Monday, April 15, 2024
Homeតារាខ្មែរខេមរៈ សិរីមន្ដ ៖ បទ”ឆ្នាំនេះ សប្បាយខ្លាំង “ ទទួល​ការរិះគន់ខ្លាំងលើបណ្ដាញសង្គម​!

ខេមរៈ សិរីមន្ដ ៖ បទ”ឆ្នាំនេះ សប្បាយខ្លាំង “ ទទួល​ការរិះគន់ខ្លាំងលើបណ្ដាញសង្គម​!

ភ្នំពេញ៖លោកបណ្ឌិតយង់  ពៅ បានថ្លែងសាររិះគន់ចំៗទៅលើបទចម្រៀងរបស់លោកខេមរៈ សិរីមន្ដ “ឆ្នាំនេះ សប្បាយខ្លាំង “ ដែលតាមរយៈកាយវិការ អត្ថន័យបទចម្រៀង និងការរាំរួម​ទាំងកាន់កាំភ្លើងជ័របាញ់ទឹកនោះលោកថាមិនអាចទទួលយកបានទេ ។លោកបណ្ឌិតយង់ ពៅ ថ្លែងសារថា”ខ្ញុំសូមប្រកាស ប្រឆាំងដាច់ខាត វីដេអូចម្រៀងបែបនេះ នាំភ្លើតភ្លើន​ប្រើកាំភ្លើ​ង​ទឹក​ …!នាំក្មេងៗប្រើប្រាស់ភ្លូកទឹក ភ្លូកដី​មិនចំណេញអី និងសេដ្ឋកិច្ចខ្មែរទេ ថែមទាំងខាតវប្ប​ធ័ម និងសុវត្ថិភាពទៀតផង ។ម្យាងបើមើលទៅលើសម្លៀកបំពាក់ ក៍យ៉ាប់ដែរ ពិចារណាឡើង​វិញ​ “។

 ប្រតិកម្មរបស់លោកបណ្ឌិតយង់ ពៅ នេះកើតមានក្រោយពីមានការផុស​បទ​ច្រៀង​របស់ខេមរៈ សិរីមន្ដ “ឆ្នាំនេះ សប្បាយខ្លាំង” នៅលើផេកមួយចំនួនដែល​បង្ហាញពីការរាំ​សប្បា​យហើយដៃ​កាន់​កំាំភ្លើងជ័របាញ់ទឹកដាក់គ្នា ដែលកាំភ្លើងនោះតាមព័តមាន​ថាអ្នកលក់យក​មពី​ថៃ ទៀតផង។​ប៉ុន្ដែខេមរៈ សិរីមន្ដ បានចេញមកបញ្ជាក់ថាបទនេះមិនមែនជាបទប្រពៃណីទេ  គឺបទ​បែប​សប្បាយៗចង្វាក់បែបទំនើប តាមសម័យកាលទំនើប ហើយមួយវិញទៀតលោក​បានផ្សារ​ភ្ជាប់​ជាមួយនិងក្អមខ្មែរ និងកាំភ្លើងជ័ររបស់ក្មេងៗលេង មានប្រភពមកពីអ៊ឺរ៉ុប ដែល​មានលក់ពាស​ពេញពិភពលោក ហើយលោកបានច្នៃដាក់អក្សរអង់គ្លេសថា”I love Cambodia “ និងអក្សរខ្មែរ​ថា “ខ្ញុំស្រលាញ់កម្ពុជា “ នៅលើកាំភ្លើងផងដែរ  លោកសង្ឃឹមថាបងប្អូន​នឹង​រីក​រាយរាំលេង នាពេល​ចូលឆ្នាំខ្មែរ ខាងមុខនេះ ហើយលោក ក៍មានបទចម្រៀង​លក្ខណៈ​ប្រពៃ​ណីជាច្រើន​បទទៀត​ដែល​ត្រៀមចេញផងដែរ ។

 ដោយឡែកអតីតអ្នកកាសែតកម្ពុជាថ្មីលោកកុសល សិរីមង្គល ពេលឃើញបទចម្រៀង​របស់ខេមរៈ សិរីមន្ដ “ឆ្នាំនេះ សប្បាយខ្លាំង “លោកបានបញ្ចេញសារនៅលើហ្វេសបុកថា​”ក្នុង​ផលិតកម្មប្រមូលផ្ដុំសុទ្ធតែឧកញ៉ា ទាំងថៅកែ ទាំងអ្នកនិពន្ធ ទាំងអ្នកចម្រៀង តែMV សម្រាប់​ចូលឆ្នាំថ្មី ចេញមកគ្មានបានជួយលើកស្ទួយវប្បធ័ម ប្រពៃណីជាតិអីបន្ដិច “។

 ជាមួយគ្នានេះដែរថ្មីៗនេះខេមរៈ សិរីមន្ដ បានប្រាប់អ្នកកាសែតថា​លោកមានមោទ​នភាព​ដែលដែលខំប្រឹងតស៊ូក្នុងអាជីពចម្រៀងជាង២០ឆ្នាំ បានលះបង់​ច្រើន​ណាស់ដើម្បី​ប្រទេសជាតិ ដើម្បីឲ្យទីផ្សារបទ​ចម្រៀ​ងខ្មែរ​ឈានចូលទីផ្សារអន្ដរជាតិ​ក្នុងនោះ​មា​នដូចជា​បទ”Call Me PaPa “ ល្បីដល់អន្ដរជាតិ ឯបទ”អូនរាំ អែន “ច្រៀងជាមួយ​តារាថៃ ដើ​ម្បីឲ្យប្រ​ជាជនទាំង២ សប្បាយជុំគ្នា ក្នុងឱកាសសង្រ្កាន្ដដូចគ្នា …។

