ភ្នំពេញ ៖ បុរសម្នាក់ជិះម៉ូតូលឿនពេកជ្រុលទៅបុករថយន្តដឹកទំនិញចតតាមផ្លូវពេញទំហឹង បណ្តាលឲ្យរងរបួសធ្ងន់ម្នាក់ កាលពីវេលាម៉ោង10និង៣៥នាទីយប់ថ្ងៃទី៦ ខែកុម្ភៈ តាមបណ្តោយផ្លូវបេតុងច្រកចូលរោងចក្រដំបូលខៀវស្ថិតនៅភូមិត្រពាំងថ្លឹងសង្កាត់ចោមចៅខណ្ឌពោធិ៍សែនជ័យ។
ម៉ូតូរងគ្រោះម៉ាកហុងដាឌ្រីម ពណ៌ខ្មៅ ពាក់ស្លាកលេខភ្នំពេញ1FF7243 បើកដោយបុរស ម្នាក់ក្នុងទិសដៅពីជើងទៅត្បូងក្នុង ល្បឿនលឿនជ្រុលទៅបុករថយន្តដឹកទំនិញប្រភេទ
យីឌុបម៉ាកហ៊ីយ៉ាន់ដាយ ពណ៌ស ពាក់ស្លាកលេខភ្នំពេញ3A6614ចតនៅតាមផ្លូវ បណ្តាលឲ្យដួលរងរបួសបែកមុខមាត់សន្លប់ស្តូក ។
តាមប្រភពព័ត៌មានពីអ្នកឃើញហេតុការណ៍នៅកន្លែងកើតហេតុអោយដឹងថា មុនពេលកើតគេបានឃើញបុរសម្នាក់បើកម៉ូតូលឿនមិនបានចាប់ហ្វ្រាំងម៉ូតូមិនទាន់ហើយជ្រុលទៅបុករថយន្តចតស្ងៀមពេញទំហឹងបានធ្វើអោយបុរសម្នាក់ដួលទៅថ្នល់រីឯម៉ូតូវិញបានបែកបាក់ក្បាំងមុខ។
ក្រោយពេលកើតហេតុអ្នករងរបួសធ្ងន់ត្រូវសង្គ្រោះគ្លីនិករស្មីដឹកយកទៅព្យាបាល ទើបសមត្ថកិច្ចមូលដ្ឋានបានចុះទៅដល់កន្លែងកើតហេតុហើយធ្វើការវាស់វែងម៉ូតូរងគ្រោះនិងរថយន្តយកទៅរក្សាទុកនៅអធិកាដ្ឋាននគរបាលខណ្ឌពោធិ៍សែនជ័យរង់ចាំដោះស្រាយពេល
ក្រោយ៕
នូ ផាន់ណា