ភ្នំពេញ៖ស្រីស្អាតសឹម ស្រីនិច្ច និងប្រុសសង្ហារសុខ សាន់នី ស្ម័គ្របង្ហាញទំនាក់ទំនងរបស់ពួកគេដោយបើក ចំហ ទាំងការដើរកម្សាន្ដតែ២នាក់នៅតាមឆ្នេសមុទ្រ ,ញាំអាហារនៅពេលរាត្រី, រួមទាំងការដំណើរនៅថៃ ជាដើម។មិនត្រឹមតែប៉ុណ្ណោះ ស្រីនិច្ច បង្ហើបថានាងគ្រោងដឹកដៃលោកសាន់នី ទៅកម្សាន្ដនៅប៉ែកអ៊ឺរ៉ុប ដល់ទៅ៧ប្រទេសនាពេលខាងមុខនេះទៀតផង ។
សំណួរសួរថាតើហេតុអ្វីបានជាស្រីស្រស់សឹម ស្រីនិច្ច ទុកចិត្តតែលើលោកសុខ សាន់នី ដល់ម្លឹង ?
សឹម ស្រីនិច្ច មិនឆ្លើយតបពីទំនាក់ទំនងរបស់នាងនិងពិធីករសាន់នី ថាស៊ីជម្រៅគ្នាដល់កម្រិតណាទេ ដោយនាងបែជាថាមិនគួរឆ្លើយនៅពេលនេះ ឬពេលខាងមុខទៅវិញ ដែលមានន័យថានាងចង់ឲ្យគេតាមដានសកម្ម ភាពរបស់នាងនិងលោកសាននី ច្រើនជាង។ប៉ុន្ដែទន្ទឹមនិងនេះក៍មានអ្នកខ្លះសង្ស័យថាពួកគេទាំងពីរអាជាការត្រូវរ៉ូវគ្នាលេង១ក្បាច់ដើម្បីបញ្ឈឿរចិត្តអតីតសង្សាររបស់ស្រីនិច្ច ក៍ថាបានព្រោះលោកសាន់នី មិនមែនទើបតែធ្លាប់បង្ហាញភាពស្អិតល្មូតជាមួយតារាសម្ដែងរូបនេះម្នាក់ទេ តែលោកក៍ធ្លាប់ស្និតស្នាលជាមួយតារាសម្ដែងស្រីស្អាតផ្សេងៗទៀតដែរ តែបានតែ១ប្រាវក៍ស្ងាត់ទៅវិញ ។សម្រាប់ស្រីនិច្ច វិញនាងមានជម្រើសស្នេហ៍ច្រើន ពោ លគឺបុរសមិនតិចនាក់ទេទាំងក្នុងនិងក្រៅស្រុកចង់ក្លាយទៅជាសង្សាររបស់នាង ប៉ុន្ដែនាងបែជាជ្រើសផ្លូវសាងស្នេហ៍”ជួញជិត ប្រសើជាងជួញឆ្ងាយ “ ។
យ៉ាងណាគិតមកដល់ចុងខែឧសភា នេះទាំងសឹម ស្រីនិច្ច និងលោកសុខ សាន់នី នៅមិនទាន់ចេញមុខ សារភាពស្នេហាឡើយ ហើយពួកគេសរសើរគ្នាទៅវិញទៅមកដូចជាពេលឃើញលោកសាន់នី ហាត់ប្រាណបង្ហាញសាច់ដុំធំៗនោះស្រីនិច្ច បង្ហាញអារម្មណ៍គ្រឺតក្នាញ់និងថាលោកសង្ហារខ្លាំង ខណៈដែលលោកសាន់នី វិញក៍តែងតែថានាងជាស្រីស្អាតដែរ …។ដោយឡែកសម្រាប់តំណើរកម្សាន្ដ៧ប្រទេសនៅប៉ែកអ៊ឺរ៉ុប នាពេលខាង មុខនេះគេជឿថាគឺជាការពិសោធន៍ស្នេហ៍ដ៍ធំមួយរវាងគូស្នេហ៍តារាសិល្បៈ១គូនេះ ព្រោះកន្លងមកមានគូស្នេហ៍តារាជាច្រើននាក់មកហើយ ច្រើនតែបណ្ដើរគ្នាទៅកៀកកើយនៅបរទេសរួចក៍ដឹកដៃគ្នាចូលរោងការតែម្ដង ។
សឹម ស្រីនិច្ច ជាតារាសម្ដែងដ៍លេចធ្លោនារយៈពេលចុងក្រោយនេះ បន្ទាប់ពីសារ៉ាយ សក្ខណា ,ឌុច លីដា និងនៅ សុនិតា ជាដើមមានស្វាមីអស់។ខ្សែភាពយន្ដចុងក្រោយដែលស្រីនិច្ច ចាត់ទុកថាជារឿងធំបំផុតក្នុងអាជីពរបស់នាងនោះគឺរឿង”អប្សរាមហាអង្គ”ដឹកនាំដោយលោកហ្វៃ សំអាង ដែលមុនថតរឿងនេះនាងបានចំណាយពេលហាត់របាំដល់ទៅជាង១ឆ្នាំ ខណៈរឿងនេះនឹងត្រូវបញ្ចប់នៅចុងឆ្នាំ២០២៤ នេះហើយ ។ស្រីនិច្ច ថាក៍ជាលើកដំបូងក្នុងអាជីពផងដែរដែលក្នុងរឿងតែ១នាងលេងដល់ទៅតួ៣ផ្សេងគ្នា ហេតុនេះនាងរំពឹងថាទីផ្សារសិល្បៈរបស់នាង នឹងកាន់តែទូលាយ ក្រោយភាពយន្ដមួយនេះដាក់បញ្ចាំង។
ក្រៅពីសឹម ស្រីនិច្ច តារាដែលជ្រើសគូស្នេហ៍ជាតារាដូចគ្នាមានដូចជាគង់ សុជាតិ (ជា វិបុល),ខាត់ សុឃីម (ផាណូ),សែម ឆវី (សាវិន ហ្វីលីព),កុល ដាវី (សុខ រក្សារ),គង់ ច័ន្ទស្រមុំ (គឹម សីហា ),ម៉ានីកា (ចន) ,ទេព បូព្រឹក្ស (ដេវីត ),ប៉ាច គីមមួយ (សយ រតនៈ) និងពេជ្រ សោភា (សក្កដា) ជាដើម ៕
