ខេត្តពោធិ៍សាត់ ៖ បុរស២នាក់ ជាអាជីវករលក់ដូរនៅតូបក្បែរគ្នា បានកើតមានជម្លោះ ប្រតាយប្រតប់គ្នា ឃើញបែបនេះ កូនប្រុស២ នាក់ បានស្ទុះចូលទៅជួយឪពុក ដោយព្រួតគ្នា ៣នាក់ឪកូន កាប់ចាក់ប្រហារទៅលើភាគីទំនាស់ បណ្តាលឱ្យរងរបួសធ្ងន់ កាលពីវេលាព្រឹកថ្ងៃទី ១០ ខែកុម្ភៈ ឆ្នាំ២០១៧ នៅចំណុចផ្សារលាច ស្ថិតក្នុងភូមិពេជបាន ឃុំលាច ស្រុកភ្នំក្រវាញ។
ជនសង្ស័យទាំង៣នាក់ឪកូន ដែលព្រួត កាប់ចាក់ប្រហារបុរសម្នាក់ រងរបួសធ្ងន់រួមមាន ទី១–ឈ្មោះមាស សុខឃៀង អាយុ៥៣ឆ្នាំ មុខរបរអាជីវករផ្សារលាច (ឪពុក) ទី២–ឈ្មោះ គាន ពេជ្រ អាយុ១៩ឆ្នាំ (កូន) និងទី៣–ឈ្មោះគាន ឆៃ អាយុ១៨ឆ្នាំ (កូន)។ ជនសង្ស័យទាំង៣នាក់ឪកូន មានលំនៅក្នុងភូមិ– ឃុំកើតហេតុខាងលើ។ ចំណែកជនរងគ្រោះមាន ឈ្មោះវ៉ាន់ គិម អាយុ២៣ឆ្នាំ មុខរបរអាជីវករ ផ្សារលាច (តូបក្បែរគ្នា) និងមានលំនៅក្នុង ភូមិព្រៃខ្លុង ឃុំរកាត ស្រុកភ្នំក្រវាញ។
តាមប្រភពពីកន្លែងកើតហេតុ បានឱ្យដឹង ថា រវាងជនរងគ្រោះ និងជនបង្កហេតុ គឺជា អ្នកលក់ដូរនៅតូបក្បែរគ្នា តែបានកើតមាន ជម្លោះរឿងលក់ដូរកាច់កុងគ្នា រហូតមើលមុខ គ្នាលែងចំជាយូរមកហើយ ហើយក៏ធ្លាប់កើត មានជម្លោះបែកផ្សែងដែរ តែមិនធ្លាប់ឈាន ដល់អំពើហិង្សាធ្ងន់ធ្ងរបែបនេះឡើយ។
ប្រភពដដែលបន្តថា នៅមុនពេលកើត– ហេតុ គេឃើញជនរងគ្រោះ និងជនបង្កហេតុ ឈ្មោះមាស សុខឃៀង បានកើតមានជម្លោះ នឹងគ្នាសាជាថ្មី រហូតកើតមានការប្រតាយប្រតប់ គ្នា ឃើញបែបនេះ ស្ត្រីជាអាជីវករលក់ដូរក្បែរ គ្នាម្នាក់ ឈ្មោះញឹក សុខុន បានចេញមកជួយ ឃាត់ ស្រាប់តែភ្លាមនោះ ឈ្មោះគាន ពេជ្រ និងឈ្មោះគាន ដៃ ដែលត្រូវជាកូនប្រុសរបស់ ជនបង្កឈ្មោះមាស សុខឃៀង បានស្ទុះចូល មកជួយឪពុក ដោយទាញកាំបិត និងដែក ដេញ កាប់ចាក់ប្រហារទៅលើជនរងគ្រោះ បណ្តាល ឱ្យចំកំភួនដៃខាងស្តាំ រងរបួសធ្ងន់តែម្តង។
ក្រោយកើតហេតុ ជនរងគ្រោះត្រូវបាន អាជីវករលក់ដូរក្បែរគ្នាជួយដឹកបញ្ជូនទៅកាន់ មន្ទីរពេទ្យបង្អែកខេត្តពោធិ៍សាត់ ដើម្បីព្យាបាល។ ចំណែកជនសង្ស័យទាំង៣នាក់ឪពុក និងកូន ត្រូវបានសមត្ថកិច្ចចុះចាប់ឃាត់ខ្លួន នាំ យកទៅសាកសួរ និងរៀបចំកសាងសំណុំរឿង បញ្ជូនខ្លួនទៅកាន់សាលាដំបូងខេត្ត ដើម្បីចាត់ការបន្តតាមនីតិវិធី៕