ខេត្តកំពង់ស្ពឺ ៖ ជនដៃដល់ជាខ្មាន់កាំភ្លើង ដែលបានបាញ់សម្លាប់បុរសជាអ្នកបើកគោយន្ត ដឹកឈើ កាលពីយប់ថ្ងៃទី០៩ ខែកុម្ភៈ ឆ្នាំ២០១៧ នៅចំណុចបរិវេណក្រុមហ៊ុន ឡះះ ស្ថិតក្នុង ភូមិត្រពាំងជោ ស្រុកឱរ៉ាល់នោះ ត្រូវបានសមត្ថ- កិច្ចវែកមុខឃើញហើយ គឺជាប្រធានសន្តិសុខ ក្រុមហ៊ុន HLH និងមានបក្ខពួករួមគំនិតចំនួន ៣នាក់ទៀត ក្នុងនោះមានទាំងស្ត្រីជាប្រពន្ធ របស់អនុប្រធានសន្តិសុខក្រុមហ៊ុនខាងលើផងដែរ។
ជនដៃដល់ជាឃាតករនោះ មានឈ្មោះ ឈន វុទ្ធី អាយុ៣៧ឆ្នាំ ជាមន្ត្រីយោធាពាក់ ស័ក្តិ៣ និងជាប្រធានសន្តិសុខក្រុមហ៊ុន ឡះះ មានលំនៅផ្ទះលេខ៦៦ ផ្លូវលេខ២០០ ភូមិ៦ សង្កាត់បឹងរាំង ខណ្ឌដូនពេញ។ ចំណែកបក្ខពួក ជាអ្នករួមគំនិត៣នាក់ទៀត រួមមាន ទី១-ឈ្មោះ កែវ វណ្ណា ជាមន្ត្រីយោធាពាក់ស័ក្តិ៣ និងជា អនុប្រធានសន្តិសុខក្រុមហ៊ុន HLH មានលំនៅ ផ្ទះលេខ៣៧៥ ក្រុម៦ ភូមិព្រែកទាល់ សង្កាត់ ស្ទឹងមានជ័យ ខណ្ឌមានជ័យ ទី២-ឈ្មោះជេង ចំប៉ី អាយុ២៣ឆ្នាំ មុខរបរមេផ្ទះ ត្រូវជាប្រពន្ធ របស់អនុប្រធានសន្តិសុខ ស្នាក់នៅភូមិអូរស្រឡៅ ឃុំវត្តតាមឹម ស្រុកសង្កែ ខេត្តបាត់ដំបង និង ទី៣-ឈ្មោះដួង ពៅ អាយុ៥៧ឆ្នាំ មុខរបរ សន្តិសុខ ក្រុមហ៊ុន ឡះះ មានលំនៅភូមិពោធិ៍មាស ឃុំត្រពាំងជោ ស្រុកឱរ៉ាល់។
ចំណែកជនរងគ្រោះដែលត្រូវខ្មាន់កាំភ្លើង បាញ់ស្លាប់នោះ មានឈ្មោះរ៉ន រ៉េត អាយុ២៦ឆ្នាំ មានលំនៅក្នុងភូមិថ្មគប់ ឃុំអមលាំង ស្រុកថ្ពង។ ដោយឡែកបុរសម្នាក់ទៀត ឈ្មោះធី ចាន់ណា អាយុ៣២ឆ្នាំ រស់នៅភូមិត្បែងប្រជាប់ ឃុំប្រាំ- បីមុម ស្រុកថ្ពង ជាអ្នកបើកគោយន្តមួយគ្រឿង ទៀត តាមពីក្រោយគោយន្តរបស់ជនរងគ្រោះ មិនមានរងរបួសអ្វីនោះទេ។
លោកអន យុទ្ធហុង អធិការរងនគរបាល ស្រុកឱរ៉ាល់ បានឱ្យដឹងថា តាមការបញ្ជាក់ពី សាក្សីឈ្មោះក្លែប ងូយ ភេទស្រី អាយុ៤៩ឆ្នាំ មុខរបរលក់ដូរ មានលំនៅក្នុងភូមិកើតហេតុ ខាងលើ បាននិយាយថា នៅមុនពេលកើតហេតុ គាត់ឃើញរថយន្តមួយគ្រឿង ម៉ាកកូរ៉ូឡា ពណ៌ ផ្ទៃមេឃ ជិះគ្នា២-៣នាក់ ដែលគេស្គាល់ថា ជា សន្តិសុខក្រុមហ៊ុន ឡះះ បានទៅឃាត់គោយន្ត ដឹកឈើអុស បន្ទាប់មកក៏កើតមានហេតុការណ៍ បាញ់សម្លាប់ជនរងគ្រោះខាងលើតែម្តង។
