ភ្នំពេញ៖តារាវ័យ២៥ឆ្នាំនាងតន់ ច័ន្ទសីម៉ា បានថ្ងូរជាថ្មីនៅដើមខែ២ថានាងនឹកដល់កោះសង្សារ ដែលធ្លាប់ទៅដើរលេងកម្សាន្ដនៅទីនោះ ប៉ុន្ដែនាងថាការនឹកឃើញបែបនេះទៅរួចដោយសារតែនាងភ្លេចគិតថាខ្លួនអត់សង្សារ… មានន័យថាអាចត្រឹមស្រម៉ៃបាន តែមិនអាចទៅទីនោះដោយអត់ដៃគូបេះដូងឡើយ។កាវាចាបែបនេះរបស់នាងច័ន្ទសីម៉ា ថាពិបាកដើរកម្សាន្ដនៅទីណាដែលនាងចង់ទៅ ព្រោះតែគ្មានសង្សារបណ្ដើរដូចគេនោះ ជម្រើសនាងមានតែម្យាងគត់គឺនាងថាគ្មានអ្វីផ្សេងក្រៅពីដេកផ្ទះ…។
ទោះជាយ៉ាងណាការលើកឡើងរបស់នាងតន់ ច័ន្ទសីម៉ា បែបនេះគ្មានអ្វីថ្មីនិងប្លែកនោះទេ ព្រោះជាង៤ឆ្នាំមកនេះស្រីស្រស់តែងតែថ្ងូររឿងអត់សង្សារនេះ នៅចំពោះមុខអ្នកកាសែត និងFan នាងជានិច្ច ថារកតែក្ដឹបសង្សារ១បណ្ដើរដូចគេមិនបានឡើយ ។ប៉ុន្ដែការលើកឡើងរបស់នារីតូចច្រឡឹងរូបនេះមិនត្រូវបានគេជឿរជាក់នោះទេ ព្រោះតែសម្អាងថានាងល្បី និងមានរូបសម្រស់ស្អាតប៉ុណ្ណឹងដែរ រឿងអីគ្មានប្រុសស្រលាញ់ ?
គូរកត់សម្គាល់ថាតន់ ច័ន្ទសីម៉ា បានប្រឹងកែកុនសម្រស់ឲ្យទទួលបានការចាប់អារម្មណ៍ច្រើនពីFan របស់នាងក៍ដូចជាប្រុសស្អាតចង់បេតីនាងដោយអតីតអ្នកកស្មូតលេខ១ប្រចាំខេត្តតាកែវរូបនេះបានសារភាពថានាងបានកែសម្រស់ដល់ទៅ៣កន្លែងគឺទី១៖ច្រមុះ,ទី២៖ចាក់ចង្ការ និងទី៣៖ពត់ធ្មេញ ទើបធ្វើឲ្យសម្រស់នាងមានការប្រែប្រួលនិងមើលទៅប្លែក បើប្រៀបធៀបនាងមិនទាន់ល្បី អត់សូវមានលុយ រស់នៅបន្ទប់ជួលនៅក្បែស្ដុបDN និងច្រៀងនាពេលរាត្រីនៅហាងវីហ្វេ្រន ១យប់បានតែជាង១០ដុល្លារនោះ ។ប៉ុន្ដែកែកុនដល់ទៅ៣កន្លែងទៅហើយនាងច័ន្ទសីម៉ា បែជានិយាយកាលពីពេលថ្មីៗនេះដោយសាកចិត្តទៅFan របស់នាងថា”នៅក្រៅនាងអាក្រក់អត់? “ទៅវិញ។ស្រីស្រស់ថានាងមិនហ៊ានសួរគេថានាងស្អាតឬអត់នោះទេ តែសុខចិត្តសួរបញ្ច្រាសទៅវិញបែបនេះ ដែលមើលទៅនាងហាក់មិនទាន់ជឿរជាក់ទាំងស្រុងថារូបរាងនាងមានភាពជាស្រីស្អាតគ្រប់ចំណុចនៅឡើយ។តែនាងក៍មិនបង្ហាញអារម្មណ៍ថាចង់កែកុននៅចំណុចបន្ថែមទៀតពិសេសកន្លែងដែលតារាជាច្រើននិយមធ្វើនោះគឺការកែពង្រីកដើមទ្រូង នោះទេ ។
