ភ្នំពេញ៖ក្រៅពីបង្ហាញក្ដីព្រួយបារម្ភរឿងទីផ្សារចម្រៀងធ្លាក់ចុះនោះសុគន្ធ និសា មិនបានរកវិធីទប់ទល់តាមរយៈការបង្កើតក្រុមផលិតចម្រៀង ឬមានអ្នកនិពន្ធផ្ទាល់ខ្លួនឡើយ ពោលគឺនៅតែច្រៀងបទដែលហង្សមាសទម្លាក់ឲ្យហើយផលិតកម្មនេះមានតារាច្រើនឡើងគជាន់ជើងគ្នា ហេតុនេះវិលជុំទើបដល់បទរបស់ខ្លួន ដូចច្នេះតើទៅរួចដែរឬទេ ដែលនិសា រំពឹងអាចស្ដារមុខមាត់ឡើងវិញបាននោះ ?ប៉ុន្ដែយ៉ាងណាហង្សមាសនៅតែមានច្រកផ្សេងទៀតដើម្បីទប់កុំឲ្យនិសា ធ្លាក់ចុះនោះគឺរុញនាងឲ្យទៅធ្វើជាគណៈកម្មាការ Cambodian Idol Junior រដូវកាលទី២ ជំនួសព្រាប សុវត្ថិ និងជាគ្រូបង្វឹគThe Voice Kids Cambodia រដូវកាលទី៣ជំនួសសួស វីសា ដើម្បីឲ្យនាងចេញមុខមាត់និងសកម្មភាពសិល្បៈឲ្យបានច្រើនជៀសFan ភ្លេចមុខ។ប៉ុន្ដែនិសា ធ្លាប់ប្រាប់ថាមិនមែនតែរូបនាងម្នាក់ទេ ដែលជួបបញ្ហាលែងសូវមានបទចម្រៀងចេញដិតដល់លើទីផ្សារដូចមុននោះ តែតារាផ្សេងៗទៀតក៍មានវាសនាដូចរូបនាងដែរ។
អ្នកជំនាញសិល្បៈបានលើកឡើងថា តារាដែលមានប្ដីឬកូនហើយគូរតែរកកន្លែងចតឡាន ពោលគឺមិនអាចប្រជែងទីផ្សារចម្រៀងបានទៀតទេ ហើយត្រូវតែធ្វើអ្វីលើសពីសិល្បៈ ។ប៉ុន្ដែសម្រាប់Fan សុគន្ធ និសា នៅតែចាត់ទុកថាតារាស្រគត់ស្រគុំរូបនេះអាចនឹងទៅរួច ពោលគឺនៅតែល្បី បើមានបទចេញដិតដល់លើទីផ្សារ ហើយបទនោះមានគុណភាព។ការសម្អាងបែបនេះព្រោះតែពួកគេមើលឃើញថាសម្ថភាពសម្លេងរបស់និសា មិនទាន់ធ្លាក់ចុះ ហើយពិសេសរូបសម្រស់របស់នាងនៅតែស្រស់ស្អាត មិនឡើងគីឡូ និងអត់សូវបែកសាច់ បើទោះជានាងមានប្ដីជាង៦ឆ្នាំ ទៅហើយក្ដី ។ដោយឡែកលោកនូ ស៊ឹប និងមិញ សុធីវណ្ណ ធ្លាប់ប្រាប់អ្នកយកព័តមានយើងថាតារាមានប្ដីនិងកូនហើយទស្សនិកជនៅតែគាំទ្រ ព្រោះសំខាន់នៅលើសម្ថភាព ដោយសារមនុស្សយើងកើតមកត្រូវតែមានគូរមិនអាចរស់នៅម្នាក់ឯងអស់១ជីវិតបានឡើយ ។
អ្នកជំនាញសិល្បៈព្រមានសុគន្ធ និសា ថាបើនាងពឹងលើតែបទចម្រៀងដែលហង្សមាសទម្លាក់ឲ្យនោះគឺមិនអាចស្ទុះឡើងវិញរួចឡើយ ពោលគឺមានតែធ្លាក់ចុះថែមទៀត ព្រោះតែយូៗទើបចេញបានមួយបទ ហេតុនេះហើយមានតែការបង្ខំចិត្តច្រៀងបទចាស់ឡើងវិញនៅពេលចេញមុខបណ្ដារកម្មវិធីផ្សេងៗ ។បញ្ហានេះហើយធ្វើឲ្យនិសា ប្រឈមពិបាកប្រជែងទីផ្សារចម្រៀងជាមួយតារាវ័យក្មេងនាពេលបច្ចុប្បន្ន រហូតឈានទៅមិនអាចរក្សារតំណែងជាតារាស្រីលំដាប់ជូរមុខរបស់ហង្សមាសបានតទៅទៀតផង។
