ភ្នំពេញ៖ពិធីការិនីហ៊ិន ច័ន្ទនីរ័ត្ន ច្រើនតែស្លៀករ៉ូបរលុងៗចុងក្រោយនេះរហូតមានគេសង្ស័យថានាងកំពុងពពោះកូនទី១ទៀតផង ព្រោះពិធីការិនីមាន សូនីតា ដែលជាអ្នកជិតដិតនាងបានបង្ហើបថានីរ័ត្ន ប្រាប់នាងថាចង់បានកូនឆ្នាំរោង នេះតែម្ដង ហេតុនេះនាងមិនពន្យាពេលក្នុងការយកកូននោះទេ ។ប៉ុន្ដែនៅតាមកម្មវិធីខ្លះច័ន្ទនីរ័ត្ន បែជាស្លៀករឹបរាងឲ្យឃើញដងខ្លួននាងថាមិនទាន់ពោះធំទៅវិញ ទើបខាងAgency នៅតែហៅនាងធ្វើជាMC ជាបន្ដបន្ទាប់ បើទោះជាអាជីពសម្ដែងភាពយន្ដ និងMV របស់នាងស្ទើតែបញ្ចប់សកម្មភាពទាំងស្រុងក្ដី ។
ថ្វីត្បិតតែហ៊ិន ច័ន្ទនីរ័ត្ន មិនទាន់សារភាពថានាងមានកូនដំបូងមែន ប៉ុន្ដែFan សង្កេតឃើញថាក្រោយច័ន្ទនីរ័ត្ន មានប្ដីជាង៥ខែពេលនេះរូបរាងនាងចាប់ផ្ដើមបែកសាច់បន្ដិច និងឡើងគីឡូជាងមុនផងដែរ ព្រោះមើលទៅទ្រលុកទ្រលន់ណាស់។អ្នកខ្លះថាច័ន្ទនីរ័ត្ន មានកូន១តាំងពីមុនរៀបការម្លេះ ព្រោះថាលោកពេជ្រ ជាបុរសពោះម៉ាយមានកូនស្រី១ ហើយនីរ័ត្ន ស្រលាញ់ក្មេងស្រីនោះដូចជាកូននាងបង្កើតដែរ ព្រមទាំងបានហៅថាជាកូនៗពេញមាត់ទៀតផង។សកម្មភាពបែបនោះធ្វើឲ្យលោកពេជ្រ កាន់តែស្រលាញ់ច័ន្ទនីរ័ត្ន ទ្វេដង ព្រោះលោកស្រលាញ់កូនស្រីប្រពន្ធមុនខ្លាំងណាស់។
គួរកត់សម្គាល់ថាហ៊ិន ច័ន្ទនីរ័ត្ន ត្រូវបានតារារួមអាជីពហៅនាងថាជា”ជំទាវ ៗ”តាំងពីក្រោយនាងរៀបការម្លេះ ទើបពេលនេះធ្វើឲ្យនាងមានឥទ្ធិពលនៅក្នុងសិល្បៈទាំងវ័យក្មេងបន្ទាប់ពីក្លាយទៅជាក្មួយប្រសារលោកអតីតនាយករដ្ឋមន្រ្ដី ។ប្រភពបានឲ្យដឹងថាច័ន្ទនីរ័ត្ន ទទួលតែការធ្វើMC ប៉ុណ្ណោះ ហើយអាជីពសម្ដែងរបស់នាងទំនងជាដល់ទីបញ្ចប់ទៅហើយ លើកលែងតែការថតភាពយន្ដបែបប្រវត្តិថ្នាក់ដឹកនាំទើបនាងព្រមសម្ដែង បើទោះជាគ្មានដំណឹងថាស្វាមីនាងលោកឌី ពេជ្រ ហួងហែងនាងក្នុងការថតរឿងក្ដី ។
មជ្ឈដ្ឋានមហាជនមើលឃើញថាស្រីស្អាតហ៊ិន ច័ន្ទនីរ័ត្ន ដល់ត្រើយសុខសាន្ដត្រាន្ដទៅហើយនៅឆ្នាំ២០២៤ នេះពិសេសគឺការលុបចោលទាំងស្រុងនូវពាក្យគេហៅនាងថាជាតារាអភ័ព្វស្នេហានោះ តែប្រែទៅជាគេហៅនាងថាមានសំណាង វិញម្ដង។ចំណែកស្វាមីនាងលោកពេជ្រ ជាកូនប្រុសរបស់លោកឌី ចូច ត្រូវជាក្មួយសម្ដេចតេជោ បច្ចុប្បន្នលោកពេជ្រមានមុខជំនួញធំៗជាច្រើនក្នុងដៃក្នុងនោះមានក្រុមហ៊ុនDDI Company ,ក្រុមហ៊ុនDDI Concrete និងផ្សារបឹងបៃតង …។ប្រភពបានឲ្យដឹងថាលោកពេជ្រ ក៍មានគម្រោងបង្កើតអាជីវកម្មក្រៅសិល្បៈឲ្យហ៊ិន ច័ន្ទនីរ័ត្ន នាពេលខាងមុខនេះដែរ ពោលគឺនឹងបោះទុនលើមុខរបរណាដែលនាងស្រលាញ់ ហេតុនេះហើយនីរ័ត្ន អាចនឹងដកខ្លួនពីសិល្បៈបន្ដិចម្ដងៗមុនពេលនាងមានផ្ទៃពោះ និងក្លាយទៅជាអគ្គនាយិកាក្រុមហ៊ុននាពេលខាងមុខនេះ ។
អ្នកជំនាញសិល្បៈបានលើកឡើងថាតារាស្រីស្អាតៗប្រឡូកសិល្បៈឆាប់ល្បីរហ័សទៅតាមរូបសម្រស់និងទេពកោសល្យរបស់ពួកគេ ។ប៉ុន្ដែទន្ទឹមនិងនោះតារាស្រីមួយផ្នែកធំក៍ចង់បានប្ដីដូចហ៊ិន ច័ន្ទនីរ័ត្ន ដែរ ពោលគឺជាបុរសមានទ្រព្យស្ដុកស្ដម និងជាប់ខ្សែស្រឡាយអ្នកធំ ព្រោះអាជីពសិល្បៈមិនទៀងទាត់ទេ ។
Fan រងចាំមើលថាហ៊ិន ច័ន្ទនីរ័ត្ន នឹងពពោះបានសម្រេចបំណងនៅឆ្នាំរោងនេះដូចក្ដីសុបិនឬយ៉ាងណា ខណៈដែលការធ្វើតេស្ដលេងៗជាមួយគ្រឿងអេឡិចត្រូនិកនាងមានកូនដល់ទៅ៣នាក់ឯណ្ណោះ នៅថ្ងៃដែលនាងនិងប្ដីដឹកដៃគ្នាទៅចុះអេតាស៊ីវិលនៅថ្ងៃទី២២ ខែមីនា ឆ្នាំ២០២៤ ៕
