ភ្នំពេញ៖បើទោះជាលោកឆន សុវណ្ណារាជ មានអាយុប្អូនពេជ្រ សោភា ២ឆ្នាំក្ដី ប៉ុន្ដែសោភា បានហៅតារារោមទ្រូងច្រើនរូបនេះថាជា”ពូ” ហើយនាងហាក់បង្ហាញកាយវិការយកចិត្តទុកដាក់លើដៃគូម្នាក់នេះជាងគូដណ្ដឹងរបស់នាងលោកឆឹម សក្កដា ទៅវិញ។សោភា បារម្ភខ្លាចពូរាជ មានបញ្ហាសុខភាពព្រោះពេលខ្លះលោកទៅច្រៀងទាំឈឺ ជាដើម ដែលបញ្ជាក់ថានាងតាមដានពីសកម្មភាពរបស់ដៃគូម្នាក់នេះយ៉ាងដិតដល់បំផុត។ចំណែកលោកឆឹម សក្កដា ឯណ្ណោះវិញថាលោកកំពុងតែលេបថ្នាំព្យាបាលជំងឺផ្លូវចិត្តរាល់ថ្ងៃ ដែលការអះអាងបែបនេះក្រោយពីលោកបានព្រមានធ្វើអត្តឃាត តាមរយៈការសម្លាប់ខ្លួនដោយមិនដឹងមូលហេតុ ចំពេលដែលសោភា ងាកទៅកៀកកើយជាមួយជាមួយលោករាជ ដូចគូស្នេហ៍។ប៉ុន្ដែជុំវិញរឿងរ៉ាវលោកសក្កដា កំពុងមានជំងឺផ្លូវចិត្តដ៍ធ្ងន់ធ្ងរនេះសោភា ប្រាប់អ្នកយកព័តមានយើងថានាងមិនបានដឹងរឿងរ៉ាវនេះទាំងអស់។
គួរបញ្ជាក់ថាពេជ្រ សោភា និងលោកឆឹម សក្កដា បានប្រកាសថាពួកគេបានភ្ជាប់ពាក្យមួយគ្នាកាលពី១១ ខែ១១ ឆ្នាំ២០២២ ហើយតាមគម្រោងតារាទាំងពីរនឹងដឹកដៃគ្នារៀបការនៅឆ្នាំ២០២៣ ។ប៉ុន្ដែដោយសារតែខ្វែងគំនិតគ្នាទើបពួកគេទាំងពីរលុបចោលមង្គលការនោះយ៉ាងទាន់ហន់ទៅវិញហើយនៅឆ្នាំ២០២៤ នេះសោភា ប្រាប់យ៉ាងខ្លីថានាងមិនបានត្រៀមខ្លួនរៀបការទេ ពោលគឺលែងកំណត់ថ្ងៃអាពាហ ពិពាហ៍ តែម្ដង ។ចំណែកតារាភាគច្រើននៅហង្សមាសដែលជ្រកក្រោមដំបូលជាមួយពេជ្រ សោភា នោះពួកគេមិនជឿរថាសោភា និងលោកសក្កដា ជាគូដណ្ដឹងគ្នាមែនទែនឡើយ ពោលគឺអាចគ្រាន់តែជាឈុតឆាកដើម្បីឲ្យគេចាប់អារម្មណ៍ ឬពង្វាងដានគូស្នេហ៍ពិតរៀងៗខ្លួនប៉ុណ្ណោះ ។