 ក្រោយមានការបំភ្លឺបែបនេះហើយអ្នកសារព័តមានបានស្រង់ដំដីខេមរៈ សិរីមន្ដ យក​ទៅបង្ហោះស្រាប់តែមានការរិះគន់លើតារាGalaxy រូបនេះជាបន្ដបន្ទាប់​នៅលើបណ្ដាញ​សង្គម​ទៅវិញក្រោយមានការផុសនៅផេកPlus Tv ក្នុងនោះមានដូចជាហ្វេសបុកឈ្មោះSe la បានខមិនថា”គ្មានអារម្មណ៍ មិនចាប់អា​រម្មណ៍ “,ហ្វេសបុកឈ្មោះសូ ផាត ខមិនថា “បទស្លាប់ មុនម្ចាស់ “,ហ្វេសបុកឈ្មោះBong Ra ខមិនថា”ចេះនិយាយម្នាក់ឯងទៀតបងឧកញ៉ា  អ្នក​ភូមិ​ខ្ញុំ​អត់មានស្ដាប់​ទេ បទអីហ្នុងណ៎“,ហ្វេសបុកឈ្មោះ​Kim Rayou ខមិនថា “២០ឆ្នាំ ខំណាស់ Copy & Past “,ហ្វេសបុកឈ្មោះ”Som Somnarng “ខ្ញុំមិនដែលឃើញតារាចម្រៀង​ល្បីបរ​ទេស​ណា​និយាយ​បែបនេះទេ​”,ហ្វេសបុកឈ្មោះរសជាតិ ជីវិត បានខិមនថា”មិនដឹង​ថាលះបង់អ្វី​ខ្លះ​ទេ ដើម្បី​ប្រទេសជាតិ បើមិនដែលឃើញ​ចេញមុខ​ឈឺច្អាលអំពីបញ្ហាសង្គមជាតិផង បើលះបង់​ដើម្បី​ខ្លួនឯងអីថាខ្លះ” ,ហ្វេសបុកឈ្មោះSary Soeung ខមិនថា”លះបង់ឲ្យ​បានក្លាយខ្លួន​ជា​ឧក​ញ៉ា បានត្រូវ មើលសក់ក្បាលឧកញ៉ា”,នៅមានក៍ខមិនជាច្រើនទៀត​ដែលចូលទៅប្រឆាំង​ការ​លើក​ឡើងរបស់លោកសិរីមន្ដ ទាក់ទងការលើកឡើងពីបទចម្រៀងរបស់តារាGalaxy រូបនេះ …។

 មជ្ឈដ្ឋានមហាជនមើលឃើញថាចំណុចដែលលោកខេមរៈ សិរីមន្ដ បានការផ្លាស់ប្ដូរ​ទាំង​ស្រុងនៅពេលនេះនោះគឺលោកបានលេងម៉ូដសក់ក្រញ៉ាញ់ សំពោង តែម៉ូដនេះគេនៅ​មិនទាន់ឃើញ Fan លោកប៊ុនថៃ  កាត់តាមព្រោងព្រាតដូចមុនៗទេ និងខ្លះនៅតែមិន​យល់ថា​ម៉ូដ​សក់មួយនេះលោកច្នៃដោយខ្លួនឯង ឬយកតាមតារារូបណា ។

 អតីតតារាចម្រៀងហង្សមាសលោកនូ ស៊ឹប បាននិយាយខ្លីទាក់ទងរឿងការតែង​ខ្លួន​របស់ខេមរៈ សិរីមន្ដ រយៈពេលចុងក្រោយនេះថាលោកក៍មើលមិនយល់ឡើយ ចំពោះការ​ស្លៀក​ពាក់និងម៉ូដសក់ថ្មីរបស់សិរីមន្ដ នៅពេលនេះ។ដោយឡែកលោកឃុន ចាន់ឌី អតីត​អ្នកដឹក​នាំសម្ដែងសាន់ដេបានចេញវីដេអូកាលពីពេលថ្មីៗនេះថាតាំងពីខេមរៈសិរីមន្ដ ចេញពី​សាន់ដេ​លោកស្ដាប់បទចម្រៀងតារារូបនេះមិនចូលទេគឺមានតែបទ”ស្ទឹងត្រែងបងអើយ “នៅ​ហង្ស​មាស​គ្រាន់បើបន្ដិច ហើយលោកថែមទាំងបានដាស់តឿនលោកប៊ុនថៃ ថា”ដើរជាមួយ​បណ្ឌិត​គឺ​បណ្ឌិត ដើរជាមួយមនុស្សពាល គឺពាលហើយ “។

 ទោះបីជាបទចម្រៀងរបស់ខេមរៈ សិរីមន្ដ “ឆ្នាំនេះសប្បាយខ្លាំង “កំពុងទទួលការិះគន់​ពីបណ្ឌិតនិងទស្សនិក​ជនខ្លះមែន ប៉ុន្ដែគេចាំមើលថាតើបទរបស់តារារូបណាដែលល្បី​ជាងគេ​នៅ​ក្នុងថ្ងៃពិធីបុណ្យចូលឆ្នាំប្រពៃណីខ្មែរ២០២៤ ?

RELATED ARTICLES