ភ្នំពេញ៖ពេជ្រ សេរីរ័ត្ន មិនមែនជាគូស្នេហ៍របស់លោកអាឡិច ចាន់ត្រា ទេ ព្រោះនាងមានកូន២នាក់(ស្រី១) ដែលគេសង្ស័យថាប្ដីនាងជាអ្នកជំនួញខ្មែរអូស្រា្ដលីឈ្មោះ«សុខា» ។ប៉ុន្ដែថ្មីៗនេះអតីតសង្សារលោកគង់ វិសាល រូបនេះបានបានអោបថើបលោកអាឡិច ចាន់ត្រា ដោយបើកចំហ និងបង្ហោះលើបណ្ដាញសង្គមតិកតុក ទៀតផង ក្រៅពីពួកគេបណ្ដើរគ្នាត្រសងដូចលលកញីឈ្មោល។សកម្មភាពបែបនេះរបស់សេរីរ័ត្ន ត្រូវបានគេសន្និដ្ឋានថានាងមានចេតនាចង់បង្វែរដានកុំឲ្យគេចាប់អារម្មណ៍ចង់ដឹងពីបុរសជាឪពុកកូនប្រុសស្រីរបស់នាងតទៅទៀត ទើបយកអាឡិច បាំងមុខប្ដីនាងបែបនេះ ។ប៉ុន្ដែសកម្មភាពបែបនេះនាំឲ្យគូស្នេហ៍ពិតរបស់សេរីរ័ត្ន និងអាឡិច អាចឆេះដុំដូចគ្នា ។ប្រភពបានឲ្យដឹងថាប្ដីលាក់មុខរបស់សេរីរ័ត្ន ដែលធ្លាប់ត្រូវបានគេបង្ហើបថាជាបុរសម្នាក់រកស៊ីផ្នែកជំនួញនាំចូលអំពូលភ្លើងសូឡា នោះបំពេញបំណងតារាកូន២រូបនេះគ្រប់យ៉ាងទាំងអស់ តែលោកមិនអនុញ្ញាត្តិឲ្យនាងលួចមានប្រុសផ្សេង ជាដាច់ខាត។ចំណែកបុរសរូបសង្ហារលោកអាឡិច ចាន់ត្រា វិញគូស្នេហ៍របស់លោកជានារីជនជាតិអូស្រា្ដលីនោះក៍ត្រូវប្រពន្ធហួងហែងមិនធម្មតាដែរ ហេតុនេះបើនៅតែហ៊ានDrama ជាមួយសេរីរ័ត្ន លេងឈុតអោបថើបគ្នាបែបនេះតទៅទៀត ច្បាស់ជាអាចមានរឿងធំជាមិនខាន ។
សូមរំលឹកថាពេជ្រ សេរីរ័ត្ន ដែលធ្លាប់បង្កាត់ភ្លើងស្នេហាជាមួយលោកគង់ វិសាល ជាង១០ឆ្នាំនោះពេលនេះពួកគេមិននិយាយស្ដីរកគ្នាសូម្បីតែ១ម៉ាត់ទោះជួបគ្នាដោយចៃដន្យ ហើយទាំងពីរនាក់មានគូស្នេហ៍ថ្មីរៀងៗខ្លួន និងមានកូន២នាក់ដូចគ្នា។សេរីរ័ត្ន ចាញ់ប្រៀបអតីតគូស្នេហ៍ព្រោះមិនអាចរៀបការដោយបើកចំហ បានទេ ហើយជាង១០ឆ្នាំមកនេះនាងសាងស្នេហ៍ដោយលាក់មុខប្ដីជានិច្ច រហូតត្រូវបានអ្នកខ្លះខ្សឹបខ្សៀវនិងហៅនាងថាជាតារាមានកូនអត់ប្ដីទៀតផង។តែសេរីរ័ត្ន មិនក្វល់ហើយពេលនេះនាងក៍មិនផ្ដាច់ខ្លួនពីអាជីពចាស់ទាំងស្រុងដែរ ដោយធ្លាប់ប្រាប់អ្នកយកព័តមានយើងថានាងចេញធ្វើMC តាមបណ្ដារក្រុមហ៊ុនAgency ជាបន្ដបន្ទាប់និងបង្កើតមាតិការថ្មីៗ ទាក់ទងរឿងដោះស្រាយវិបត្តិស្នេហាទៀតផង។
ក្រៅពីពេជ្រ សេរីរ័ត្ន តារាដែលដកខ្លួនពីអាជីពចាស់ជាច្រើនឆ្នាំហើយវិលវិញមានដូចជាអ្នកនាងឡាយ លក្ខិ ណា ,ឌុច សុភា និងបេប៊ី ជាដើម ។សម្រាប់សេរីរ័ត្ន វិញទោះជាពេលនេះនាងមានកូន២ ប៉ុន្ដែសម្រស់នៅតែខ្ញង់នៅឡើយ ហើយតាមដំណឹងថានាងគ្មានគម្រោងការប្ដីនោះទេ តែអាចយកកូនទី៣ នាពេលដ៍ឆាប់ៗខាងមុខ នេះ។ប្រភពខ្លះថាសេរីរ័ត្ន ចង់រៀបការតាំងពីមុនសម្រាលកូនទី១ម្លេះ ព្រោះតែនាងចង់គេចចេញគេហៅកូនអត់ប្ដី ប៉ុន្ដែរឿងនោះមិនអាចទៅរួច ព្រោះតែតាមព័តមានថាគូស្នេហ៍របស់នាងជាបុរសមិនមែននៅទំនេរឡើយ ។តែយ៉ាងណាសេរីរ័ត្ន មិនដែលចេញមុខបំភ្លឺរឿងអត្តសញ្ញាណប្ដីលាក់មុខរបស់នាងទេ ដោយពេលខ្លះនាងបែជានិយាយថាបុរសឈ្មោះ«សុខា» ជាក្មួយរបស់នាងទៅវិញ ។
មជ្ឈដ្ឋានមហាជនរងចាំមើលថាតើពេជ្រ សេរីរ័ត្ន នឹងបន្ដលេងបិតពួន ជាមួយលោកអាឡិច ចាន់ត្រា តទៅទៀត ឬនាងក្លាហានហ៊ានបង្ហាញមុខប្ដីពិត ដើម្បីបិទបញ្ចប់រឿងគេថានាងស្នេហ៍ប៉ះប្ដីគេ ?