នារីម្នាក់ខណៈពេលដែលត្រឡប់មកពីធ្វើការឈៀងចូលផ្សារដើម្បីទិញឥវ៉ាន់ចតម៉ូតូក្បែរអ្នកលក់មាសពេលចេញមកវិញចោរលួចម៉ូតូបាត់បង្កឲ្យមានការភ្ញាក់ផ្អើលកាលពីម៉ោង៧និង៣០នាទីយប់ថ្ងៃទី០១ ខែមេសា នៅខាងលិចផ្សារកាណាស៊ីធី ផ្លូវវ៉េងស្រេង ភូមិចោមចៅ សង្កាត់ចោមចៅ ខណ្ឌពោធិ៍សែនជ័យ ។
នារីម្ចាស់ម៉ូតូឈ្មោះ សុខ ផាណ្ណារី អាយុ២១ឆ្នាំ មុខរបរនិស្សិតនិងឆ្លៀតធ្វើការងារក្រុមហ៊ុនស្នាក់នៅផ្ទះលេខ០៨អឺសេរ៉ូ ផ្លូវបេតុង ភូមិចោមចៅ សង្កាត់ចោមចៅ ខណ្ឌពោធិ៍សែន
ជ័យ បានឲ្យដឹងថា មុនកើតហេតុនាងចេញពីធ្វើការត្រឡប់មកផ្ទះវិញឆ្លៀតចូលផ្សារទិញ
ឥវ៉ាន់ដោយចតម៉ូតូមួយគ្រឿងម៉ាកស្កូបពី ពណ៌ស សេរី២០១៥ ពាក់ស្លាកលេខភ្នំពេញ1CR-2749 ដាក់នៅក្បែរអ្នកលក់មាសហើយចូលទៅក្នុងផ្សារ ខណៈពេលដើរចេញមកវិញស្រាប់តែបាត់ម៉ូតូខាងលើតែម្តង។
ក្រោយកើតហេតុនាងត្រូវបានមិត្តភក្តិជូនមកកាន់ប៉ុស្តិ៍នគរបាលរដ្ឋបាលចោមចៅដើម្បីដាក់ពាក្យបណ្តឹងនិងសូមសុំណូមពរអោយសមត្ថកិច្ចជួយធ្វើការស្រាវជ្រាវអោយផង ៕