ខេត្តកំពង់ចាម ៖ ជនសង្ស័យមួយក្រុម ដែលបានធ្វើសកម្មភាពភ្ជង់ប្លន់ស្ត្រីជាអាជីវករ លក់មាសនៅក្បែរផ្សារធំថ្មីកំពង់ចាម ស្ថិតក្នុង ភូមិ១២ សង្កាត់កំពង់ចាម ក្រុងកំពង់ចាម កាល ពីព្រឹកថ្ងៃទី០៥ ខែកុម្ភៈ ឆ្នាំ២០១៧ កន្លងទៅ ដោយប្រមូលបានមាសប្រាក់ជាង២ម៉ឺនដុល្លារ នោះ ត្រូវបានសមត្ថកិច្ចស្រាវជ្រាវចាប់ឃាត់ ខ្លួនបានចំនួន៤នាក់ កាលពីថ្ងៃទី១០ ខែកុម្ភៈ ឆ្នាំ២០១៧ ខណៈដែលក្រុមចោរប្លន់មួយនេះ បានរត់គេចទៅសម្ងំលាក់ខ្លួននៅក្នុងទឹកដីខេត្ត សៀមរាប។
ជនសង្ស័យជាសមាសភាពចោរប្លន់ទាំង ៤នាក់ ដែលត្រូវបានបង្ក្រាប មិនទាន់ត្រូវបាន សមត្ថកិច្ចបង្ហើបឱ្យដឹងពីអត្តសញ្ញាណនៅឡើយ ដោយសំអាងថា កំពុងស្ថិតក្នុងការសាកសួរ យកចម្លើយ និងកំពុងតាមស្វែងចាប់ខ្លួនបក្ខពួក បន្ថែមទៀត ខណៈដែលពួកគេមិនមែនមានគ្នា ត្រឹមតែ៤នាក់នោះទេ។
សមត្ថកិច្ចខេត្តកំពង់ចាម បានបញ្ជាក់ថា ប្រតិបត្តិការបង្ក្រាបក្រុមចោរប្លន់នេះ ធ្វើឡើង ក្រោមកិច្ចសហការរវាងកម្លាំងនគរបាលខេត្ត កំពង់ចាម កម្លាំងនគរបាលរាជធានីភ្នំពេញ កម្លាំងនាយកដ្ឋានព្រហ្មទណ្ឌក្រសួងមហាផ្ទៃ និងកម្លាំងនគរបាលខេត្តសៀមរាប ហើយពេល នេះ ជនសង្ស័យទាំង៤នាក់ ត្រូវបានបញ្ជូនមក កាន់ស្នងការដ្ឋាននគរបាលខេត្តកំពង់ចាម ដែល ជាម្ចាស់ករណី ដើម្បីធ្វើការសាកសួរ និងចាត់- ការតាមច្បាប់។
គួររំលឹកថា កាលពីវេលាម៉ោង៧និង០៥ នាទីព្រឹក ថ្ងៃទី០៥ ខែកុម្ភៈ ឆ្នាំ២០១៧ មាន ករណីប្លន់ប្រដាប់អាវុធមួយ បានកើតឡើងនៅ ចំណុចផ្សារធំកំពង់ចាម ស្ថិតក្នុងភូមិ១២ សង្កាត់ កំពង់ចាម ក្រុងកំពង់ចាម ដោយស្ត្រីជាអាជីវករ លក់មាសម្នាក់ ទើបនឹងបើករថយន្តមកដល់ ហាងលក់មាស រួចចុះដើរយួរកាបូបដាក់មាស សំដៅចូលហាង ក៏ស្រាប់តែត្រូវជនសង្ស័យជា ចោរប្លន់មួយក្រុម បានស្ទុះមកឆក់យកកាបូប រួចភ្ជង់កាំភ្លើងគំរាមមិនឱ្យស្រែក និងបានប្លន់ យកកាបូបដាក់មាសទៅបាត់ដោយសុវត្ថិភាព។
ស្ត្រីរងគ្រោះដែលត្រូវចោរប្លន់យកមាស អស់១កាបូបនោះ មានឈ្មោះសុខ លក្ខិណា អាយុ៤៥ឆ្នាំ មុខរបរលក់មាស យីហោ សុខ លក្ខិណា មានទីតាំងស្ថិតក្នុងភូមិកើតហេតុខាង- លើ និងមានលំនៅក្នុងភូមិ៤ សង្កាត់វាលវង់ ក្រុង កំពង់ចាម។ ចំណែកជនសង្ស័យជាចោរប្លន់ មានគ្នា៣នាក់ មិនត្រូវបានស្គាល់អត្តសញ្ញាណ នោះទេ គ្រាន់តែដឹងថា ជិះម៉ូតូមួយគ្រឿង ម៉ាក ហុដា ឌ្រីម សេ១២៥ ពណ៌ខ្មៅ មិនចាំស្លាក លេខ។
តាមសម្តីស្ត្រីជាអាជីវករលក់មាស ដែល ត្រូវចោរភ្ជង់ប្លន់ បានរៀបរាប់ប្រាប់ថា នៅមុន ពេលកើតហេតុ គាត់បានបើករថយន្តចេញពីផ្ទះ ឆ្ពោះមកហាងលក់មាស យីហោ សុខ លក្ខិណា របស់គាត់ នៅទីតាំងកើតហេតុខាងលើ ដូចសព្វ មួយដង ហើយនៅពេលបើករថយន្តចេញពីផ្ទះ មក គាត់ពុំបានចាប់អារម្មណ៍ថា ត្រូវជនសង្ស័យ ជាចោរប្លន់ទាំង៣នាក់ តាមគាត់ពីក្រោយនោះ ទេ។ លុះពេលមកដល់មុខហាង ក្រោយពីចត រថយន្តរួចរាល់ គាត់ក៏កាន់កាបូបដាក់មាស ចុះពីលើរថយន្តដើរសំដៅចូលទៅក្នុងហាង ប៉ុន្តែ ពេលដើរជិតដល់មាត់ទ្វារហាងទៅហើយ ស្រាប់តែលេចមុខជនសង្ស័យចំនួន២នាក់ បានស្ទុះ ចូលមករកគាត់ ដោយម្នាក់បានឆក់កាបូបដាក់ មាសពីដៃរបស់គាត់ ចំណែកម្នាក់ទៀត បាន ដកកាំភ្លើងមិនស្គាល់ម៉ាក ភ្ជង់គំរាមមិនឱ្យគាត់ ស្រែក រួចក៏នាំគ្នាឡើងជិះម៉ូតូបក្ខពួករបស់គេ ដែលកំពុងបញ្ឆោះចាំជាស្រេច គេចខ្លួនបាត់ដោយ សុវត្ថិភាពតែម្តង។
ស្ត្រីរងគ្រោះ បានបញ្ជាក់ថា ទ្រព្យសម្បត្តិ ក្នុងកាបូបដែលត្រូវចោរប្លន់យកទៅបាត់នោះ រួមមានប្រាក់ដុល្លារចំនួន ៣០០០ដុល្លារ ប្រាក់ រៀលចំនួន៤លានរៀល គ្រឿងអលង្ការសរុប ជាទឹកប្រាក់ប្រមាណ៥០០០ដុល្លារ ព្រមទាំង ទូរស័ព្ទដៃចំនួន៤គ្រឿងទៀត។ សរុបមក នៅ ក្នុងកាបូបនោះ មានតម្លៃសរុបជាង២ម៉ឺនដុល្លារ ឯណោះ៕