ភ្នំពេញ ៖ ជនសង្ស័យជាឃាតករដៃឆៅម្នាក់ ដែលបានចូលទៅធ្វើសកម្មភាពចាប់រឹតក សម្លាប់នារីវ័យក្មេងម្នាក់ដល់ក្នុងផ្ទះរួចប្លន់យក គ្រឿងអលង្ការ នៅចំណុចភូមិព្រែកជាងព្រហ្ម សង្កាត់វាលស្បូវ ខណ្ឌច្បារអំពៅ កាលពីព្រឹក ថ្ងៃទី១០ ខែកុម្ភៈ ឆ្នាំ២០១៧ នោះ ត្រូវបាន សមត្ថកិច្ចវែកមុខឃើញហើយ គឺឃាតករត្រូវ ជាពូបង្កើតរបស់នារីរងគ្រោះ ហើយសមត្ថកិច្ច បានចាប់ខ្លួន កាលពីវេលាម៉ោង៥និង៥០នាទី ល្ងាចថ្ងៃទី១០ ខែកុម្ភៈ ឆ្នាំ២០១៧ នៅចំណុច បន្ទប់ជួល ក្នុងភូមិជ្រោយអំពិល២ សង្កាត់ក្បាល– កោះ ខណ្ឌច្បារអំពៅ។
ជនដៃដល់ជាឃាតករ ដែលរឹតកសម្លាប់ ក្មួយស្រីបង្កើតប្លន់យកគ្រឿងអលង្ការនេះ មាន ឈ្មោះពៅ វុទ្ធី អាយុ២៤ឆ្នាំ មុខរបរជាងផ្សារ ដែក ស្នាក់នៅបន្ទប់ជួលដែលសមត្ថកិច្ចចុះចាប់ ឃាត់ខ្លួនខាងលើ។ ចំណែកនារីរងគ្រោះដែល ត្រូវឃាតកររឹតកសម្លាប់ មានឈ្មោះពៅ សុភ័ក្ត្រ អាយុ២២ឆ្នាំ មុខរបរនៅផ្ទះ ស្នាក់នៅផ្ទះកើត– ហេតុខាងលើ មានម្តាយឈ្មោះស្រី នាង អាយុ ៣៩ឆ្នាំ ជាមន្ត្រីរដ្ឋសភា មានប្តីក្រោយឈ្មោះ ពៅ ដាវី អាយុ៤០ឆ្នាំ ជាមន្ត្រីរដ្ឋសភាដូចគ្នា សព្វថ្ងៃស្នាក់នៅផ្ទះកើតហេតុខាងលើ។
លោកម៉ៅ សឿត អធិការនគរបាលខណ្ឌ ច្បារអំពៅ បានបញ្ជាក់ប្រាប់ថា ក្រោយពីកើត មានករណីឃាតកម្មប្លន់សម្លាប់ខាងលើ សមត្ថ– កិច្ច បានចុះធ្វើការស្រាវជ្រាវយ៉ាងក្តៅគគុក លុះ បន្ទាប់ពីឆែកពិនិត្យតាមរយៈកាមេរ៉ាសុវត្ថិភាព របស់អ្នកជិតខាង ក៏ប្រទះឃើញជនសង្ស័យម្នាក់ មានភិនភាគស្លៀកសម្លៀកបំពាក់ ពណ៌ខ្មៅ ពាក់មួយខ្មៅ ពាក់ម៉ាសក៍បិទមុខជិត និងជិះ កង់មួយគ្រឿង។ បន្ទាប់ពីស្រាវជ្រាវ និងឱ្យ ក្រុមគ្រួសារនារីរងគ្រោះពិនិត្យភិនភាគរួចមក ក្រុមគ្រួសារនារីរងគ្រោះបានកំណត់មុខសញ្ញា បានថា ជនសង្ស័យមានឈ្មោះពៅ វុទ្ធី ត្រូវជា ពូបង្កើតរបស់នារីរងគ្រោះ បន្ទាប់មក ក៏ឈាន ដល់ការចុះចាប់ឃាត់ខ្លួនជនសង្ស័យនាំយកមក សាកសួរតាមជំនាញតែម្តង។