គូរបញ្ជាក់ថាសុគន្ធ និសា អាយុ៤១ឆ្នាំបានផ្អាកថតភាពយន្ដប៉ុន្មានឆ្នាំចុងក្រោយនេះដើម្បីពង្រឹងទីផ្សារចម្រៀងឡើងវិញ ក្រោយពីនាងឆក់បានតួឯកដល់ទៅ៤រឿងជាប់គ្នាគឺរឿង”សិសិរដូវក្នុងបេះដូង “,”រាជនីយ៍ភូមិគ្រឹះ “,”ចំណតថ្មីនៃសុភមង្គល” និងរឿង”ព្រះវេស្សន្ដជាតក” ។ប្រភពខ្លះថានិសា អាចនឹងឡើងខ្លាំងម្ដងទៀតបើសិន ជាអតីតគូស្នេហ៍របស់នាងលោកសុខ ជំនោរ ចេញមុខអន្ដរាគមន៍និពន្ធបទថ្មីៗឲ្យនាងច្រៀងម្ដងទៀត ព្រោះកវីរូបនេះបានដឹងសម្លេងនិងទិកនិកនាងច្រៀងទាំងអស់ ។ប៉ុន្ដែរឿងនេះមិនអាចទៅរួចជាដាច់ខាត ព្រោះបច្ចុប្បន្នអ្នកទាំងពីមានគូស្នេហ៍ថ្មីរៀងៗខ្លួន ហើយសូម្បីតែពេលខ្លះពួកគេជួបគ្នាដោយចៃដន្យក៍មិនដែលនិយាយរកគ្នាសូម្បីតែ១ម៉ាត់។
ក្រៅពីសុគន្ធ និសា តារាដែលមានស្វាមីឬកូនហើយពិបាករក្សារទីផ្សារសិល្បៈមានដូចជាឱក សុគន្ធកញ្ញា ,មាស សុខសោភា ,ពេជ្រ សូលីកា ,សួស វីសា ,ឌុច លីដា និងសារ៉ាយ សក្ខណា ជាដើម ។តែសម្រាប់និសា វិញមិនពឹងលើអាជីពចម្រៀងទាំងស្រុងដូចមុនទេ ព្រោះមានហាងគ្លីនិក និងលក់អាហារតាមOnline ជាច្រើនឆ្នាំមកហើយ ហេតុនេះចំណូលនៅតែមាន ទោះជាលែងសូវចេញមុខតាមConcerts ច្រើនដូចមុនក៍ដោយ។ប៉ុន្ដែបើនិសា ហ៊ានចំណាយលុយផ្ទាល់ខ្លួនធ្វើបទចម្រៀងបន្ថែមពីលើហង្សមាសទម្លាក់ឲ្យនោះច្បាស់ជានាងអាចនឹង លេចធ្លោជាងនេះជាមិនខាន ។
គូររំលឹកថាសុគន្ធ និសា បានរៀបការជាមួយបុរសអាណិកជនខ្មែរមកពីទីក្រុងBoston សហរដ្ឋអាមេរិកលោកចៅ សម្បត្តិ កាលពីថ្ងៃទី១ខែ១២ ឆ្នាំ២០១៧ ពោលគឺចំណងស្នេហារក្សារបានជាង៦ឆ្នាំមកហើយ តែអត់ទាន់មានកូន១គ្រាប់ បើទោះជានាងសម្រេចចិត្តលែងពន្យាពេលយកកូនតាំងពីឆ្នាំ២០២១ ក្ដី ។បញ្ហានេះធ្វើឲ្យនិសា ប្រ ឈមបញ្ហាធំ២គឺពិបាកចិត្តព្រោះខ្លាចអត់លទ្ធភាពយកកូនបន្ដពូជ បាននិងភ័យព្រួយរឿងគ្មានបទចេញឲ្យបានដិតដល់ទីផ្សារ នាំឲ្យនាងប្រឈមកាន់តែស្ងប់ស្ងាត់ថែមទៀត ៕
