ភ្នំពេញ៖តារាចម្រៀងGalaxy លោកខេម ប៊ុនថៃ ហៅខេមរៈ សិរីមន្ដ បានចេញមុខសរសើរប្រពន្ធរបស់ខ្លួនអ្នកនាងគួយ ផល្លី ថាជាអ្នកនៅពីក្រោយភាពជោគជ័យរបស់លោកនាពេលកន្លងមក ប៉ុន្ដែមិនបញ្ជាក់ថាជោគជ័យទៅលើអ្វីខ្លះទេ ។ការថ្លែងលើកទឹកចិត្តប្រពន្ធរបស់លោកប៊ុនថៃ នោះនៅចំថ្ងៃទី៨ ខែមីនា ជាទិវានារីអន្ដរជាតិ ដែលមិនថាតែតារានោះទេ ប៉ុន្ដែបុរសជាច្រើនបានចេញមុខសរសើរឬផ្ដល់កាដូដល់ភរិយារៀងៗខ្លួន។
អ្វីដែលគួរឲ្យកត់សម្គាល់នៅថ្ងៃនោះលោកខែម ប៊ុនថៃ បានបញ្ចេញរូបអាពាហ៍ ពិពាហ៍ របស់ខ្លួនមួយសន្លឹក ប៉ុន្ដែមិនបញ្ជាក់ឬបង្ហាញឲ្យគេឃើញថាបានរៀបការនៅថ្ងៃខែឆ្នាំណាឡើយ គឺមានតែរូបលោកនិងភរិយាគ្រងឈុតរៀបការថតពីមុខស្លាកឈ្មោះទាំងសងខាង ។ប៉ុន្ដែរូបភាពនោះក្រៅពីជាប់ឈ្មោះកូនស្រីគួយ ផល្លី នោះឈ្មោះកូនប្រុសដែលបាំងដោយរូបសិរីមន្ដ នោះក៍ជាប់អក្សរសម្គាល់ថាជាឧកញ៉ា ផងដែរដែលបញ្ជាក់ថាពិធីនោះអាចក្រោយលោកខែម ប៊ុនថៃ ឡើងឧកញ៉ាកាលពីថ្ងៃទី១១ ខែកុម្ភៈ ឆ្នាំ២០២២ ។តែរយៈពេលជាង២ឆ្នាំចុងក្រោយនេះសិរីមន្ដ មិនដែលធ្វើពិធីរៀបការជាមួយប្រពន្ធដោយបើកចំហម្ដងឡើយ ហេតុនេះទើបមានការសង្ស័យថានោះគ្រាន់តែពិធីបង្រ្គប់កិច្ចប៉ុណ្ណោះ ពោលគឺជាពិធីដែលមានតែសាច់ញាត្តិទាំងសងខាងចូលរួម ហើយសិរីមន្ដ ធ្វើពិធីនោះឡើងដើម្បីលើកមុខមាត់ភរិយា។ប៉ុន្ដែមជ្ឈដ្ឋានមហាជនបានលើកឡើងថាបើសិនជាសិរីមន្ដ ចង់ឲ្យប្រពន្ធសប្បាយចិត្តមែនលោកគួរតែហ៊ានរៀបការដោយបើកចំហតាមរយៈការធ្វើពិធីនោះទៅតាមក្បួនខ្នាតប្រពៃណីខ្មែរហើយជប់លៀងធំមានតារាល្បីៗរួមអាជីពចូលរួមសាទរនោះទើបលែនមានអ្វីជាអាថ័កំបាំងតទៅទៀតហើយ ។
គួរបញ្ជាក់ថាខេមរៈ សិរីមន្ដ ធ្លាប់ត្រូវបានគេផ្ដល់សហ័ស្សនាមថាលោកជាតារាពូកែលាក់រឿងមានប្រពន្ធកូនបានយូជាងគេក្នុងពិភពសិល្បៈពោលគឺរយៈពេលដល់ទៅ១៤ឆ្នាំ(២០០៤-២០១៨) ទើបហ៊ានសារភាពរឿងមានប្រពន្ធកូនកាលពីឆ្នាំ២០១៨ ប៉ុណ្ណោះនៅពេលដែលបែកធ្លាយនៅលើបណ្ដាញសង្គមទប់លែងជាប់។ប្រភពខ្លះបានឲ្យដឹងថាសិរីមន្ដ ក៍ធ្លាប់រៀបការជាមួយអ្នកនាងផល្លី កាលពីឆ្នាំ២០០៩ ម្ដងរួចទៅហើយដែរតែពិធីនោះលោកធ្វើដូចគ្នាទៅនិងមាស សុខសោភា រៀបការជាមួយលោកអ៊ឹត រ៉ាដា ដែរពោលគឺធ្វើដោយលាក់លៀមហើយមានតែអ្នកស្និតស្នាលប៉ុណ្ណោះដែលចូលរួម។សម្រាប់ចំណងស្នេហារបស់សិរីមន្ដ ក្រោយបើកចំហជាង៥ឆ្នាំនេះវិញលោកតែងតែបង្ហាញសកម្មភាពស្រលាញ់ប្រពន្ធខ្លាំងបន្ទាប់ពីចាប់ដៃគ្នាជាង២០ឆ្នាំទទួលបានកូន៣នាក់(ស្រី២)។នៅឆ្នាំ២០២៤ នេះ វិញលោកប៊ុនថៃ ក៍បាននាំកូនប្រុសទី១របស់ខ្លួនទៅតាមបណ្ដារកម្មវិធីជាច្រើនផងដែរដែលអាចជាសញ្ញានៃការបណ្ដុះកូនឲ្យដើរតាមគន្លងរបស់ខ្លួនព្រោះលោកថៃ មានអាយុ៣៩ឆ្នាំហើយ ។អតីតតារាចម្រៀងU2 និងសាន់ដេ រូបនេះភរិយាលោកអ្នកនាងគួយ ផល្លី ប្រៀបដូចជាជំនួយការរបស់ខ្លួនផងដែរ ព្រោះកន្លងមកនាងក៍ធ្លាប់បានដឹកនាំសម្ដែងបទប្ដី និងជាអ្នករៀបចំសម្លៀកបំពាក់ និងការធ្វើសក់ គ្រឿងអលង្ការជូនស្វាមី ពោលគឺដូចគ្នាទៅនិងប្រពន្ធលោកព្រាប សុវត្ថិ ,ឆាយ វីរៈយុទ្ធ និងខេម ដែរ។
គេកត់សម្គាល់ថារយៈពេលជាង១ឆ្នាំដែលខេមរៈ សិរីមន្ដ ឈជើងនៅGalaxy នេះលោកហាក់មានសកម្មភាពច្រើនជាងតារាប្រុសផ្សេងៗទៀតរបស់ផលិតកម្មនេះ និងចុងក្រោយនេះបានចាប់ដៃជាមួយតារាថៃ ទៀតផង។ប៉ុន្ដែម៉ូដសក់ក្រញ៉ាញ់របស់សិរីមន្ដ នៅឆ្នាំ២០២៤ នេះមិនទាន់មានតារាណាធ្វើតាមឡើយ ខណៈដែលFan ពីមុនធ្លាប់តែពេលលោកប៊ុនថៃ កាត់សក់ម៉ូដអី ចាំCopy តាមនោះពេលនេះស្ងប់ស្ងាត់ លែងសូវធ្វើតាមទៀត។អ្នកជំនាញសិល្បៈបានលើកឡើងថាខេមរៈ សិរីមន្ដ មានប្រៀបជាងតារាប្រុសផ្សេងទៀតរបស់Galaxy នោះគឺលោកមានបងប្រុសខេមរៈ ភារុណ ជាអ្នកសរសេរបទចម្រៀងឲ្យច្រៀង ហេតុនេះបើព្រាប សុវត្ថិ ,ខេម និងខាន់ ជេមស៍ ជាដើមចាំតែផលិតកម្មទម្លាក់ឲ្យច្រៀងនោះច្បាស់ជា ពិបាករត់តាមលោកប៊ុនថៃ ជាមិនខាន។ប៉ុន្ដែយ៉ាងណាគេចាំមើលថាសិរីមន្ដ ដែលធ្លាប់រងការរិះគន់២លើកគឺទី១៖ទាក់ទងការចេញមុខការពារថៅកែ និងទី២៖រឿងអត់ស្គាល់មុខឧកញ៉ាកាប់ឈើនៅខ្មែរនោះ ពេលនេះអាចវ៉ាព្រាប សុវត្ថិ បានដែរឬទេ ព្រោះអ្នកទាំងពីរធ្លាប់ប្រជែងគ្នាយ៉ាងស្វិតស្វាញបំផុតអំឡុងជ្រកកោននៅហង្សមាសជាមួយគ្នាជាង៣ឆ្នាំ ៕
