ភ្នំពេញ៖អ្នកនាងលី ម៉ារីណា បានធ្វើឲ្យស្វាមីនាងលោកវរសេនីយ៍ឯកទៀង ច័ន្ទសារ អធិការនគរបាលខណ្ឌដូនពេញ ភ្ញាក់ផ្អើល(Surprise) នៅថ្ងៃខួបកំណើតរបស់លោកកាលពីថ្ងៃទី៥ ខែមីនា ព្រោះតែនាងបានរៀបចំនំ ខេក អមដោយផ្កានិងរូបស្វាមីពាក់ឯកសណ្ឋានសម្ថកិច្ចជាមួយសំណេរថា”រីករាយថ្ងៃខួបកំណើតប្ដីសម្លាញ់ ទៀង ច័ន្ទសារ ជូនពរបងមានសុខភាពល្អ ជោគជ័យគ្រប់ភារកិច្ច ស្រលាញ់ប្រពន្ធមួយជីវិត “។
ស្វាមីលី ម៉ារីណា បានថើបមាត់នាងដៃកាន់ផ្កាដែលមើលទៅពិតជាមានក្ដីសុខ ខណៈដែលកូនស្រីភរិយាមុនលោកច័ន្ទសារ កញ្ញាច័ន្ទ សាន់តាណា ក៍រីករាយថ្ងៃខួបកំណើតឪពុករបស់គេជាមួយម្ដាយថ្មីដែរទើបម៉ារីណា ថ្លែងសារអគុណទាំងលោកអធិការ និងកូនស្រីដែលចូលមកជីវិតឬក្លាយទៅជាគ្រួសារតែមួយជាមួយនាង។
លី ម៉ារីណា ថ្លែងសារទៅប្ដីនិងកូនដើមប្ដីថា”អរគុណប្ដីសម្លាញ់ និងកូនសម្លាញ់ ដែលចូលមកក្នុងជីវិតរបស់ខ្ញុំ “។
លី ម៉ារីណា ក៍បានធ្វើពិធីជប់លៀងធំខួបកំណើតប្ដីនាងនៅហាងមួយកាលពីរាត្រីថ្ងៃទី៦ មីនា ដោយមានតារាជាច្រើនបានចូលរួមផងដែរ ។
តាមរយៈការបង្ហាញក្ដីស្រលាញ់ទាំងប្ដីនិងកូនស្រីរបស់លី ម៉ារីណា នាពេលនេះធ្វើឲ្យលោកទៀង ច័ន្ទសារ សប្បាយចិត្តខ្លាំងព្រោះគ្រួសារលោកកំពុងតែរស់នៅយ៉ាងកក់ក្ដៅ បើទោះជាគេមិនសូវឃើញម៉ារីណា នាំកូនប្រុសនាងសាត ថៃសាន់ ដែលជាតំណក់ឈាមរបស់អតីតប្ដីលោកសាត ចាន់ថន ដើរកម្សាន្ដឬញាំអាហារជាមួយស្វាមីដូចនាងបង្ហាញភាពស្និតស្នាលជាមួយកូនស្រីប្ដីថ្មីក្ដី ។ប្រភពបានឲ្យដឹងថាម៉ារីណា នឹងធ្វើឲ្យស្វាមីនាង សប្បាយចិត្ត លើសពីការSurprise ថ្ងៃខួបកំណើតលោកទៅទៀតនៅឆ្នាំ២០២៤ នេះនោះគឺការពពោះយកកូននៅឆ្នាំនេះដើម្បីរឹតចំណងស្នេហាឲ្យកាន់តែរឹងមាំនិងកក់ក្ដៅក្នុងគ្រួសារថែមទៀត ។ប្រសិនបើផែនការណ៍មួយនេះជោគជ័យមែន នោះម៉ារីណា នឹងត្រូវលោកអធិការកាន់តែស្រលាញ់នាងខ្លាំងជាងនេះ ថែមទៀតជាមិនខាន បើទោះជាអ្នកទាំងពីរសុទ្ធតែធ្លាប់ឆ្លងកាត់ជីវិតគូរហើយមានកូនម្នាក់១ មុនចាប់ដៃគ្នាជាប្ដីប្រពន្ធស្របច្បាប់ក្ដី ។
