ភ្នំពេញ៖ពេជ្រ សេរីរ័តុ្ន បានចាប់កាន់ក្បាលមីក្រូជាថ្មីតាមរយៈការធ្វើMC នៅកម្មវិធីទាំងឡាយ ប៉ុន្ដែជាទូទៅគេឃើញនាងលេចមុខច្រើនតែតាមកម្មវិធីរបស់លោកអាឡិច ចាន់ត្រា ប៉ុណ្ណោះ ក្រោយអ្នកទាំងពីរបង្ហាញភាពស្និតស្នាលគ្នានៅក្រៅឆាកដូចគូស្នេហ៍ ។អ្វីដែលគេចាប់អារម្មណ៍ពេលនេះសេរីរ័ត្ន ទោះជាមានវ័យជ្រេបន្ដិច ហើយមានកូន២នាក់(ស្រី១)ក្ដី តែរូបសម្រស់នាងនៅខ្ញង់ជាមួយការតុបតែងខ្លួនឈុតប្លែកៗពីគេទើបធ្វើឲ្យនាងត្រូវបានគេចាប់អារម្មណ៍គូរសមនៅពេលចេញមុខកម្មវិធីជប់លៀងមង្គលការក្នុងនាមជាពិធីការិនីម្នាក់ដែលពូកែវោហាស័ព្ទ។អ្នកខ្លះសង្ស័យថាពិធីការិនីដែលមានជំនាញខាងចេះដោះស្រាយវិបត្តិស្នេហារូបនេះអាចនឹងបែកបាក់គូស្នេហ៍ថ្មីផ្ទាល់ខ្លួនទើបនាងវិលមករកអាជីពចាស់បែបនេះ តែសេរីរ័ត្ន មិនដែលហ៊ានបង្ហាញមុខម្ចាស់ស្នេហ៍ឬនិយាយរឿងប្ដីនាងម្ដងណាឡើយ ពោលគឺរយៈពេល១៣ឆ្នាំមកហើយនាងបានបានព្យាយាមលាក់ប្រុស ជាឪពុកកូនប្រុសស្រីនាងជិតឈឹងតែម្ដង តាំងពីនាងបានចែកផ្លូវជាមួយអតីតគូស្នេហ៍លោកគង់ វិសាល កាល ពីឆ្នាំ២០១១ ម្លេះ ។ប៉ុន្ដែសេរីរ័ត្ន ធ្លាប់ប្រាប់អ្នកយកព័តមានយើងថានាងចង់រៀបការ តែរឿងនេះអត់ច្បាស់លាស់ឡើយ ខណៈដែលពេលនេះកូនទាំងពីររបស់នាងកាន់តែធំធាត់ តែនាងវិញកុំថាឡើយហ៊ានរៀបការ សូម្បីតែបង្ហាញមុខប្ដីជាសាធារណៈក៍អត់ប្រថុយដែរ ។
ពេជ្រ សេរីរ័ត្ន ធ្លាប់ល្បីល្បាញជាMC កម្មវិធី”រាត្រីព័ណស្វាយ “របស់បាយ័នហើយបន្ទាប់ពីចែកផ្លូវសង្សារចាស់នាងបានទៅជ្រកនៅហង្សមាស និងMytv ជាដើម តែពេលនេះបង្ហាញខ្លួនតែតាមកក្រុមហ៊ុនAgency របស់លោកអាឡិច ចាន់ត្រា ប៉ុណ្ណោះ។អ្នកខ្លះសង្ស័យថាសេរីរ័ត្ន អាចនឹងមានទំនាក់ទំនងពិសេសជាមួយលោកអាឡិច ទៀតផង តែភ្លាមៗនោះបុរសរូបសង្ហារនេះបានបញ្ចេញមុខសង្សារទប់ស្កាត់ភ្លាមៗដែលគេជឿរថានោះដើម្បីទប់ស្កាត់ប្រតិកម្មពីគូស្នេហ៍របស់សេរីរ័ត្ន ។
