Saturday, February 24, 2024
Homeតារាខ្មែរ ឱក សុគន្ធកញ្ញា ៖តារាណានឹងឡើងជំនួស ?

 ឱក សុគន្ធកញ្ញា ៖តារាណានឹងឡើងជំនួស ?

ភ្នំពេញ៖ឱក សុគន្ធកញ្ញា ត្រៀមសម្រាលកូនទី២ នៅដើមឆ្នាំ២០២៤ នេះ ខណៈដែលនាងបាន​ផ្អាក​ការឡើង​ច្រៀងសម្ដែងគ្រប់ឆាកតន្រ្ដីធំៗតាំងពីចុងឆ្នាំ២០២៣ ម្លេះ តែនៅបន្ដរកស៊ីលក់​ផលិត​ផលតាមOnline ពោលគឺលុយនៅតែចូល ។ មុនពេលទទួលបានសមាជិកថ្មីនេះ​សុគន្ធ​កញ្ញា បង្ហាញអារម្មណ៍រំភើបថាកាលពីឆ្នាំ២០២៣ នាងបានសម្រេចសមិទ្ធិផលធំៗជាទី​គាប់​ចិត្ត​​នោះគឺក្ដីសុបិនធំចង់មានហាងផ្ទាល់ខ្លួនលក់កាបូប និងកាដូគុជដ៍មានតម្លៃគឺ​ពពោះ​កូនស្រី ដូចក្ដីប្រាថ្នា ។

 យ៉ាងណាអ្នកតាមដានសង្គមលោកសុខ សុគន្ធ ហៅជេមសុខ កាលពីពេលថ្មីៗ​នេះ​បាន​លើកឡើងតាមបណ្ដា​ញ​​សង្គមថាឱក សុគន្ធកញ្ញា ជិតមានកូន២នោះគូរតែរក​ចំណត​ឡានក្រុង ពោលគឺមិនអាចប្រជែងទីផ្សារចម្រៀ​ង​បានតទៅទៀតទេ​ពេលមានកូន២នាក់​ហើយ​នោះ ហេតុនេះត្រូវធ្វើអ្វីផ្សេងលើសពីការងារសិល្បៈ ។តែលោកសុគន្ធ មិនមែននិយាយ​សំ​ដៅ​លើសុគន្ធកញ្ញា ម្នាក់ទេ គឺលោកចង់និយាយចំពោះតារាស្រីទូទៅដែលមាន​ប្ដីនិងកូន​ហើយ​​ទីផ្សារ​ចម្រៀងមានការប្រែប្រួល លែងដូចកាលនៅលីវទៀត ។

 ប៉ុន្ដែការលើកឡើងរបស់លោកជេម សុខ ហាក់ផ្ទុយពីអ្នកជំនាញសិល្បៈលោកមិញ សុធីវណ្ណ ដែលធ្លាប់ប្រាប់អ្នកយកព័តមានយើងថាពេលដែលសុគន្ធកញ្ញា មានស្វាមីជាប្អូន​ថៅកែហង្សមាសហើយមានកូនទៀតនោះគឺនាងនឹងកាន់តែល្បីល្បាញលើសមុន។លោកសុធីវណ្ណ លើកហេតុផលថាដោយសារតែកញ្ញា ជាប្អូនថ្លៃថៅកែ​ហេតុនេះហង្សមាស​នឹងមិន​បណ្ដោ​យ​ឲ្យនាងធ្លាក់ចុះទេ ពោលគឺអ្នកកំណត់ជោគវាសនាតារាចម្រៀងរូបនេះ​បានគឺមាន​តែហង្ស​មាស​ម្នាក់គត់ ។

 សំណួររបស់មហាជនលើកឡើងថាតើតារាស្រីរូបណានឹងឡើងទៅជំនួសឱក សុគន្ធ​កញ្ញា ប្រសិនបើនាងទៅ​លែងរួចក្រោយមានកូន២ដូចលោកសុគន្ធ លើកឡើងនោះ ?

