ភ្នំពេញ៖រយៈពេល១ឆ្នាំគត់ដែលស្រីស្អាតរ៉េត ស៊ូហ្សាណា បានចែកផ្លូវលែងចាប់ដៃជាមួយលោកសុវត្ថិ មុនីនាគ កូនទី២របស់លោកឧកញ៉ាព្រាប សុវត្ថិ ក្រោយលោកស្រីឡុង ស្រីមុំ ប្រកាសថាកូនប្រុសរបស់គាត់មិនមែនជាគូសង្សាររបស់ហ្សាណា ។អ្វីដែលគូរឲ្យចាប់អារម្មណ៍ពេលនេះហ្សាណា ក្រោយអត់កូនឧកញ៉ានាងមិនសូវមានសកម្មភាពលេចធ្លោដូចមុនទេ ទាំងបទចម្រៀង និងសកម្មភាពក្រៅឆាក ព្រោះគ្មានរូបភាពមួយណាដែលនាងនិងមុនីនាគ កាន់ដៃគ្នាបញ្ចេញក្បាច់រាំដាក់Tik Tok ដូចមុនទៀតឡើយ ។ហ្សាណា ក៍មិនទាន់ស្វែងរកបានដៃគូថ្មីទៀតដែរ បើទោះជានាងបានព្យាយាមសាកល្បងចាប់ដៃជាមួយលីម តិចម៉េង មួយប្រាវក្ដី ។
គូរកត់សម្គាល់ថារ៉េត ស៊ូហ្សាណា បានចាប់ផ្ដើមលេចធ្លោនៅពេលដែលនាងចាប់ដៃជាមួយលោកដួង វីរៈសិទ្ធ សម្ដែងរួមគ្នាបទ”ប្រយោគស្នេហ៍ “ ហើយនាងឈានមកចាប់ដៃជាមួយសុវត្ថិ មុនីនាគ ល្បីបទ”សុំខុសមួយយប់ “ បន្ទាប់មកអ្នកទាំងពីរបានលេចមុខតាមកម្មវិធីមួយចំនួននៅក្រៅឆាកដោយស្និតស្នាលគ្នាដូចគូសង្សារ។កាន់តែមានភ្លើងខៀវនោះម្ដាយរបស់ហ្សាណា ដែលមិនធ្លាប់ឲ្យតារាប្រុសណាស្និតជាមួយកូនស្រីគាត់ហើយសូ ម្បីតែអ្នកកាសែតសម្ភាសន៍កូនក៍លោកស្រីឈរចាំស្ដាប់សំណួរនោះបែជាអនុញ្ញាត្តិឲ្យកូនស្រីនិងមុនីនាគ អាចដើរជាមួយគ្នាតែពីរនាក់ជាញឹកញាប់ ទើបធ្វើឲ្យមានដំណឹងថាហ្សាណា ជិតក្លាយទៅជាកូនប្រសារលោកឧកញ៉ាហើយ ។ប៉ុន្ដែគូរឲ្យសា្ដយកាលពីដើមឆ្នាំ២០២៣ លោកស្រីឡុង ស្រីមុំ បានប្រកាសថាកូនកំលោះគាត់មុនីនាគ អត់ពាក់ព័ន្ធស្នេហាជាមួយរ៉េត ស៊ូហ្សាណា នោះទេ ហើយភរិយាលោកព្រាប សុវត្ថិ រូបនេះបានលើកហេតុ ផលថាមូលហេតុដែលលោកស្រីត្រូវបំភ្លឺរឿងនេះព្រោះតែខ្លាចលែងមាននារីណាហ៊ានស្រលាញ់កូនទី២របស់គាត់ទើបត្រូវតែនិយាយការពិតឲ្យគេបានដឹង ។បន្ទាប់ពីមានការលើកឡើងចំៗបែបនេះតាមព័តមានថាហ្សាណា ហាក់អាកអន់ស្រពោនចិត្តដែរ ព្រោះនាងស្អាតនិងល្បីប៉ុណ្ណឹងដែរ ហេតុអ្វីកូនឧកញ៉ាមើលរំលងបែបនេះទៅវិញ ?