លោកអធិការរង បញ្ជាក់ថា ក្រោយពី ទទួលបានបញ្ជាផ្ទាល់ពីលោកស្នងការនគរបាល ខេត្ត ព្រមទាំងមានការចង្អុលបង្ហាញពីសាក្សី ផងនោះ សមត្ថកិច្ចក៏ឈានដល់ការចាប់ឃាត់ ខ្លួនជនសង្ស័យទាំង៤នាក់ខាងលើ មកធ្វើការ សាកសួរ។ ទីបំផុត ជនសង្ស័យឈ្មោះឈន វុទ្ធី ដែលជាប្រធានសន្តិសុខក្រុមហ៊ុន ឡះះ បាន សារភាពថា រូបគេគឺជាជនដៃដល់ដែលបាញ់ ប្រហារជនរងគ្រោះ បណ្តាលឱ្យស្លាប់ប្រាកដ មែន។
ក្រោយឃាត់ខ្លួនក្រុមជនសង្ស័យ សមត្ថ- កិច្ចបានដកហូតនូវសម្ភារៈមួយចំនួន រួមមាន ១-ផាវគ្រាប់បែកចំនួន៦កញ្ចប់ និងរាយចំនួន ១២គ្រាប់ ២-គ្រាប់កង់ ចំនួន៨១គ្រាប់ ៣-គ្រាប់កាំភ្លើងប៉េអាកុល ចំនួន៣គ្រាប់ ៤-គ្រាប់ កាំភ្លើង K54 ចំនួន១០គ្រាប់ ៥-គ្រាប់រ៉ូឡូ ធុនតូច ចំនួន៨៥គ្រាប់ ៦-កាំភ្លើងខ្យល់ច្នៃ ១ ដើម ៧-ស្លាកលេខ ខេមរភូមិន្ទ១គូ ៨-រថយន្ត ចំនួន២គ្រឿង ព្រមទាំងវត្ថុតាងមួយចំនួនទៀត។
ជនសង្ស័យទាំង៤នាក់ខាងលើ រួមនឹងវត្ថុតាង ត្រូវបានសមត្ថកិច្ចរៀបចំកសាងសំណុំ រឿង បញ្ជូនទៅកាន់សាលាដំបូងខេត្តកំពង់ស្ពឺ ដើម្បីចាត់ការបន្តតាមនីតិវិធី។
គួររំលឹកថា កាលពីវេលាម៉ោង៨និង៤០ នាទីយប់ ថ្ងៃទី០៩ ខែកុម្ភៈ ឆ្នាំ២០១៧ មាន ករណីឃាតកម្មមួយ បានកើតមានឡើងនៅ ចំណុចបរិវេណក្រុមហ៊ុន HLH មានទីតាំងស្ថិត ក្នុងភូមិត្រពាំងជោ ស្រុកឱរ៉ាល់ ដោយខ្មាន់ កាំភ្លើងមួយក្រុមបានបើករថយន្តមួយគ្រឿង ពាក់ស្លាកលេខ ខ.ម បើកការបាញ់ប្រហារជា ច្រើនគ្រាប់ទៅលើបុរសជាអ្នកបើកគោយន្តដឹក អុសម្នាក់ បណ្តាលឱ្យជនរងគ្រោះស្លាប់យ៉ាង អាណោចអាធ័ម។
លោកប៊ុត ប៊ុនធឿន អធិការនគរបាល ស្រុកឱរ៉ាល់ បានបញ្ជាក់ប្រាប់ថា នៅមុនពេល កើតហេតុ ជនរងគ្រោះទាំង២នាក់ខាងលើ បាន បើកគោយន្តដឹកអុស ឆ្លងកាត់បរិវេណក្រុមហ៊ុន HLH លុះបន្តិចក្រោយមក ក៏ស្រាប់តែមាន ខ្មាន់កាំផ្លើងមិនស្គាល់មុខមួយក្រុមបើករថយន្ត ម៉ាកកាមរីគូទស្វិត ពាក់ស្លាកលេខ ខ.ម បាន បើកមកស្ទាក់ឱ្យជនរងគ្រោះជាអ្នកបើកគោយន្ត ឈប់ តែជនរងគ្រោះមិនព្រមឈប់ ទើបក្រុម ខ្មាន់កាំភ្លើងបើករថយន្តដេញតាម និងបើកការ បាញ់ប្រហារអស់ជាច្រើនគ្រាប់ ទៅលើជន- រងគ្រោះឈ្មោះរ៉ន រ៉េត បណ្តាលឱ្យស្លាប់យ៉ាង អាណោចអាធ័មនៅនឹងកន្លែង ចំណែកជនរងគ្រោះម្នាក់ទៀត ដែលបើកគោយន្តពីក្រោយ មិនទទួលរងរបួសអ្វីនោះទេ៕ អ៊ុំ ណូន