ភ្នំពេញ៖អ្នកនាងលី ម៉ារីណា បានបង្ហាញការស្រលាញ់ចំពោះកូនស្រីស្វាមីនាងលោកទៀង ច័ន្ទសារ គឺកញ្ញាច័ន្ទ សាន់តាណា ដូចជាកូនបង្កើតរបស់នាងដែរ ដោយនាងថាពេលនេះនាងមានកូនដល់ទៅ២នាក់ទៅហើយបើគិតទាំងកូនប្រុសរបស់នាងម្នាក់ទៀត ដែលសកម្មភាពរបស់នាងពេលនេះធ្វើឲ្យប្ដីកក់ក្ដៅខ្លាំងណាស់។ប៉ុន្ដែការមានកូន២នាក់នេះមិនទាន់គ្រប់គ្រាន់សម្រាប់ម៉ារីណា ឡើយពោលគឺតាមប្រភពថានាងនិងស្វាមីចង់បានកូននៅឆ្នាំ២០២៤ ដែលជាឆ្នាំថោះនេះដូចគ្នា ។យ៉ាងណាពេលនេះម៉ារីណា ដែលទើបរៀបការហើយជាង១ខែនេះនាងមិនទាន់មានផ្ទៃពោះឡើយ បើទោះជាពេលខ្លះគេឃើញនាងស្លៀកពាក់រ៉ូបរលុងៗដូចស្រ្ដីពោះធំក្ដី ។
គេកត់សម្គាល់ថាលី ម៉ារីណា ក្រោយក្លាយជាភរិយាលោកអធិការនគរបាលខណ្ឌដូនពេញលោកទៀង ច័ន្ទសារ តាមរយៈការរៀបអាពាហ៍ ពិពាហ៍ កាលពីថ្ងៃទី១២ ខែមករា ឆ្នាំ២០២៤ នោះពេលនេះម៉ារីណា ដែលអ្នកសិល្បៈរួមអាជីពខ្លះចាប់ផ្ដើមហៅនាងថាជា”ជំទាវៗ”នោះនាងនៅតែបន្ដលក់អ៊ឺវ៉ាន់តាមOnline ដដែល ខណៈដែលអាជីពសិល្បៈវិញនាងថាក្នុង១ឆ្នាំទទួលថតតែ១រឿងប៉ុណ្ណោះ ដើម្បីយកពេលដែលនៅសល់ទៅរកស៊ី ។ប្រភពបានឲ្យដឹងថាបន្ទាប់ពីម៉ារីណា ក្លាយទៅជាភរិយាស្របច្បាប់របស់លោកទៀង ច័ន្ទសារ មកស្វាមីនាងតែងតែបណ្ដើរនាងទៅជួបមិត្តភក្ដិ អ្នកជំនួញ ធំៗជាបន្ដបន្ទាប់នៅតាមកម្មវិធីផ្សេងៗដែលពេលនេះជីវិតនាងមានការផ្លាស់ប្ដូរខុសស្រឡះពីមុនដែលធ្លាប់នៅតែក្នុងរង្វង់សិល្បៈ ប៉ុន្ដែឥឡូវប្រែទៅជាប្ដីកំពុងតែជម្រុញនាងឲ្យហក់ចូលទៅក្នុងពិភពជំនួញ ហេតុនេះហើយគេជឿរថាម៉ារីណា នឹងដកខ្លួនចេញពីពិភពសិល្បៈបន្ដិចម្ដងៗឬឈានទៅបាត់មុខពីអាជីពចាស់នេះនាពេលខាងមុខជាមិនខាន ។
តាមប្រភថាមិនមែនតែលី ម៉ារីណា នោះទេដែលស្រលាញ់កូនប្រពន្ធដើមប្ដីដូចកូននាងបង្កើតនោះ តែលោកទៀង ច័ន្ទសារ ក៍ស្រលាញ់កូនប្រុសនាងសាត ថៃសាន់ ដូចជាកូនរបស់លោកដែរ ហេតុនេះហើយគេជឿរថាចំណងស្នេហា”អ្នកមេម៉ាយ ប៉ះពោះម៉ាយ “នេះនឹងរក្សារបានភាពយូអង្វែងជាមិនខាន ព្រោះនៅថ្ងៃជប់លៀងមង្គលការនោះលោកអធិការបានប្រាប់មិត្តភក្ដិថាលោកតាមស្រលាញ់ម៉ារីណា ដល់ទៅ៨ឆ្នាំទើបអាចយកនាងធ្វើជាប្រពន្ធបាន ។
