ភ្នំពេញ ៖ កម្លាំងអធិការដ្ឋានខណ្ឌឬស្សីកែវចុះបង្ក្រាបទីតាំងបើកហ្គេមបាញ់ត្រីដកហូតបានទូហ្គេមបាញ់ត្រីចំនួន១ និងឃាត់ខ្លួនអ្នកលេងហ្គេមបាញ់ត្រីប្រុស១៥និងស្រី៤នាក់ ព្រមទាំងថ្នាំញ្ញៀនចំនួន៧កញ្ចប់តូច កាលពីវេលាម៉ោង៦និង៣០នាទីយប់ថ្ងៃទី១៥ខែកុម្ភៈ ឆ្នាំ២០១៧ តាមបណ្តោយផ្លូវ៧០ នៅចំណុចផ្លូវរ៉ារទះភ្លើង នៅផ្ទះឈើគ្មានលេខ ស្ថិតនៅក្នុងក្រុម៨ ភូមិចុងខ្សាច់ សង្កាត់ទួលសង្កែ ខណ្ឌឬស្សីកែវ ។
តាមប្រភពពត៌មានពីសមត្ថកិច្ចបានអោយដឹងថា ដោយមានបញ្ជាពីលោក ទៀង ចាន់សា អធិការខណ្ឌឬស្សីកែវ អោយចុះបង្ក្រាបទូហ្គេមបាញ់ត្រីនៅប្លុករ៉ារទេះភ្លើងដែលជាតំបន់ ស្មុគស្មាញនិងសំបូរអ្នកប្រើប្រាស់និងជួញដូរគ្រឿងញៀន ខណពេលមកដល់ម៉ោងកើតហេតុ កម្លាំងអធិការដ្ឋានខណ្ឌឬស្សីកែវទាំងអស់បានចុះទៅដល់ទីតាំងខាងបង្ក្រាបទូហ្គេមបាញ់ត្រីចំនួនមួយទូនិងឃាត់ខ្លួនអ្នកចូលលេងរួមនិងមេការទាំង អស់១៥ ក្នុងនោះមានប្រុស១១នាក់ស្រី៤នាក់ ដកហូតបានវត្ថុតាងដូចជាថ្នាំញៀនប្រភេទម៉ាទឹកកកចំនួន៧កញ្ចប់តូចដែកកេះចំនួន៥ ទូរស័ព្ទដៃចំនួន៥គ្រឿង និងសម្ភារៈមួយចំនួនទៀត។
ក្រោយពេលកើតហេតុជនសង្ស័យដែលឃាត់បានទាំងអស់ត្រូវបញ្ជូនទៅកាន់អធិការដ្ឋានខណ្ឌឬស្សីកែវនិងកសាងសំណុំរឿងបញ្ជូនទៅកាន់តុលាការដើម្បីចាក់ការទៅតាមនីតិវិធីផ្លូវច្បាប់ ៕
ឥន សាន់ស៊ីដេត