 គេកត់សម្គាល់ថានាពេលបច្ចុប្បន្នតារាវ័យក្មេងរបស់ហង្សមាសមានតែនាងរ៉េត ស៊ូហ្សា​ណា ម្នាក់ប៉ុណ្ណោះដែលស្ទុះឡើង ប៉ុន្ដែអ្នកជំនាញសិល្បៈថាស៊ូហ្សាណា មិនអាចទៅ​ជំនួស​តារា​ស្រីលំដាប់ជូរមុខរបស់ហង្សមាសបានទេ ពោលគឺនៅត្រូវការពេលវេលាបន្ថែមទៀត បើ​ទោះជាពេជ្រ សោភា ថាហ្សាណា អាចជំនួសនាងនិងតារាស្រីល្បីៗទៀតនាពេលពួកនាង​ចាស់​​ទៅក្ដី ។ប្រភពបានឲ្យដឹងថាហង្សមាសនៅតែបើកផ្លូវសម្រាប់មាស សុខសោ​ភា ចូលទៅ​ជ្រកកោន បើទោះជាបានបរាជ័យការចរចារចុងក្រោយកាលពីឆ្នាំ២០២០ ក្ដី ។

គូរបញ្ជាក់ថាឱក សុគន្ធកញ្ញា បានគ្រងតំណែងតារាស្រីលំដាប់ជូរមុខរបស់ហង្សមាស​ជាង១០ឆ្នាំមកហើយ ប៉ុន្ដែក្រោយមានស្វាមីនិងកូនទីផ្សារចម្រៀងរបស់នាងមិន​សូវខ្លាំងដូច​មុនទេ ហើយពេលនេះដៃគូសំខាន់របស់នាងទាំងពីរគឺព្រាប សុវត្ថិ និងខេមរៈ សិរីមន្ដ សុទ្ធតែ​បានចាកចេញទៅហើយ ទើបធ្វើឲ្យនាងពិបាកស្វែងរកដៃគូថ្មី ហើយងាកទៅចាប់ដៃគូជា​បណ្ដោះ​​អា​សន្នជាមួយលោកឆន សុវណ្ណារាជ វិញ ។ប៉ុន្ដែទោះជាចុះខ្សោយទីផ្សារ​ចម្រៀង​បន្ដិចមែន តែកញ្ញា នៅតែមានប្រាក់ចំណូលពីសិល្បៈខ្ពស់ដដែល តាមរយៈការធ្វើជា​Judge និងCoach រួមទាំងក្ដាប់ស្ពតពាណិជ្ជកម្មធំៗជាច្រើនក្នុងដៃ ។តែសម្រាប់Concerts រដូវក្ដៅ​២០២៣ -២០២៤ នេះសុគន្ធកញ្ញា មិនបានបង្ហាញខ្លួនឡើយ ព្រោះសម្ងំថែគ័ត នឹងត្រៀមខ្លួន​សម្រាល​កូនស្រី។

 ក្រៅពីឱក សុគន្ធកញ្ញា តារាដែលមានប្ដីហើយទីផ្សារចម្រៀងលែងសូវខ្លាំងមានដូចជា​សុគន្ធ និសា ,មាស សុខសោភា និងសួស វីសា ជាដើម។

មជ្ឈដ្ឋានមហាជនលើកឡើងថាឱក សុគន្ធកញ្ញា នៅតែមានប្រៀបជាងតារាស្រីផ្សេង​ទៀត​របស់ហង្សមាសដដែល ក្រោយនាងសម្រាលកូនទី២រួច ព្រោះមិនត្រឹមតែមានស្វាមីជា​អគ្គនាយទូរទស្សន៍ហង្សមាស និងបង​ថ្លៃជាថៅកែផលិតកម្មនោះទេ តែសម្ថភាពដូចកញ្ញា លោកនូ ស៊ឹប ធ្លាប់អះអាងថាទោះជាមាននូន៤ទៅ៥នាក់ក៍នៅតែល្បីដែរ ។ចំណែកអ្នកស្រីអ៊ិន ថាច ម្ដាយកញ្ញា ធ្លាប់ថាតារាសំខាន់នៅលើសម្ថភាព ហេតុនេះគាត់មិនព្រួយបារម្ភច្រើនថាកូន​ស្រី​មានប្ដីនិងកូនទៅ ទស្សនិកជនលែងគាំទ្រ ឡើយ ៕

RELATED ARTICLES