ខ្លះនៅតែមិនអស់ចិត្តចំពោះបេក្ខភាពរូបនេះ និងចង់ឲ្យនាងចេញមុខបំភ្លឺលម្អិតទាក់ទងរឿងមួយនេះឲ្យបានច្បាស់លាស់ថាតើធុរះចាំបាច់នោះជារឿងអ្វីបានជានាងមិនអាចបន្ដការប្រកួតតទៅទៀតបានបែបនេះ ?
អ្នកយកព័តមានយើងបានទូរស័ព្ទទៅនាងម៉ិច ខេមម៉ា កាលពីរសៀលថ្ងៃទី២៩ ខែមករា តែទូរស័ព្ទចូលគ្មានអ្នកទទួល ទើបមិនទាន់អាចសុំការបំភ្លឺជុំវិញការដើរចេញពីកម្មវិធីដែលនាងបានហ្វឹគហាត់និងត្រៀមជាច្រើនខែមកហើយនេះទេ ។ប្រភពខ្លះថានាងខេមម៉ា ដែលកម្ពស់ហាក់ស្ទើបន្ដិចចំពោះការប្រលងបវរកញ្ញានោះអាចមិនមានភាគរយខ្ពស់ក្នុងការឈ្នះពាន ទើបនាងមិនតស៊ូទៅមុខទៀត បើទោះជាសម្រស់នាងគូរឲ្យទាក់ទាញម្នាក់ក្ដី ។ប៉ុន្ដែខ្លះទៀតបានលើកឡើងដោយសង្ស័យថាស្រីស្អាតរូបនេះអាចនឹងរងសម្ពាធពីគូស្នេហ៍បានជាដកខ្លួនថយយ៉ាងទាន់ហន់កណ្ដាលផ្លូវទាំងមិនទាន់ដឹងលទ្ធផលថាខ្លួនឈ្នះ ឬចាញ់នៅឡើយនេះ ។
គូរបញ្ជាក់ថានាងម៉ិច ខេមម៉ា ជាតារាម៉ូដែល ម្នាក់ដែលលេចមុខតាមបណ្ដារកម្មវិធីជាច្រើននារយៈពេលចុង ក្រោយនេះហើយនាងក៍ក្ដាប់ឱកាសបានថតស្ពតពាណិជ្ជកម្មជាបន្ដបន្ទាប់ផងដែរ ។នាងខេមម៉ា មានសម្រស់កាន់តែគូរឲ្យក្នក់ក្នាញ់ក្រោយពេលនាងបានកែច្រមុះ ឲ្យខ្ពស់ស្រួចដូចកូនបារាំង ទើបធ្វើឲ្យទីផ្សារសិល្បៈរបស់នាងស្ទុះហក់ឡើងជាងមុន ។មិត្តភក្ដិរបស់នាងខេមម៉ា បង្ហើបថាស្រីស្អាតរូបនេះមានប្រុសតាមស្នេហាច្រើន ទាំងប្រុសចាស់ និងក្មេង ហេតុនេះហើយការលេចឭថានាងត្រូវគូស្នេហ៍បង្ខំឲ្យចាកចេញពីការប្រកួតបវរកញ្ញា មុននេះពេលនាងចេញមុខបកស្រាយនេះគឺពិតជាមានច្រើនមែន ។ប៉ុន្ដែកន្លងមកនាងខេមម៉ា មិនដែលបង្ហាញ ឬបណ្ដើរគូស្នេហ៍ជាសាធារណៈឡើយ គឺមានតែតារារួមអាជីពប៉ុណ្ណោះដែលស្និតស្នាលនាងនៅពេលដែលពួកគេធ្វើការងារសិល្បៈជាមួយគ្នា ។
ការដកខ្លួនចេញរបស់នាងម៉ិច ខេមម៉ា ពិតជាធ្វើឲ្យអ្នកតាមដានវិស័យបវរកញ្ញា ប្រចាំខេត្តកំពង់ឆ្នាំងមានការសោកស្ដាយ ព្រោះបាត់តំណាងរបស់ខ្លួន។តែអ្វីដែលគេរងចាំមើលថាតើនឹងមានបេក្ខភាពរូបណាផ្សេងទៀតដែលនឹងដកខ្លួនចេញនាពេលបន្ទាប់ពីនាងម៉ិច ខេមម៉ា ?
សូមរំលឹកថាម្ចាស់មកុដ Miss Grand Cambodia 2023 គឺនាងភឹម ស្រីណូ តែនាងមិនសូវលេចធ្លោរដូចនាងពេជ្រ វត្តីសារ៉ាវឌ្ឍី Miss Grand Cambodia 2022 ឡើយ ហេតុនេះគេចាំមើលថាMiss Grand Cambodia 2024 គឺជាស្រីស្អាតរូបណាទៅ បន្ទាប់ពីនាងម៉ិច ខេមម៉ា បាយបាយ ទាំងការប្រកួតមិនទាន់ចប់បែបនេះ ?