ក្រៅពីបង្ហាញភាពសោះកក្រោះដាក់គ្នានោះពេជ្រ សោភា -ឆឹម សក្កដា ក៍ខកខានបណ្ដើរគ្នាទៅតាមកម្មវិធីសិល្បៈមួយចំនួនដែរ ពោលគឺលលោករាជ បានស្អិតល្មូតសោភា ទាំងក្នុងនិងក្រៅឆាកជាច្រើនខែមកហើយ បន្ទាប់ពីពួកគេធ្លាប់ស្និតស្នាលគ្នាបែបនេះកាលពីឆ្នាំ២០១៦ ឥឡូវរំលងបានជិត៨ឆ្នាំ ផ្អែមល្ហែមគ្នាលើសដើម ។ប៉ុន្ដែFan មួយចំនួននៅតែជឿរជាក់ថាសោភា ទុកចិត្តខ្លាំងលោករាជ ព្រោះបុរសម្នាក់នេះមិនចេះកេងចំណេញលើស្រ្ដីភេទផ្ដែសផ្ដាសនោះទេ ជាក់ស្ដែងដូចជាមាស សុខសោភា អីចឹងបានអោបថើបលោករាជ ហើយប្ដីនាងថតរូបឲ្យទៀត ដែលសកម្មភាពបែបនេះហើយទើបមានខ្លះបានឌឺដងនិងហៅលោកថាជា”ចែ “ឬម៉ាក់រាជ “ទៀតផង។
ពេជ្រ សោភា ទោះជាមានវ័យជ្រេបន្ដិចមែន តែសម្រស់នាងនៅតែក្មេងជាងអាយុហើយជាញឹកញាប់នាងតែងតែនិយាយលើកទឹកចិត្តខ្លួនឯងដូចជាថាសម្រស់នាងកាន់តែស្អាត ឬមើលពីជ្រុងណាក៍ឃើញស្អាតជាដើម ។ការវាចាបែបនេះមិនខុសនោះទេ ព្រោះសោភា នៅតែផូផង់មែន ប៉ុន្ដែតាមប្រភពថាដោយសារតែនាងមានជំងឺឈាមស ស៊ីឈាមក្រហម ដែលពេលខ្លះធ្វើទុក្ខនាងខ្លាំង ទើបសោភា ព្យាយាមនិយាយលួងចិត្តខ្លួនឯងដើម្បីជម្នះរាល់ឧបស័គ្គដែលធ្វើឲ្យរំខានដល់ការច្រៀងសម្ដែងរបស់នាង។ដោយឡែកលោកឆន សុវណ្ណារាជ វិញលោកក៍តែងតែលើកទឹកចិត្តសោភា ដូចដែលនាងធ្វើដាក់លោកដែរ ទើបពេលនេះពួកគេហាក់ចុះសម្រុងនិងយល់ចិត្តគ្នាកាន់តែខ្លាំង ហើយអ្នកដែលត្រូវលេបថ្នាំព្យាបាលជំងឺផ្លូវចិត្តជារៀងរាល់ថ្ងៃនោះគឺលោកសក្កដា ។
Fan របស់ពេជ្រ សោភា បារម្ភខ្លាចចំណងស្នេហានាងនិងលោកឆឹម សក្កដា បានដើរដល់ទីបញ្ចប់ដែលពេលនោះសោភា នឹងជួបវិបត្តិប្រេះឆាស្នេហាជាលើកទី៣ ហើយពិបាកនិងព្យាបាលដំបៅបេះដូងនេះម្ដងទៀត ព្រោះលោករាជ មិនអាចដើរតួនាទីជំនួសលោកសក្កដា បានទេ ។ប៉ុន្ដែសោភា នៅតែមិនខ្លាចក្នុងការបន្ដជីវិតរស់នៅម្នាក់ឯងទៀតឡើយ ព្រោះតាំងពីដើមមកនាងនៅតែមានគោលការណ៍ថាយករឿងគ្រួសារជាជំហ៊ានទី១ រឿងស្នេហាជារឿងទី២ដដែល ។
មជ្ឈដ្ឋានមហាជនរងចាំមើលថាតើពេជ្រ សោភា នឹងលេងស្ទីលដូចមាស សុខសោភា ដែលបណ្ដោយឲ្យលោករាជ អោបថើបនាង ហើយឲ្យសក្កដា ជាអ្នកថតឲ្យដែរឬទេ ?