លោកអធិការបន្តថា នៅចំពោះមុខសមត្ថ– កិច្ច ជនសង្ស័យឈ្មោះពៅ វុទ្ធី បានឆ្លើយសារ– ភាពថា រូបគេពិតជាឃាតករសម្លាប់នារីរងគ្រោះ ជាក្មួយស្រីប្រាកដមែន មូលហេតុដោយសារ តែរូបគេមានជីវភាពទីទ័លក្រពេក ចំណែក ប្រពន្ធគេក៏ជំពាក់បំណុលគេនៅក្នុងភូមិច្រើន ទៀត ហេតុនេះទើបរូបគេបែកគំនិតធ្វើដល់ ថ្នាក់នេះតែម្តង។
ជនសង្ស័យ បន្តសារភាពថា នៅមុនពេល កើតហេតុ រូបគេបានជិះកង់ចេញពីបន្ទប់ជួល ក្នុងគោលបំណងទៅលេងឪពុកម្តាយនារីរង– គ្រោះ តែចៃដន្យទៅដល់ ឪពុកម្តាយនាងមិននៅ ដោយក្នុងផ្ទះសល់តែនារីរងគ្រោះ និងប្អូនស្រី តូចម្នាក់ទៀតប៉ុណ្ណោះ ទើបរូបគេបានអង្គុយ លេងមើលទូរទស្សន៍នៅក្នុងផ្ទះ បន្ទាប់មក ក៏ ប្រទះទូរស័ព្ទម៉ាក ភិហៀនេ ៥ ពណ៌ខ្មៅ របស់ នារីរងគ្រោះដាក់នៅលើទូរទស្សន៍ កំពុងបញ្ចូលថ្ម ទើបរូបគេក៏ដកទូរស័ព្ទនោះ ចេញពីឆ្នាំងសាក រួចដាក់ចូលក្នុងហោប៉ៅ ស្រាប់តែភ្លាមនោះ នារីរងគ្រោះ បានប្រទះឃើញ ក៏ស្រែកថា ចោរៗ ធ្វើឱ្យរូបគេភ័យពេក ក៏ចាប់ខ្ទប់មាត់នាងជាប់ រួចអូសនាងចូលទៅក្នុងបន្ទប់ដេក បន្ទាប់មក ក៏យកខ្សែភ្លើងឧបករណ៍កៀបសក់មករឹតកនាង រហូតដល់ដាច់ខ្យល់ស្លាប់តែម្តង រួចក៏ដោះយក កងដៃរបស់នារីរងគ្រោះដែលពាក់ជាប់នឹងដៃ។ ចំណែកក្មេងស្រីតូចម្នាក់ទៀត ត្រូវជាក្មួយស្រី របស់គេដែរនោះ រូបគេមិនដាច់ចិត្តសម្លាប់នោះ ទេគឺគ្រាប់តែយកកន្សែងពោះគោចងដៃជើង ប៉ុណ្ណោះ រួចក៏ចំហរទ្វារបន្ទប់ និងបានពាក់ ម៉ាស់ក៍ ជិះកង់ចេញពីផ្ទះនារីរងគ្រោះ ឆ្ពោះទៅ បន្ទប់ជួលរបស់ខ្លួនវិញ តែរូបគេបានឆ្លៀតទៅ លក់ទូរស័ព្ទនៅផ្សារគគីរ ស្ថិតក្នុងភូមិគគីរ ឃុំ គគីរ ស្រុកកៀនស្វាយ ខេត្តកណ្តាលសិន ដោយ លក់ទូរស័ព្ទនៅហាង នួន សៅមុនី ថតរូប និង ផ្តិតរូប បានតម្លៃ៤៥ដុល្លារ ចំណែកកងដៃនារី– រងគ្រោះ រូបគេបានយកទៅលក់នៅក្នុងផ្សារ គគីរ បានតម្លៃ៦០ដុល្លារប៉ុណ្ណោះ។
