ភ្នំពេញ៖លោកឃុន សាវឿន រដ្ឋលេខាធិការ ក្រសួងរុក្ខាប្រម៉ាញ់ និងនេសាទ បានមានប្រសាសន៍ថាការបើកពិព័ណពាណិជ្ជកម្មអន្ដរជាតិនៅថ្ងៃទី២៨ ខែសីហា ឆ្នាំ២០២៤ នៅមជ្ឈមណ្ឌុលកោះពេជ្រ ជាព្រឹត្តិការណ៍សំខាន់មួយចូលរួមចំណែកជំរុញឲ្យការធ្វើពាណិជ្ជកម្ម និងសេដ្ឋកិច្ចកម្ពុជា និងជួយការងារកសិកម្ម សម្រាប់ទំនាក់ទំនងពាណិជ្ជកម្ម និងកសិកម្ម ព្រមទាំងកិច្ចសហប្រតិបត្តិការណ៍ រវាងភាគី ទាំងក្នុងនិងក្រៅស្រុក ។ការថ្លែងរបស់មន្រ្ដីជាន់ខ្ពស់រដ្ឋាភិបាលរូបនេះនៅថ្ងៃដែលពិព័ណពាណិជ្ជកម្មអន្ដរជាតិបានបើកសម្ពោធឲ្យតំណើរការជាផ្លូវការនៅមជ្ឈមណ្ឌុលកោះពេជ្រ នៅព្រឹកថ្ងៃទី២៨ សីហា ដែលមានអ្នកជំនាញពាក់ព័ន្ធពីក្រសួងនានាជាច្រើនបានចូលរួមដោយមានការតាំងស្ដង់ចំនួនដល់ទៅជាង១៥០ និងមាន១៣ប្រទេសចូលរួម ។
លោកសំហេង បូរ៉ា រដ្ឋលេខាធិការក្រសួងពាណិជ្ជកម្ម បានថ្លែងថាព្រឹត្តិការណ៍នេះសំខាន់ណាស់ក្នុងការជំរុញកិច្ចសហប្រតិបត្តិការសេដ្ឋកិច្ច ពាណិជ្ជកម្ម និងវិនិយោគរវាងកម្ពុជា និងវៀតណាម លើកកម្ពស់ដ៍រឹងមាំ និងស៊ីជម្រៅ ពីទំនាក់ទំនងសហប្រតិបត្តិការទ្វេភាគី ។លោកបន្ថែមថាពិព័ណនេះនឹងនាំមកនូវ កាលានុវត្តភាព រួមគ្នា លើផ្នែកធុរកិច្ច វិនិយោគ ស្វែងរកកិច្ចសហការ ដើម្បីប្រយោជន៍រួម ក្នុងក្របខ័ណ្ឌ នៃកិច្ចព្រមព្រៀងភាពជាដៃគូគ្រប់ជ្រុងជ្រោយ តំបន់ប្រទេសទាំងពីរ ។លោករដ្ឋលេខាធិការ មានជំនឿរថាពិព័ណថ្ងៃនេះសហគ្រិន វិនិយោគិន ពាណិជ្ជករ ព្រមទាំងធុរជនទាំងក្នុង និងក្រៅស្រុក និងបានជួបគ្នាដោយផ្ទាល់ ដើម្បីបង្កើតបណ្ដាញ វិនិយោគ ផ្លាស់ប្ដូរព័តមាន។លោកក៍លើកទឹកចិត្តដល់ក្រុមហ៊ុន ដៃគូពាក់ព័ន្ធទាំងអស់ ឲ្យបន្ដគំនិតផ្ដួចផ្ដើមនូវគំនិតក្នុងការរៀបចំនូវពិព័ណពាណិជ្ជកម្មនានានៅប្រទេសកម្ពុជា លើកកម្ពស់ការយល់ដឹងវិស័យពាណិជ្ជកម្ម ធុរកិច្ច និងវិនោយោគនៅកម្ពុជា ធានាបាននូវភាពប្រកួតប្រជែងខ្ពស់ ប្រកបដោយប្រសិទ្ធភាព ។
លោកវីននី (Viny Nguyen) គណៈកម្មការរៀបចំនិងនាយកគ្រប់គ្រងក្រុមហ៊ុនMinh Vi Exhibition and Advertisement Service Co.,Ltd (VEAS ) បានលើកឡើងថានៅមជ្ឈមណ្ឌុលកោះពេជ្រ ពិព័ណពាណិជ្ជកម្មអន្ដរជាតិនេះរៀបចំពីថ្ងៃទី២៨ ដល់ថ្ងៃទី៣០ ខែសីហា ឆ្នាំ២០២៤ ដោយមានស្ដង់តាំងពិព័ណចំនួន១៥០ មកពី១៣ប្រទេស មានដូចជាបេឡារុស្ស ,កម្ពុជា,ចិន កូរ៉េ ម៉ាឡេស៊ី ប៉ាគីស្ថាន ប៉ូឡូញ សិង្ហបុរី តៃវ៉ាន់ ថៃ អារ៉ាប់រួម និងវៀតណាម ជាដើម ដាក់បង្ហាញផលិតផលបច្ចេកវិទ្យា និងសេវ៉ាកម្មរបស់ពួកគេលើផ្ទៃដីទំហ៊ុំ ៣០០ម៉ែត្រការ៉េ ។លោកវីននី មានក្ដីរំពឹងថាភ្ញៀវប្រមាណ៤៥០០នាក់ មកពីទូទាំងប្រទេសកម្ពុជានិង បណ្ដារប្រទេសក្នុងតំបន់ នឹងមកចូលរួម ហើយក្លាយជាវេទិការអាជីវកម្មផ្ដាច់មុខ សម្រាប់សហគ្រាសកម្ពុជា ក្នុងការអភិវឌ្ឍអាជីវកម្ម និងបណ្ដាញអន្ដរជាតិ តាមរយៈព្រឹត្តិការណ៍ពិព័ណពាណិជ្ជកម្មអន្ដរជាតិដ៍ធំមួយនេះ ៕
