បុរសម្នាក់ត្រូវបានប្រជាពលរដ្ឋវាយអោយសន្លប់បន្ទាប់ពីមានបុរសម្នាក់ទៀតបានរត់ដេញកាប់រួចស្រែកថាចោរ បង្កអោយមានការភ្ញាក់ផ្អើលឡើងកាលពីវេលាម៉ោង៥និង២០នាទី ទៀបភ្លឺ ថ្ងៃទី១៧ខែមីនាឆ្នាំ២០១៧ ត្រង់ចំនុចតាមបណ្តោយផ្លូវម៉ៅសេទុង ទល់មុខចំណតរថយន្តផ្សារដើមគ ស្ថិតក្នុងសង្កាត់បឹងសាឡាង ខណ្ឌគោក។
តាមប្រភពព័ត៌មានពីកន្លែងកើតហេតុបានអោយដឹងថា នៅមុនពេលកើតហេតុគេឃើញបុរសវ័យជាង២០ឆ្នាំម្នាក់មិនស្គាល់ឈ្មោះបានរត់មកពីស្តុបផ្សារដើមគ តាមបណ្តោយផ្លូវម៉ៅសេទុង ខណះពេលនេះក៏មានបុរសម្នាក់ទៀតមិនស្គាល់អត្តសញ្ញាណបានរត់ដេញតាមពីក្រោយទាំងក្នុងដៃកាន់កាំបិតមួយដើមហើយស្រែកថាចោរលុះរត់មកដល់ចំនុចកើតហេតុខាងលើក៏កាប់ទៅលើបុរសរងគ្រោះមួយកាំប៊ិតចំកែងដៃខាងឆ្វេងបណ្តាលអោយដួលហើយក៏ត្រូវប្រជាពលរដ្ឋដែលនៅជិតនោះបានរត់មកវាយម្នាក់មួយដៃមួយជើងទាំងមិនទាន់រឿងប្រាប់បណ្តាលអោយបុរសរងគ្រោះរងរបួសសន្លប់ស្តូកស្តឹងនៅនិងកន្លែងកើតហេតុ ភ្លាមៗនោះបុរសដែលបានរត់ដេញតាមពីក្រោយរួចស្រែកថាចោរបានរត់គេចខ្លួនបាត់ស្រមោល។
ក្រោយពេលកើតហេតុសមត្ថកិច្ចមូលដ្ឋានបានសន្និដ្ឋានថាជាករណីគុំនំ ដោយឡែកបុរសរងគ្រោះត្រូវបានសមត្ថកិច្ចហៅរថយន្តសាមុយដឹកយកទៅសង្គ្រោះនៅឯមន្ទីពេទ្យ៕ សោល វ៉ាន់នាល់