ភ្នំពេញ ៖ បុរសម្នាក់ផឹកស្រាស្រវឹងបានចេញពីខារ៉ាអូខេ មកក្រៅ វិញទប់អារម្មណ៍មិនបានបើកទ្វារថយន្តយកកាំភ្លើងវែងបាញ់ខ្យល់មកបាញ់បង្អើលគេឯងនៅនិងមុខហាងជាច្រើនគ្រាប់ បង្កអោយមានការភ្ញាក់ផ្អើលឡើងនៅវេលាម៉ោង១១និង២០នាទីយប់ ថ្ងៃទី៦ ខែកុម្ភៈ ឆ្នាំ២០១៧ទុលមុខនិងខារ៉ាអូខេ ឌីយ៉ាម៉ង់ធាល ដែលស្ថិតនៅផ្លូវ១៧៣សង្កាត់ទួលស្វាយព្រៃ១ ខណ្ឌចំការមន។
តាមសំដីសន្តិសុខដែលយាមនៅក្បែរកន្លែងកើត បានអោយដឹងថា គេឃើញបានបុរសម្នាក់អាយុជាង៣៥ឆ្នាំ បានដើរចេញពីក្នុងខារ៉ាអូខេ ខាងលើក្នុងសា្ថនភាពស្រវឹង តែមិនដឹងថាបុរសខាងលើនោះមានកំហឹងរឿងអ្វី បានដើរមកបើកទ្វាររថយន្តប្រភេទពីរកឹប ម៉ាកTOYOTA HILUX ពណ៌សពាក់ស្លាកលេខរដ្ឋ៣៦ .២ .០៨០៩ដែលចតទុកនៅមុខហាង រួចហើយបានទាញយកកាំភ្លើងវែងជាប្រភេទកាំភ្លើងបាញ់ខ្យល់ មកបាញ់បង្អើលគេឯងចំនួន៣គ្រាប់ រួចហើយក៍ដើរចូលទៅក្នុងខារ៉ាអូខេវិញបាត់ ពេលនោះពួកគាត់ដែលឃើញហេតុការណ៍ ក៍រាយការណ៍ទៅប្រាប់សមត្ថកិច្ចមូលដ្ឋានអោយចុះមកមើល លុះសមត្ថកិច្ចមូលដ្ឋានបានចុះទៅដល់ គឺបានមកឈរសំឡឹងមើលទៅរថយន្ត រួចហើយបានសាកសួរ ក្រុមសន្តិសុខដែលយាមនៅទីនោះពីរបីម៉ាត់រួចក៍នាំគ្នាជិះម៉ូតូចេញទៅបាត់អស់ហាក់បីដូចជាមិនខ្វល់រឿងអ្វីសោះ ។
ប្រភពព័ត៌មានបានឲ្យដឹងទៀតថា សង្ស័យថាបុរសខាងលើខឹងស្រីស្អាតនៅក្នុងខារ៉ាអូខេ ទប់អារម្មណ៍មិនបាន ឬក៏នាងមិនព្រមទៅជាមួយទើបផ្ទុះកំហឹងបែបនេះ ។ លុះពេលសមត្ថ កិច្ចមកដល់គ្រាន់តែឃើញរថយន្តស្គាល់ដល់ម្ចាស់មិនហ៊ានអន្តរាគមន៍ទេព្រោះបុណ្យសក្តិ ទាបជាងម្ចាស់រថយន្តក៏បាននាំគ្នាចេញទៅបាត់អស់ ៕
ណន រ៉ាត់