ភ្នំពេញ ៖ សិស្សសាលារៀនភាសាកូរ៉េ បានទុកម៉ូតូនៅមុខសាលាត្រូវជនសង្ស័យ លួចកាច់កម៉ូតូយកបាត់ដោយសុវត្ថិភាព បង្កអោយការភ្ញាក់ផ្អើលកាលពីវេលាម៉ោង៧និង៣០នាទីយប់ថ្ងៃទី៣០ ខែមិនា នៅមុខសាលារៀនភាសាកូរ៉េស្ថិតនៅភូមិត្រពាំងជ្រៅ សង្កាត់កាកាប ខណ្ឌពោធិ៍សែនជ័យ។
ជនរងគ្រោះមានឈ្មោះផន សារដ្ឋភេទប្រុសអាយុ២០ឆ្នាំមុខរបរសិស្សសាលាកូរ៉េ ស្នាក់នៅភូមិព្រៃទាសង្កាត់ចោមចៅខណ្ឌពោធិ៍សែនជ័យ មានស្រុកកំណើតនៅភូមិសំរោង ឃុំសំរោងស្រុកស្វាយអន្ទរ ខេត្តព្រៃវែង។
យោងតាមប្រភពព័ត៌មានបានអោយដឹងថាមុនពេលកើតហេតុគេបានឃើញបុរសម្នាក់ជាជនសង្ស័យបានដើចុះដើរឡើងបានបន្តិចក៏ចូលលួចកាច់កម៉ូតូម៉ាកMSX ពណ៌ក្រហម ពាក់ ស្លាកលេខ ភ្នំពេញ ១FT2338 បានចតទុកមុខសាលារៀនភាសាកូរ៉េ ត្រូវជនសង្ស័យលួចកាច់កយកដោយសុវត្ថិភាព។
ក្រោយពេលពេលកើតហេតុជនរងគ្រោះបាននាំគ្នាទៅដាក់ពាក្យបណ្តឹងនៅឯប៉ុស្តិ៍កាកាបដើម្បីអោយសមត្ថកិច្ចតាមរកស្រាវជ្រាវជនសង្ស័យយកមកផ្តន្ទាទោសចាត់ការតាមផ្លូវ
ច្បាប់៕នូ ផាន់ណា