ផ្លូវថ្មើរជើង មាត់ទន្លេ ដាក់ឱ្យដំណើរការ ដើមឆ្នាំ២០២៥

ភ្នំពេញ ៖ លោកឃួង ស្រេង អភិបាលរាជធានីភ្នំពេញ បានបញ្ជាក់ថា នៅចុងខែមករា ២០២៥ ខាងមុខ រដ្ឋបាលរាជធានីភ្នំពេញ នឹងដាក់ឱ្យដំណើរការផ្លូវថ្មើរជើង (Walk street) តាមបណ្តោយមាត់ទន្លេ ចាប់មុខប្រៃសណី យ៍កម្ពុជា រហូតដល់មុខព្រះបរមរាជវាំង។

គួរបញ្ជាក់ថា កាលពីរសៀលថ្ងៃទី២៥ ខែធ្នូ ឆ្នាំ២០២៤ រដ្ឋបាលរាជធានីភ្នំពេញ បានបើកកិច្ចប្រជុំជាថ្មី ដើម្បីពិ និត្យវឌ្ឍនភាពនៃការរៀបចំផ្លូវថ្មើរជើង តាមបណ្តោយមាត់ទន្លេចតុមុខ ចាប់ពីមុខប្រៃសណីយ៍កម្ពុជា រហូត ដល់មុខព្រះបរមរាជវាំង ក្រោមអធិបតីភាពលោកឃួង ស្រេង អភិបាលរាជធានីភ្នំពេញ ដោយមានការចូលរួមពីតំណាងក្រសួងទេសចរណ៍ ក្រសួងប្រៃសណីយ៍ និងអគ្គិសនីកម្ពុជា។

លោកឃួង ស្រេង បានថ្លែងថា ផ្លូវថ្មើជើងនេះ មានគម្រោងយូរមកហើយ តែអាស្រ័យដោយស្ថានភាពជួបការលំបាក ដូចជាជំងឺកូវីដ-១៩ និងបញ្ហាលំបាកពីបញ្ហាថវិកាជាដើម។ តែទោះបីយ៉ាងណា រាជរដ្ឋាភិបាល បានណែនាំឱ្យខិតខំអនុវត្តឱ្យសម្រេចបានគម្រោងផ្លូវថ្មើរជើងនេះ ក្នុងគោលដៅទាក់ទាញភ្ញៀវទេសចរ សម្រួលការកក ស្ទះចរាចរណ៍ ក៏ដូចលើកកម្ពស់សោភណ្ឌភាពរាជធានីភ្នំពេញ ផងដែរ។

លោកឃួង ស្រេង បានបញ្ជាក់ថា គម្រោងរៀបចំផ្លូវថ្មើរជើង សម្រាប់បម្រើដល់វិស័យទេសចរណ៍នេះ គឺរដ្ឋ បាលរាជធានីភ្នំពេញ បានគិតគូរជាយូរមកហើយ តាំងពីឆ្នាំ២០១៩ មកម៉្លេះ ប៉ុន្តែដោយសារស្ថានភាពនៃវិបត្តិជំងឺកូវីដ-១៩ បានធ្វើឱ្យគម្រោងនេះ ផ្អាកដំណើរការមួយ ឡែកសិន។ ប៉ុន្តែមកដល់ពេលនេះ បន្ទាប់ពីមានការណែ នាំរបស់រាជរដ្ឋាភិបាល ពីការជំរុញទាក់ទាញភ្ញៀវទេសចរ នៅតាមមូលដ្ឋានរៀងៗខ្លួន រដ្ឋបាលរាជធានីភ្នំពេញ បានគិតគូរជំរុញការងារផ្លូវថ្មើរជើងនេះ ឱ្យដំណើរការឡើងវិញ ដើម្បីទាក់ភ្ញៀវទេសចរជាតិនិងអន្តរជាតិ មក លេង កម្សាន្តឱ្យបានច្រើន។

លោកអភិបាលរាជធានី បានបញ្ជាក់ ដើម្បីឱ្យគម្រោងនេះ បានដំណើរការដោយរលូន ជាជំហានដំបូង គឺបើកផ្លូវថ្មើរជើងនេះ ចាប់ពីរៀងរាល់ល្ងាចថ្ងៃសុក្រ ថ្ងៃសៅរ៍ និងថ្ងៃអាទិត្យ ដោយប្រកាសបិទចរាចរណ៍យានជំនិះគ្រប់ប្រភេទ រៀបចំណត បង្គន់អនាម័យ និងការងាររៀបចំសណ្តាប់ធ្នាប់ ការលក់ដូរនៅលើតម្រាយផ្លូវនេះ ឱ្យបានល្អ ដែលធានាថា គម្រោងនេះ នឹងប្រព្រឹត្តទៅដោយរលូន ហើយទទួលបានការគាំទ្រពីប្រជាពលរដ្ឋ។

លោកសាំ ពិសិដ្ឋ ប្រធានមន្ទីរសាធារណការនិងដឹកជញ្ជូនរាជធានីភ្នំពេញ បានលើកឡើងថា ក្រុមលេខាធិការដ្ឋានរបស់មន្ទីរ បាននិងកំពុងដំណើរការពិភាក្សាជាមួយប្រជាពលរដ្ឋនៅតំបន់ខាងលើ រួមទាំងការផ្សព្វផ្សាយឱ្យបានជ្រួតជ្រាបដល់ប្រជាពលរដ្ឋ ពីអត្ថប្រយោជន៍នៃផ្លូវថ្មើរជើងនេះ ដែលចែកចេញជា ៣តំបន់ ដោយសុំឱ្យប្រជាពលរដ្ឋចូលរួម។

ក្នុងនោះ មន្ត្រីជំនាញរបស់មន្ទីរសាធារណការ បានសិក្សាលម្អិត ក្រោមការណែនាំពីអភិបាលរាជធានីភ្នំពេញ បានគិតដល់ការរៀបចំហេដ្ឋារចនាសម្ព័ន្ធផ្លូវ ទឹក ភ្លើង ពិសេសក៏មានរៀបចំជាស្តង់លក់ដូរបែបផ្សាររាត្រី ការហាមរថយន្តចេញ-ចូល ចាប់ពីម៉ោង៦ល្ងាច ដល់ម៉ោង ១១យប់ រួមទាំងការរៀបចំចំណតជាដើម៕