គូរបញ្ជាក់ថាក្រៅពីលី ម៉ារីណា តារាដែលយកប្ដីពោះម៉ាយមានដូចជាកែវ ពេជ្រពិសី ,កែវ ពិសី និងហ៊ិន ច័ន្ទនីរ័ត្ន ជាដើម ។ប៉ុន្ដែមានតែម៉ារីណា ទេដែលធ្លាប់ឆ្លងកាត់ជីវិតអាពាហ៍ ពិពាហ៍ ដល់ទៅ៣ដងមកហើយ ហេតុនេះការស្វែងរកបុរសម្នាក់ដែលយល់ចិត្តនិងដូចអ្វីដែលនាងចង់បាននោះគេជឿរថាលោកច័ន្ទសារ នឹងមានចំណុចទាំងនោះប្រគល់ឲ្យនាងគ្រប់យ៉ាងទាំងអស់ក្រោយលោកបានជូនថ្លៃទឹកដោះដល់នាងដល់ទៅ៩ម៉ឺនដុល្លារនៅថ្ងៃរៀបការនោះ។យ៉ាងណារឿងដែលចាំបាច់ហើយម៉ារីណា ត្រូវតែធ្វើមុនគេក្រោយបានប្ដីជាលោកអធិការនគរបាលខណ្ឌដូនពេញនេះគឺការពពោះកូនដំបូងជាមួយលោកច័ន្ទសារ ដើម្បីរក្សារស្នេហាបានយូអង្វែង ព្រោះតាមព័តមានថាលោកអធិការពេញចិត្តនាងខ្លាំងណាស់ ទាំងរូបសម្រស់ និងចឬកលក្ខណៈសម្បត្តិរបស់នាងដែលសាកសមគ្នាជាមួយលោក។ប៉ុន្ដែលោកអធិការមិនដែលបង្ហាញសញ្ញានៃការហួងហែងចង់ឲ្យនាងចាកចេញពីអាជីពសម្ដែង ព្រោះតែខ្លាចនាងត្រូវតារាសម្ដែងប្រុសរួមអាជីពប៉ះសាច់នាងឡើយ ពោលគឺតាមព័តមានថាការបន្ដអាជីពចាស់ ឬបោះបង់លោកអធិការទុកឲ្យភរិយាលោកជាអ្នកសម្រេចចិត្តដោយខ្លួនឯង ។
សូមរំលឹកថាលី ម៉ារីណា បានចែកផ្លូវពីអតីតប្ដី២នាក់គឺលោកទឹត ថាវរិទ្ធ និងលោកសាត ចាន់ថន ហើយមុនព្រមបើកបេះដូងទទួលយកលោកទៀង ច័ន្ទសារ ជាស្វាមីថ្មីនេះនាងមានជម្រើសស្នេហ៍ច្រើនព្រោះក៍មន្រ្ដីធំមួយចំនួនទៀតចង់ស្អំបេះដូងនាងដែរ តែប្រុសៗទាំងនោះមិនអាចប្រជែងជាមួយលោកច័ន្ទសារ បានទេ ទើបធ្វើឲ្យម៉ារីណា ផ្ញើរខ្លួនជាមួយលោកអធិការហើយទោះជាពេលនេះនាងមិនទាន់មានផ្ទៃពោះជាមួយប្ដីថ្មីក្ដី ប៉ុន្ដែនាងបានប្រកាសថាមានកូន២នាក់ទៅហើយ។
អ្នកជំនាញសិល្បៈបានលើកឡើងថាតារាស្រីស្អាតៗក្នុងពិភពសិល្បៈទោះជាមានវ័យរាងជ្រេបន្ដិចក៍នៅតែមានជម្រើសស្នេហ៍ច្រើន ហើយពួកគេចូលចិត្តប្រើជីវិតហាយសូ លើសពីស្រ្ដីធម្មតា ហេតុនេះហើយបានជាភាគច្រើនបានស្វាមីជាមន្រ្ដីធំ ។ជាក់ស្ដែងដូចជាពេលនេះម៉ារីណា វ័យ៤៣ឆ្នាំទៅហើយ តែនៅបានថ្លៃទឹកដោះដល់ទៅ៩ម៉ឺនដុល្លារគឺពិតជាមិនធម្មតាទេ….៕