សូមបញ្ជាក់ថាពេជ្រ សេរីរ័ត្ន បានជ្រើសផ្លូវសាងបែបអ៊ឺរ៉ុប ពោលគឺយកកូនមុនរៀបការដូចគ្នាទៅនិងអ្នកនាងយុគ ចិន្ដា ,ខាត់ សុឃីម , ,នៅ សុនិតា ,កែវ ពេជ្រពិសី ,ឌុច លីដា ,ផាត់ ផាន់ណា និងពេជ្រ សូលីកា ជាដើម ។បើទោះជារងការិះគន់ថាមានកូនអត់ប្ដី ព្រោះមិនដែលបង្ហាញមុខស្វាមីក្ដី ប៉ុន្ដែសេរីរ័ត្ន មិនក្វល់ហើយនាងរស់ នៅក្នុងជីវិតហ៊ឺហាមានផ្ទះវីឡារប្រណិត តែនាងបែជាទៅស្នាក់នៅខុនដូទៅវិញ។ ប្រភពខ្លះថាសេរីរ័ត្ន ត្រូវម្ចាស់ ចិត្តថ្មីបដិសេធក្នុងការបង្ហាញមុខរួមគ្នាឬរឿងរៀបការ ព្រោះតាមដំណឹងថាលោក”ខ” ដែលគេថាជាប្ដីលាក់មុខរបស់នាងនោះមានភរិយាដើមនៅអូស្រ្ដាលី ។ប៉ុន្ដែសេរីរ័ត្ន អត់ចាប់អារម្មណ៍ ហើយពេលនេះអ្វីដែលនាងត្រូវធ្វើមុនគេគឺការប្រឹងរក្សាររូបសម្រស់ឲ្យនៅតែផូផង់ដើម្បីស្ដារមុខមាត់ក្នុងអាជីពជាMC ឡើងវិញ។តែមិនទាន់មានដំណឹងថាសេរីរ័ត្ន អាចនឹងទៅជ្រកនៅទ្រនុំថ្មីនៅស្ថានីយ៍ទូរទស្សន៍ណាធំដូចមុនឡើយ ។
ក្រៅពីពេជ្រ សេរីរ័ត្ន តារាដែលដកខ្លួនពីអាជីពសិល្បៈជាច្រើនឆ្នាំហើយវិលវិញមានដូចជានាងបេប៊ី ,ឡាយ លក្ខិណា និងសារ៉ាយ សក្ខណា ជាដើម ។ប្រភពខ្លះថាសេរីរ័ត្ន អាចនឹងយកកូនទី៣តាមបំណងប្ដី ហើយប្រសិនបើរឿងនេះជាការពិតមែន នោះនាងអាចនឹងបាត់ខ្លួនជាថ្មីនាពេលខាងមុខម្ដងទៀតជាមិនខានដើម្បីពពោះ។
អ្នកយកព័តមានយើងបានទូរស័ព្ទទៅពេជ្រ សេរីរ័ត្ន ប៉ុន្ដែលេខចាស់នាងតេមិនចូលឡើយកាលពីរសៀលថ្ងៃទី២២ កុម្ភៈ ។យ៉ាងណាក្រៅពីចេញមុខធ្វើជាMC ឡើងវិញនោះសេរីរ័ត្ន មិនបានធ្វើសកម្មភាពតាមរយៈការងារសិល្បៈផ្សេងៗទៀតនោះទេ ប៉ុន្ដែនាងបានលេចមុខនៅតាមកម្មវិធីមង្គលការរបស់មិត្តភក្ដិជាបន្ដបន្ទាប់ឡើងវិញ។ក្រៅពីនេះសេរីរ័ត្ន នៅតែជាវាគ្មិនដែលដោះស្រាយអ្នកមានវិបត្តិស្នេហ៍នៅតាមTik Tok ដដែល ។
ទស្សនិកជនរងចាំមើលថាតើពេជ្រ សេរីរ័ត្ន នឹងលាក់ប្ដីបាន១០ឆ្នាំថែមទៀតឬក៍នាងចង់កប់ចោលរឿងគេថាមានកូនអត់ប្ដីតាមរយៈការហ៊ានអូសដៃស្វាមីចូលរោងការទាំងមិនខ្លាចមានរឿងធំ ?