តន់ ច័ន្ទសីម៉ា ច្រៀងរយៈពេលខ្លីតែកេរ្តិ៍ឈ្មោះនាងល្បីលឿនដូចកាំជ្រួចដោយសារតែមានការអន្ដរាគមន៍ពីឧកញ៉ាដល់ទៅ៤នាក់គឺឡេង ណាវ៉ាត្រា (ពេលខ្លះឡើងអក្សរជាអ្នកនិពន្ធឲ្យនាងច្រៀង),ចាប់ដៃគូជាមួយឧកញ៉ាព្រាប សុវត្ថិ ,ខេមរៈ សិរីមន្ដ និងត្រូវបានឧកញ៉ាយឹម តាស្រង់ និពន្ធបទចម្រៀងឲ្យនាងច្រៀងបទល្បីៗជាច្រើនមកហើយ ។តែនៅក្នុងពិភពសិល្បៈអ្វីៗអាចនឹងមានការប្រែប្រួលបានគ្រប់ពេលវេលាទាំងអស់ ហើយនាងសីម៉ា ក៍ធ្លាប់លើកឡើងថា១០ឆ្នាំក្រោយមិនដឹងមានរឿងអ្វីខ្លះកើតឡើងនោះ ស្រាប់តែនៅឆ្នាំ២០២៣ និងដើមឆ្នាំ២០២៤ នេះកេរ្ដិ៍ឈ្មោះរបស់នាងសីម៉ា មិនសូវស្ទុះខ្លាំងដូចមុនឡើយ ដែលចំណុចនេះមិនមែនសម្លេងនាងច្រៀងធ្លាក់ចុះនោះទេ ប៉ុន្ដែរឿងធំគឺនាងចេញមុខការពារថៅកែជាបន្ដបន្ទាប់ទើបធ្វើឲ្យFan ខ្លះព្រមានជាចំហថាពួកគេធ្វើពហិការ លែងស្ដាប់បទចម្រៀងនាងតទៅទៀត ។ប៉ុន្ដែរឿងនេះមិនមែនតែនាងច័ន្ទសីម៉ា ម្នាក់ទេពោលគឺព្រាប សុវត្ថិ និងខេមរៈ សិរីមន្ដ ក៍ជួបរឿងដ៍ចម្រូងចម្រាសដូចនាងដែរ ។
មជ្ឈដ្ឋានមហាជនរងចាំមើលថាតើនៅឆ្នាំ២០២៤ នេះនាងតន់ ច័ន្ទសីម៉ា នឹងធ្វើយ៉ាងណាដើម្បីឲ្យទីផ្សារចម្រៀងនាងឡើងខ្លាំងដូចឆ្នាំ២០២០ វិញ ខណៈដែលពេលនេះតម្លៃខ្លួននាងនៅតែខ្ពស់ជាងតារាគីឡូប្រហាក់ប្រហែលគ្នាដដែល ពោលគឺមិនទម្លាក់ចុះទៅតាមអ្នកដឹកនាំការប្រគុំតន្ត្រីចង់បានឡើយ ទើបធ្វើឲ្យឱកាសនាងចេញច្រៀងតាមបណ្ដារាឆាកតន្រ្ដីនៅស្ទូឌីយោប៉ុស្ដិ៍ទូរទស្សន៍នៅតែបាត់មុខនាងជាបន្ដទៅទៀត។ចំណែកអ្នកជំនាញសិល្បៈលើកឡើងថាប្រសិនបើថៅកែGalaxy មិនទិញតារាស្រីល្បីៗយកមកចាប់ដៃជាមួយព្រាប សុវត្ថិ ,ខេមរៈ សិរីមន្ដ និងខេម នោះទេ ច្បាស់ជាតារាទាំង៣ខាងលើគ្មានជម្រើសផ្សេងក្រៅពីបន្ដចាប់ដៃនាងសីម៉ា តទៅទៀតហេតុនេះតារាវ័យ២៥ឆ្នាំ រូបនេះនៅតែក្ដាប់តំណែងតួឯកដដែល ។ប៉ុន្ដែប្រសិនបើGalaxy ទិញមាស សុខសោភា ឬពេជ្រ សោភា ទៅប្រជែងជាមួយនាងច័ន្ទសីម៉ា នោះស្រីស្រស់នឹងចុះខ្សោយហើយមិនអាចរក្សារតំណែងតួឯកនៅផលិតកម្មនេះបានតទៅទៀតឡើយ ។
ក្រៅពីតន់ ច័ន្ទសីម៉ា តារាដែលជ្រើសផ្លូវសាងស្នេហាដោយមិនបើកចំហនៅឆ្នាំ២០២៤ នេះមានដូចជាសុខ ពិសី ,សុខ សោម៉ាវត្តី និងរ៉េត ស៊ូហ្សាណា ជាដើម ៕