ភ្នំពេញ ៖ កម្លាំងអន្តរាគមន៍ខណ្ឌពោធិ៍សែនជ័យឃាត់បានជនសង្ស័យម្នាក់រួមនិងថ្នាំញៀន ២៩កញ្ចប់ ជនសង្ស័យម្នាក់រហ័ស្សនាមអាខ្មោចត្រូវកម្លាំងអន្តរាគមន៍នៃអធិការដ្ឋាន នគរបាលខណ្ឌពោធិ៍សែនជ័យជិះល្បាតការពារក្នុងមូលដ្ឋានឃើញសង្ស័យឃាត់ខ្លួនរួមជាមួយថ្នាំញៀន២៩កញ្ចប់តូច កាលពីវេលាម៉ោង១០និង៥០នាទីយប់ថ្ងៃទី ៧ ខែកុម្ភះ ២០១៧ នៅចំណុចផ្លូវវេងស្រេង មុខក្លឹបមីតណាយ ភូមិត្រពាំងថ្លឹង ស្ថិតក្នុងសង្កាត់ចោមចៅ ខណ្ឌពោធិ៍សែនជ័យ។
ជនសង្ស័យខាងលើមានឈ្មោះ ពេជ្រ ឌួងតារា ហៅ អាខ្មោច ភេទប្រុស អាយុ១៨ឆ្នាំ មុខរបរមិនពិតប្រាកដ ស្នាក់នៅភូមិកើតហេតុខាងលើ។ សមត្ថកិច្ចដកហូតបានថ្នាំម្សៅ សក្រាមសង្ស័យជាសាធាតុញៀនម៉ាទឹកកចំនួន២៩កញ្ចប់តូច ។
តាមប្រភពព័ត៌មានពីកំលាំងអន្តរាគមន៍ខណ្ឌពោធិ៍សែនជ័យបាននិយាយថា មុនពេលកើតកម្លាំងបានធ្វើការជិះល្បាតតាមមូលដ្ធានទៅមកដល់ក្បែរកន្លែងកើតហេតុ កម្លាំងបានប្រទះឃើញជនសង្ស័យកំពុងឈរនៅតាមផ្លូវគួឲ្យសង្ស័យសមត្ថកិច្ចបានឃាត់និងឆែកឆេររកឃើញថ្នាំញៀនចំនួន២៩កញ្ចប់តូចក៏បានឃាត់ខ្លួនតែម្តង ។
បច្ចុប្បន្នជនសង្ស័យរួមជាមួយវត្ថុតាងត្រូវបានកម្លាំងឃាត់ខ្លួននាំមកកាន់ផ្នែកជំនាញនៃអធិការខណ្ឌពោធិ៍សែនជ័យដើម្បីចាត់ការតាមច្បាប់ ៕
ថោង ធីម