ជនសង្ស័យ បានបញ្ជាក់ទៀតថា ក្រោយ ពីត្រឡប់មកពីលក់ទូរស័ព្ទនឹងកងដៃនារីរងគ្រោះ វិញ រូបគេបានមកអង្គុយក្នុងបន្ទប់ជួល និងគិត ដឹងថា ខ្លួនខុសហើយ ស្រាប់តែមិនបានប៉ុន្មាន ផង ក៏មានសមត្ថកិច្ចចុះមកចាប់ឃាត់ខ្លួនរូបគេ តែម្តង។
ក្រោយចាប់ឃាត់ខ្លួនជនសង្ស័យជាឃាតករ សាកសួរដឹងដំណើររឿងអស់ហើយ សមត្ថកិច្ច បាននាំជនសង្ស័យចុះទៅទីតាំងដែលរូបគេបាន យកទូរស័ព្ទនិងកងដៃនារីរងគ្រោះយកទៅលក់ ដើម្បីដកហូតយកវត្ថុតាងមកវិញ ក្នុងនោះកង ដៃប្លាកទីន១ ត្រូវបានដកហូតពីឈ្មោះអ៊ី ណារិទ្ធ ភេទប្រុស អាយុ៤៥ឆ្នាំ មុខរបរអាជីវករលក់ មាស នៅក្នុងផ្សារគគីរ ចំណែកទូរស័ព្ទដៃម៉ាក ភិហៀនេ ៥ ត្រូវបានដកហូតពីឈ្មោះងួន សៅមុនី ភេទស្រី អាយុ២៥ឆ្នាំ មុខរបរលក់ទូរស័ព្ទនៅ ផ្សារគគីរ។
ជនសង្ស័យជាឃាតករ ត្រូវបានសមត្ថកិច្ច រៀបចំកសាងសំណុំរឿងបញ្ជូនខ្លួនទៅកាន់សា– លាដំបូងរាជធានីភ្នំពេញ ដើម្បីចាត់ការតាម នីតិវិធី។
គួររំលឹកថា កាលពីវេលាម៉ោង១១ព្រឹក ថ្ងៃទី១០ ខែកុម្ភៈ ឆ្នាំ២០១៧ មានករណីឃាត– កម្មដ៏សាហាវឃោរឃៅមួយបានកើតឡើងនៅ ចំណុចផ្ទះលេខ៤៤៣ តាមបណ្តោយផ្លូវបេតុង ស្ថិតក្នុងភូមិព្រែកជាងព្រហ្ម សង្កាត់វាលស្បូវ ខណ្ឌច្បារអំពៅ ដោយនារីវ័យក្មេងម្នាក់ ត្រូវ ឃាតករដៃឆៅ ចូលទៅធ្វើសកម្មភាពរឹតកយ៉ាង សាហាវព្រៃផ្សៃ និងបានប្លន់យកគ្រឿងអលង្ការ ព្រមទាំងទ្រព្យសម្បត្តិមានតម្លៃអស់មួយចំនួន។
តាមប្រភពពីអ្នកជិតខាងកន្លែងកើតហេតុ បានឱ្យដឹងថា នៅមុនពេលកើតហេតុ គេឃើញ ក្មេងស្រីអាយុ៣ឆ្នាំ ដែលត្រូវជាប្អូនស្រីរបស់ នារីរងគ្រោះ បានរត់ចេញមកក្រៅរបងផ្ទះ រួច ស្រែកយំ ទើបធ្វើឱ្យអ្នកជិតខាងនឹកឆ្ងល់ថា នារីរងគ្រោះទៅណា មិនមើលប្អូន បណ្តោយឱ្យ ប្អូនស្រីតូចយំបែបនេះ ក៏នាំគ្នាចូលទៅមើល នៅក្នុងផ្ទះ ស្រាប់តែប្រទះឃើញនារីរងគ្រោះ ខាងលើ ដេកស្លាប់ផ្កាប់មុខ ដោយមានខ្សែភ្លើង រុំជាប់ក ហើយដំបូងឡើយពួកគាត់នឹកស្មានថា នារីរងគ្រោះត្រូវខ្សែភ្លើងឆក់ លុះពិនិត្យឱ្យមែន ទែន ទើបដឹងថា នារីរងគ្រោះត្រូវគេរឹតកសម្លាប់ ក៏ប្រញាប់រាយការណ៍ប្រាប់សមត្ថកិច្ចឱ្យចុះមក ជួយអន្តរាគមន៍ដល់ទីតាំងកើតហេតុតែម្តង។
