ខេត្តសៀមរាប ៖ ប្រជាពលរដ្ឋម្នាក់ រើសបានព្រះបដិមាបុរាណបាក់បែក១ព្រះអង្គ បាន យកមកប្រគល់ជូនអាជ្ញាធរអប្សរា ដើម្បីរក្សា ទុកនៅសារមន្ទីរព្រះនរោត្តម សីហនុ–អង្គរ ក្រុងសៀមរាប កាលពីថ្ងៃទី១០ ខែកុម្ភៈ ឆ្នាំ ២០១៧។
យោងតាមទំព័រហ្វេសប៊ុកអាជ្ញាធរអប្សរា បានឱ្យដឹងថា នៅថ្ងៃទី១០ ខែកុម្ភៈ ឆ្នាំ២០១៧ លោកជឿម ជឿត រស់នៅភូមិគោកកក់ ឃុំ ស្វាយចេក ស្រុកអង្គរធំ ខេត្តសៀមរាប បាន យកបដិមាមួយបាត់ព្រះកេស ដៃ និងជើង ដែល រើសបានក្នុងភូមិមកប្រគល់ជូនអាជ្ញាធរអប្សរា ដើម្បីរក្សាទុក។ ការប្រគល់ជូននេះ ធ្វើឡើង នៅសារមន្ទីរព្រះនរោត្តមសីហនុ–អង្គរ ដោយ មានលោកយិត ចាន់ដារដ្ឋ ប្រធានស្តីទីនាយក– ដ្ឋានអភិវឌ្ឍន៍វប្បធម៌សារមន្ទីរ និងបទដ្ឋាន បេតិកភណ្ឌ តំណាងលោកស៊ុំ ម៉ាប់ ជាអ្នកទទួល។
លោកជឿម ជឿត បានឱ្យដឹងថា រូបគាត់ មិនមែនជាអ្នករកឃើញបដិមានេះទេ គឺអ្នក ភូមិម្នាក់ទៀត បានឃើញនៅពេលដាំស្វាយក្នុង ចម្ការ។ អ្នកភូមិនោះក៏យកទៅទុកនៅផ្ទះ តែ រាល់យប់កូនរបស់គាត់ ចេះតែដេកយំជារៀង រាល់យប់ ដូច្នេះក៏យកទៅដាក់ចោលនៅគល់ ដើមត្រាច។ ថ្ងៃមួយរុបូលោក ដើរទៅប្រទះ ឃើញ ក៏សួរនាំដឹងរឿងរ៉ាវ គាត់ក៏សុំយកទៅ រក្សាទុកនៅផ្ទះបានប្រហែលមួយអាទិត្យ ទើប បានជួបនឹងក្រុមការងារអាជ្ញាធរអប្សរា ហើយ ក៏សួរនាំ ដើម្បីយករូបនេះមកអភិរក្ស។ បង ប្រុសបានបង្ហាញពីក្តីស្រឡាញ់ចំពោះមរតក វប្បធម៌នេះថា បើទោះបីជាគាត់មិនស្គាល់ថា នេះ ជារូបអ្វី ធ្វើពីឆ្នាំណា តែគាត់ជឿជាក់ថា វាជារបស់បុរាណ ជារបស់ជាតិ មិនចង់ឱ្យបាត់– បង់ ទើបយកវត្ថុនេះមកប្រគល់ ដើម្បីចៀស ផុតពីការជួញដូរ។
លោកយិត ចាន់ដារដ្ឋ បានថ្លែងអំណរគុណ ដល់លោកជឿម ជឿត ប្រជាជនគំរូ និងគួរឱ្យ កោតសរសើរចំពោះការយកចម្លាក់ ដែលប្រទះ ឃើញមកប្រគល់ជូនអាជ្ញាធរជាតិអប្សរា ដើម្បី រក្សាទុក។ លោកនឹងស្នើអ្នកជំនាញបុរាណវិទ្យា ឱ្យមកពិនិត្យបដិមានេះ និងវាយតម្លៃអំពីបុរាណ ភាពវិនិច្ឆ័យអំពីកាលបរិច្ឆេទ និងរចនាបទ។ អាជ្ញាធរអប្សរានឹងចេញលិខិតថ្លែងអំណរគុណ និងឧបត្ថបម្ភជាកិច្ចតបស្នងដល់គាត់ ព្រោះ រាល់កិច្ចការអភិរក្សវត្ថុបុរាណនិងប្រាសាទក្នុង តំបន់អង្គរ បើគ្មានការចូលរួមពីប្រជាជន អាជ្ញាធរ មូលដែនដីពិតជាលំបាកក្នុងការទប់ស្កាត់ការ បំផ្លាញ និងការជួញដូរវត្ថុបុរាណទាំងនេះណាស់។
លោកដារដ្ឋ បន្ថែមថា សកម្មភាពនេះ សបញ្ជាក់ឱ្យឃើញនូវសកម្មភាពអប់រំផ្សព្វផ្សាយ បេតិកភណ្ឌកន្លងមក របស់អាជ្ញាធរអប្សរា ទៅ កាន់សហគមន៍ពិតជាធ្វើឱ្យប្រជាជន មានការ យល់ដឹងពីតម្លៃនៃវត្ថុបុរាណនិងប្រាសាទដែល ត្រូវចូលរួមការពារទាំងអស់គ្នា។ លោកក៏បាន សំណូមពរផងដែរ ចំពោះប្រជាជនដែលបានរក ឃើញវត្ថុបុរាណសូមប្រគល់ជូនអាជ្ញាធរអប្សរា រក្សាទុក ដើម្បីស្រាវជ្រាវពីប្រភពដើមរបស់ វត្ថុទាំងនោះ ចៀសវាងការយកទៅលក់ដូរ ដែលជាអំពើខុសច្បាប់ និងបំផ្លាញរតនវត្ថុរបស់ ជាតិខ្លួន៕