គូររំលឹកថាលី ម៉ារីណា បានចែកផ្លូវជាមួយអតីតស្វាមីទី២លោកសាត ចាន់ថន ទើបតែជាង១ឆ្នាំប៉ុណ្ណោះនាងក៍ដឹកដៃលោកទៀង ច័ន្ទសារ រៀបការផ្អើលអស់ពិភពអ្នកសិល្បៈកាលពីថ្ងៃទី១២ ខែមករា ឆ្នាំ២០២៤ ។ក្រោយក្លាយទៅជាភរិយាលោកអធិការនគរបាលខណ្ឌដូនពេញម៉ារីណា ត្រូវបានកូនចៅលោកច័ន្ទសារ គោរពនាងដោយអ្នកខ្លះហៅម៉ារីណា ថាជា”មេស្រី” និងមួយចំនួនទៀតហៅថាជា”ជំទាវ”ជាដើម។ទោះជាយ៉ាងណាម៉ារីណា នៅតែបន្ដអាជីពចាស់ដោយចេញមុខLive លក់សម្លៀកបំពាក់តាមហ្វេសបុកធម្មតា ប៉ុន្ដែនាងកាត់បន្ថយការថតភាពយន្ដដោយក្នុង១ឆ្នាំទទួលសម្ដែងតែ១រឿងប៉ុណ្ណោះ ដើម្បីយកពេលវេលារកស៊ីផ្ទាល់ខ្លួនជាងផ្ដោតលើសិល្បៈ។តារាវ័យ៤៣ឆ្នាំ តែសាច់នៅតែសខ្ចីទ្រលុកទ្រលន់រូបនេះធ្លាប់លែងប្ដី២លើកមកហើយគឺជាមួយលោកទិត ថាវរិទ្ធ និងសាត ចាន់ថន ហេតុនេះទាំងអ្នករួមអាជីពនិងFan របស់នាងចង់ឃើញម៉ារីណា រក្សារចំណងស្នេហាថ្មីនេះឲ្យបានគង់វង្សយូអង្វែងជាងលើកមុន។បំណងនេះហាក់ចំការចង់បានរបស់ម៉ារីណា ព្រោះនៅថ្ងៃខួបកំណើតប្ដី នាងប្រាថ្នាសូមឲ្យលោកច័ន្ទសារ ស្រលាញ់នាងអស់មួយជីវិត ។គេចាំមើលថាតើលោកអធិការនឹងឆ្លើយតបទៅភរិយាបណ្ដូលចិត្តរបស់លោកយ៉ាងណាទៅចំពោះបំណងធំរបស់ភរិយាចង់បាននូវរឿងមួយនេះ។
ក្រៅពីអ្នកនាងលី ម៉ារីណា តារាដែលយកស្វាមីជាបុរសពោះម៉ាយមានដូចជាហ៊ិន ច័ន្ទនីរ័ត្ន ,កែវ ពិសី និងកែវ ពេជ្រពិសី ជាដើម ។ប្រភពពីតារារួមអាជីពបានបង្ហើបថាក្រោយម៉ារីណា ក្លាយទៅជាភរិយាលោកច័ន្ទសារ ជិត២ខែនេះអតីតប្ដីនាងលោកសាត ច័ន្ទថន មានការសោកស្ដាយប្រពន្ធខ្លាំង ព្រោះលោកមិនទាន់អស់ចិត្តស្រលា ញ់ ហើយតំណាក់កាលនេះលោកចង់បានកូនប្រុសសាត ចាន់ថន ទៅរស់នៅអាមេរិកជាមួយលោក។ប៉ុន្ដែម៉ារីណា ធ្លាប់ប្រាប់អ្នកយកព័តមានយើងថាទោះជានាងត្រូវឡើងតុលាការឬទៅដោះស្រាយដល់ណាក៍នាងមិនឲ្យកូនទៅលោកចាន់ថន ជាដាច់ខាត ៕
