ភ្នំពេញ៖តារាហ្វេសប៊ុកល្បី Alex Conanreal ដែលត្រូវបានគេដឹងថា កំពុងរស់នៅឯប្រទេសបារាំង ត្រូវតារា ចម្រៀង ម៉ៃ សុគន្ធ សម្រេចដាក់ពាក្យបណ្តឹងទៅតុលាការ ពីបទជេរប្រមាថ និងបរិហារកេរ្តិ៍ជាសាធារណៈដោយទាមទារសំណងជំងឺចិត្ត២០០លានរៀល។
តាមប្រភពព័ត៌មានបានឲ្យដឹងថា តារាហ្វេសប៊ុកល្បីឈ្មោះដែលលោក ម៉ៃ សុគន្ធ ដាក់ពាក្យប្តឹងទៅតុលា កា មានឈ្មោះ ចែតា ឬ Alex Conan។ ករណីបណ្តឹងនេះ កើតឡើងក្រោយពេលភាគីទាំងពីរកន្លងមកធ្លាប់រងនូវការប៉ះពាល់ពាក្យសម្តីគ្នាមួយចំនួន ទើបក្រោយមកធ្វើឲ្យតារាហ្វេសប៊ុកល្បី ឈ្មោះ ចែតា បញ្ចេញការឡាយវីដេអូដោយជេរប្រមាថមកលើលោក ម៉ៃ សុគន្ធ ជាសាធារណៈនៅលើបណ្តាញសង្គម។
សូមបញ្ជាក់ថាតារាចម្រៀងលោក ម៉ៃ សុគន្ធ ដែលជាដើមបណ្តឹងបានបង្ហោះខ្លឹមសារខ្លីដូច្នេះថា ប្តឹងគឺប្តឹងមិន មែនជួបប្តឹងទេ តែអត់ពេលអង្គុយ Live ជេរនាំថោក។ មិនមែនជួបប្តឹងទេតែរឿងខ្លះត្រូវប្តឹង។
បើយោងតាមពាក្យបណ្តឹងរបស់លោក ម៉ៃ សុគន្ធ ដែលត្រូវបានបែកធ្លាយនោះបានឲ្យដឹងថា កាលពីថ្ងៃទី ០៦ ខែធ្នូ ឆ្នាំ ២០២១ លោកបានដាក់ពាក្យបណ្តឹងទៅកាន់សាលាដំបូងរាជធានីភ្នំពេញ ដោយប្តឹងទៅលើម្ចាស់ផេកហ្វេសប៊ុកឈ្មោះ Alex CoNan Real Official ពីបទជេរប្រមាថជាសាធារណៈបរិហារកេរ្តិ៍ជាសាធារណៈ និងញុះញង់ឲ្យមានការរើសអើយប្រព្រឹត្តលើបណ្តាញសង្គមហ្វេសប៊ុក។
នៅក្នុងពាក្យបណ្តឹងដដែលនេះ បានលើកឡើងថាកាលពីថ្ងៃទី ២៨ ខែវិច្ឆិកា ឆ្នាំ ២០២១ ម្ចាស់ផេកហ្វេសប៊ុកឈ្មោះAlex CoNan Real Official បានធ្វើការឡាយវីដេអូក្នុងបណ្តាញសង្គមហ្វេសប៊ុក ដោយបាននិយាយជេរប្រមាថ និងបរិហារកេរ្តិ៍ក៏ដូចជាញុះញង់ឲ្យមានការរើសអើយមកលើរូបខ្ញុំ(លោក ម៉ៃ សុគន្ធ )យ៉ាងធ្ងន់ធ្ងរបំផុត ដោយបានប្រើពាក្យថា (លោក ម៉ៃ សុគន្ធ អាតារាមុខឆ្កែ អាតារាលិចទឹ អាថោក អាឆ្កែ អាខ្លួនពោរពេញដោយមេរោគកាមរោគ…..