ភ្នំពេញ ៖ បុរសម្នាក់ នាំប្រពន្ធទៅស៊ីការពេលរៀបចំយកលុយទៅចងដៃ ត្រូវជនសង្ស័យលួចយកកាបូបទៅបាត់បង្កអោយមានការភ្ញាក់ផ្អើលនៅវេលាម៉ោង ៨និង២០នាទីយប់ថ្ងៃទី ២ខែមិនាឆ្នាំ២០១៧ ស្ថិតនៅភូមិជ្រៃកោង សង្កាត់ចោមចៅ ខណ្ឌពោធិ៍សែនជ័យ។
ជនរងគ្រោះឈ្មោះ ផល ពិសិដ្ឋ ភេទប្រុស អាយុ៣១ឆ្នាំ មុខរបរនគរបាល ស្នាក់នៅសង្កាត់ផ្សារដេប៉ូ១ខណ្ឌទួលគោក ។សម្ភារៈដែលបាត់បង់មានទូរស័ព្ទ ២គ្រឿង ទី១ម៉ាក អាយ
ហ្វូនសិចអេស នឹងម៉ាកណូគា លុយចំនួន៥០ដុល្លារ ។
តាមប្រភពពត៌មានពីជនរងគ្រោះបាននិយាយថាមុនពេលកើតហេតុជនរងគ្រោះនិងប្រពន្ធរបស់ខ្លួនបានមកចូលរួមកម្មវិធីមង្គលការមិត្តភក្តិរបស់ប្រពន្ធខ្លួនបានចូលហូបតុរួមជាមួយមិត្តភក្តិដទៃទៀតពេញមួយតុ ខណៈពេលដែលអង្គុយហូបបានទុកកាបូបនៅខាងក្រោយខ្នងហើយកំពង់តែហូបៗត្រូវជនសង្ស័យលួចយកពីក្រោយយកទៅបាត់ លុះពេលហូបរួចហើយជនរងគ្រោះរៀបចំយកលុយទៅចងដៃ ស្រាប់តែរកកាបូបមិនឃើញ។ភ្លាមៗនោះជនរងគ្រោះមានការសង្ស័យទៅយុវជនម្នាក់ជាអ្នករើសអេតចាយម្នាក់ពេលផ្អើលឆោឡោជនសង្ស័យជាអ្នករើសអេតចាយខាងលើរត់ត្រូវជនរងគ្រោះបានជិះម៉ូតូដេញតាមធ្វើឲ្យជនសង្ស័យរត់គេចខ្លួនបាត់។
ក្រោយពេលកើតហេតុពេលជនសង្ស័យរត់គេចខ្លួនបាត់ហើយជនរងគ្រោះបានទៅដាក់ ពាក្យបណ្តឹងនៅប៉ុស្តិ៍នគរបាលចោមចៅដើម្បីអោយសមត្ថកិច្ចរកមុខសញ្ញាផ្តន្ទាទោសតាមច្បាប់៕
ថោង ធឹម