ប៉ុន្ដែហ្សាណា រក្សារភាពស្ងៀមស្ងាត់មិនតបអ្វីទាំងអស់ តែនាងបានកាត់ផ្ដាច់ទំនាក់ទំនងជាមួយមុនីនាគ ទាំង ស្រុងដូចជាលែងរាំដាក់Tik Tok រួមគ្នាដូចមុន ហើយគេក៍មិនដែលឃើញនាងទៅញាំអាហារនៅហាងព្រាប សុវត្ថិ ទៀតដែរ។ចំណែកប្រុសរូបសង្ហារមុនីនាគ វិញលោកក៍មិនដែលបញ្ចេញឲ្យគេឃើញនូវរូបភាពកៀកកើយជាមួយនារីណាថ្មីផ្សេងជំនួសហ្សាណា ដែរ។
មជ្ឈដ្ឋានមហាជនបានលើកឡើងថាអំឡុងពេលដែលរ៉េត ស៊ូហ្សាណា មិនសូវមានបទចម្រៀងណាគូរឲ្យចាប់ អារម្មណ៍ដូចពេលមុនទៀតនេះតារាចម្រៀងរួមទ្រនុំដូចជាសុគន្ធ និសា,ឱក សុគន្ធកញ្ញា,សួស វីសា និងពេជ្រ សោភា ជាដើមក៍ស្ងាត់ដូចគ្នា ហើយក្នុងចំណោមនោះមានតែនិសា ទេ ដែលបារម្ភជាងគេថាខ្លាចលែងអាចប្រជែងទីផ្សារចម្រៀងបានតទៅទៀត ។សម្រាប់ស៊ូហ្សាណា ដែលពេជ្រ សោភា ធ្លាប់អះអាងថានៅពេលដែលរូបនាងឬសុគន្ធកញ្ញា មានវ័យច្រើនទៅហ្សាណា អាចទៅជំនួសតំណែងពួកនាងបាន នោះប្រហែលជាពេលនេះមិនដូចការលើកឡើងបែបនេះឡើយ ព្រោះស្រីស្អាតធ្មេញចំពើសរូបនេះចាប់ផ្ដើមនៅទ្រឹងទៅវិញ ទោះជានាងបានធ្វើឲ្យអ្នកធ្លាប់រិះគន់លើនាងថាច្រៀងមិនកើត ភ្លឺភ្នែកតាមរយៈការចេញបទ”សង្ស័យ “ ដែលធ្វើឲ្យអ្នកBully នាងខ្លះស្រឡាំងកាំងក្ដី។
គេចាំមើលថាតើរ៉េត ស៊ូហ្សាណា នឹងអាចមានអ្វីថ្មី ធ្វើឲ្យគេចាប់អារម្មណ៍នាងម្ដងទៀតដែរឬទេនៅឆ្នាំ២០២៤ នេះសម្រាប់បទប្រពៃណីចូលឆ្នាំខ្មែរ ព្រោះបើនៅតែគ្មានអ្វីលេចធ្លោបែបនេះទៀតកុំថាឡើយនាងជាបេក្ខភាពអាចប្រជែងតំណែងតារាស្រីលំដាប់ជូរមុខនៅហង្សមាសបាន ប៉ុន្ដែសូម្បីតែឈរលំដាប់លេខ២ នៅហង្សមាសក៍ពិបាកនឹងទៅរួចដែរ ។ប្រភពខ្លះថាហ្សាណា មានច្រក១ទៀតដើម្បីប្រជែងជាមួយតារាផ្នែកយុវវ័យនាពេលបច្ចុប្បន្នដូចជានាងតន់ ច័ន្ទសីម៉ា ជាដើមនោះតាមរយៈការធ្វើបទចម្រៀងខ្លួនឯងបន្ថែមពីលើហង្សមាសទម្លាក់ឲ្យច្រៀង។ប៉ុន្ដែគេនៅមិនទាន់ដឹងថាតារាវ័យ២៤ឆ្នាំ មានទ្រព្យផ្ទាល់ខ្លួនខ្ទង់កន្លះលានដុល្លារដោយគិតតែផ្ទះ២ល្វែង រថយន្ដJeep Rubicon និហាងសម្លៀកបំពាក់ រូបនេះអាចនឹងផ្ដោតទៅលើការរកគូស្នេហ៍ថ្មីជំនួសកូនលោកឧកញ៉ា ឬគិតគូរលើការពង្រឹងទីផ្សារចម្រៀងជាមុន ឡើយ …៕