ក្បាលហែងកើតចេញពីស្បែកជើង អញ ….វាប្រើប្រាស់គ្រឿងញៀន ធ្វើខុសច្បាប់ ជក់កញ្ឆា ហិតកាវ បាត់បង់សតិ ហើយសរសៃប្រសាទ…ហែងឆ្កួត ហែងឡប់ សណ្តានហែងវាឈាមថោក….ហែងមើលមនុស្សរាប់ម៉ឺនរាប់ពាន់នាក់កំពុងជេរហែងគ្រប់គ្នា…..)និងពាក្យមិនគប្បីជាច្រើនទៀត។
តាមរយៈពាក្យបណ្តឹងនោះលោក ម៉ៃ សុគន្ធ ក៏បានសូមសំណូមពរ និងស្នើសុំដល់តុលាការធ្វើការស្វែងរកអត្ត សញ្ញាណរបស់ជនប្រព្រឹត្ត និងស្វែងរកយុត្តិធម៌តាមផ្លូវច្បាប់ដល់រូបលោកព្រមទាំងទាមទារនូវសំណងជំងឺចិត្តចំនួន២០០លានរៀលផងដែរ ។
យោងតាមលិខិតជូនដំណឹងរបស់លោកចៅក្រមស៊ិន សុវណ្ណារ័ត្ន លេខ៣៣៥ “អ” ព្រ .ទ ធ្វើនៅថ្ងៃទី២៧ ខែ កក្កដា ឆ្នាំ២០២៣ បានជម្រាបជូនដំណឹងទៅដើមបណ្ដឹងឈ្មោះម៉ៃ សុគន្ធ ភេទប្រុស អាយុ៣៩ឆ្នាំ ជនជាតិខ្មែរ មានទីលំនៅបច្ចុប្បន្នបុរីមហាសែនសុខភ្នំពេញថ្មី ផ្ទះលេខA26 ផ្លូវA សង្កាត់សែនសុខ រាជធានីភ្នំពេញ ឲ្យបាន ជ្រាបថាសំណុំរឿងព្រហ្មទណ្ឌលេខ៥៣៥៨ ចុះថ្ងៃទី២៨ ខែធ្នូ ឆ្នាំ២០២១ បានបំពេញកិច្ចស៊ើបសួរចប់សព្វគ្រប់អស់ហើយ ។លិខិតជូនដំណឹងនោះបានបានសម្រេចបញ្ជូនសំណុំរឿងលេខ៥៣៥៨ ចុះថ្ងៃទី២៨ ខែធ្នូ ឆ្នាំ២០២១ ដែលមានជនត្រូវជាប់ចោទឈ្មោះAlex CoNan Real official ហៅហ៊ុយ គុយហួរ(Huy Kuy Hour)ភេទប្រុសកើតនៅថ្ងៃទី១ ខែកញ្ញា ឆ្នាំ១៩៩៧ ទៅជំនុំជម្រះពីបទ បរិហាកេរ្ដិ៍ជាសាធារណៈ ,ជេរប្រមាថជាសាធារណៈ និងញុះញង់ឲ្យមានការរើសអើង ប្រព្រឹត្តលើបណ្ដាញសង្គមហ្វេសបុក កាលពីថ្ងៃទី២៩-៣០ ខែវិចិ្ឆកា ឆ្នាំ២០២១ បទ ល្មើសព្រហ្មទណ្ឌដែលមានចែងផ្ដន្ទាទោសតាមបញ្ញាត្តិមាត្រា៣០៥ ,មាត្រា៣០៧ និងមាត្រា៤៩៦ នៃក្រមព្រហ្ម ទណ្ឌ។តាមដីការសម្រេចបញ្ជួនសំណុំរឿងទៅជំនុំជម្រះលេខ៣៣៧៤ “អ” ដ.ដ ចុះថ្ងៃទី២០ ខែកក្កដា ឆ្នាំ២០២៣ ។ប៉ុន្ដែរយៈពេលជាង៦ខែមកនេះមិនទាន់មានព័តមានពីការវិវត្តន៍ចំពោះសំណុំរឿងនេះនៅឡើយ ៕