ចំណែកប្រភពពីអ្នកជិតខាងខ្លះទៀត បាន ឱ្យដឹងថា នៅមុនពេលកើតហេតុ គេឃើញមាន យុវជនម្នាក់អាយុប្រមាណ២០ឆ្នាំ ជិះកង់មួយ គ្រឿង និងមានពាក់ម៉ាសក៍ បិទមុខជិត បាន ជិះកង់ចេញពីផ្ទះនារីរងគ្រោះ លុះបន្តិចក្រោយ មកក៏ឃើញប្អូនស្រីរបស់នារីរងគ្រោះរត់មក ស្រែកយំនៅខាងក្រៅរបងផ្ទះតែម្តង។
តាមសម្តីឪពុកម្តាយរបស់នារីរងគ្រោះ បានរៀបរាប់ប្រាប់ថា គាត់មានកូនស្រី២នាក់ ដោយក្នុងនោះនារីរងគ្រោះដែលត្រូវឃាតករ រឹតកសម្លាប់ គឺជាកូនប្តីមុន។ ជារៀងរាល់ថ្ងៃ ប្តីប្រពន្ធពួកគាត់ទាំង២នាក់ ដែលជាមន្ត្រីរដ្ឋ– សភា បាននាំគ្នាចេញទៅធ្វើការបាត់ៗ ដោយ ទុកឱ្យកូនស្រីរងគ្រោះនៅចាំផ្ទះ និងមើលថែ ប្អូនស្រីតូចអាយុ៣ឆ្នាំ។
ឪពុកម្តាយនារីរងគ្រោះ បន្តថា នៅមុន ពេលកើតហេតុ កាលពីវេលាម៉ោង១១ព្រឹក ថ្ងៃទី១០ ខែកុម្ភុៈ ឆ្នាំ២០១៧ ខណៈដែលពួក គាត់កំពុងបំពេញការងារសុខៗ ស្រាប់តែមាន អ្នកជិតខាងម្នាក់ បានទូរស័ព្ទប្រាប់ថា កូនស្រី ច្បងរបស់គាត់ ត្រូវឃាតកររឹតកសម្លាប់ស្លាប់ បាត់ទៅហើយ គ្រាន់តែឮបែបនេះ ធ្វើឱ្យពួក គាត់តក់ស្លុតរន្ធត់ចិត្តយ៉ាងខ្លាំង និងចាប់ផ្តើម ទន់ដៃជើង ធ្វើអ្វីលែងកើត សូម្បីតែជិះម៉ូតូ ដឹកគ្នា សឹងមិនដល់ផ្ទះផង។ លុះពេលមកដល់ ផ្ទះ ពួកគាត់ស្ទុះចូលទៅមើល ក៏ប្រទះឃើញ កូនស្រីដេកស្លាប់យ៉ាងអាណោចអាធ័ម ដោយ ត្រូវឃាតករ យកខ្សែឧបករណ៍កៀបអ៊ុតសក់ អគ្គិសនី រឹតកសម្លាប់យ៉ាងឃោរឃៅ។
តាមសម្តីស្ត្រីជាម្តាយនារីរងគ្រោះ បាន អះអាងថា ក្រោយពីកូនស្រីត្រូវឃាតករសម្លាប់ ទ្រព្យសម្បត្តិជាប់ខ្លួនរបស់នាង ក៏បាត់បង់អស់ ដែរ ក្នុងនោះរួមមានកងដៃប្លាទីនមួយកងតម្លៃ ១៥០ដុល្លារ ទូរស័ព្ទម៉ាក ភិហៀនេ ៥ ពណ៌ខ្មៅ មួយគ្រឿង និងទូរស័ព្ទចិនមួយគ្រឿងទៀត។ តាមការសន្និដ្ឋានរបស់គាត់ ឃាតកររឹតកសម្លាប់ កូនស្រីរបស់គាត់ ដើម្បីប្លន់យកទ្រព្យសម្បត្តិ តែម្តង៕ គួន ចំរើន