ភ្នំពេញ៖ កម្លាំងសមត្ថកិច្ចប៉ុស្តិដង្កោ ឃាត់ខ្លួនជនសង្ស័យ២នាក់ដែលជាមុខសញ្ញាកាច់សោ ក ម៉ូតូយ៉ាងសកម្មបន្ទាប់ពីមានការចង្អុលបង្ហាញជនរងគ្រោះហេតុការណ៍នេះបាន កើតឡើងកាលពីវេលាម៉ោង១១នឹង៥០នាទីព្រឹកថ្ងៃទី២៧ខែមិនាឆ្នាំ២០១៧ត្រង់ចំណុចបន្ទប់ជួលផ្លូវបេតុងភូមិខ្វាសង្កាត់ដង្កោខណ្ឌដង្កោ។
ជនសង្ស័យដែលឃាត់ខ្លួនបានទី១មានឈ្មោះ សន តុន ភេទប្រុសអាយុ១៧ឆ្នាំ មុខរបរមិនពិតប្រាកដមានស្រុកកំណើតភូមិចេក ឃុំដូង ស្រុកបាទី ខេត្តតាកែវ ទី២ ឈ្មោះ ពេជ្រ គឹមហេង ភេទប្រុសអាយុ២១ឆ្នាំមុខរបរជាងផ្សារដែកមានស្រុកកំណើតភូមិកំពុងអុស ឃុំផ្សារឆ្នាំង ស្រុកកំពង់ឆ្នាំងខេត្តកំពងង់ឆ្នាំង ទាំង២នាក់ស្នាក់នៅបន្ទប់ជួលកន្លែងកើត ហេតុជាមួយគ្នា។
បើតាមសម្ដីលោក តុន តូនី នាយប៉ុស្តិ៍ដង្កោបានអោយដឹងថា ជនរងគ្រោះដែលមានឈ្មោះ យី ជួន ភេទប្រុសអាយុ៥៣ឆ្នាំមុខរបរលក់ដូរនៅផ្ទះ ស្នាក់នៅភូមិកើតហេតុខាងលើ កាលពីវេលាម៉ោង១១និង៣០នាទីព្រឹកថ្ងៃទី២៤ខែមិនាឆ្នាំ២០១៧ជនរងគ្រោះបានទុកម៉ូតូម៉ាកហុងដាឌ្រីមសេរី២០១៦ពណ៌ខ្មៅពាក់ស្លាកលេខភ្នំពេញ1DH.4414ចតទុកនៅមុខផ្ទះត្រូវបានជនសង្ស័យលួចកាច់សោកយកទៅបាត់ប៉ុន្តែរូបគាត់មិនបានទៅដាក់ពាក្យបណ្ដឹងទេ ។ លុះមកដល់ថ្ងៃកើតហេតុប្អូនប្រុសរបស់គាត់បានប្រទះឃើញជនសង្ស័យស្នាក់នៅបន្ទប់ជួលនៅភូមិកើតហេតុខាងលើក៏បានមកប្រាប់ថា ពេលនោះរូបគាត់បានទៅដាក់ពាក្យបណ្ដឹងនៅប៉ុស្តិ៍នគរបាលដង្កោពេលទទួលបានពាក្យបណ្តឹងភ្លាមលោកនាយប៉ុស្តិបានដឹកនាំកម្លាំងចុះមកឃាត់ខ្លួនជនសង្ស័យចំនួន២នាក់យកមកសាកសួរនៅប៉ុស្តិដង្កោ។
បច្ចុប្បន្នជនសង្ស័យទាំង២នាក់កំពុងសាកសួរនិងកសាងសំណុំរឿងបញ្ជួនទៅកាន់អធិ
ការនគរបាលខណ្ឌដង្កោដើម្បីចាត់ការបន្តតាមនីតិវិធី ៕ ណន អ៊ាត