ភ្នំពេញ ៖ ជនសង្ស័យម្នាក់ ត្រូវបានសមត្ថកិច្ចឃាត់ខ្លួនបន្ទាប់ខ្ចីម៉ូតូមិត្តភក្កិជិះដើរលេងបែរជាជិះយក ទៅបញ្ចាំ ត្រូវបានឃាត់ខ្លួនកាលពីវេលាម៉ោង១១និង៤៥នាទីយប់ ថ្ងៃទី២ ខែមេសា ស្ថិតនៅទល់មុខផ្ទះកំពុងសង់ថ្មីក្នុងសង្កាត់ចោមចៅខណ្ឌ ពោធិ៍សែនជ័យ។
ជនសង្ស័យដែលឃាត់ខ្លួនបានមានឈ្មោះ ហែម មករា ភេទប្រុស អាយុ២៨ឆ្នាំ មុខរបរមិនពិតប្រាកដ ស្នាក់នៅឯស្រុកកំណើតនៅភូមិតាស្រែ ឃុំខ្វាវ ស្រុកទ្រាំង ខេត្តតាកែវ។
ម៉ូតូដែលជនសង្ស័យខ្ចីនោះហុងដាឌ្រីម ពណ៌ខ្មៅ អត់ស្លាកលេខ ។
ប្រភពព័ត៌មានពីកម្លាំងសមត្ថកិច្ចសុំមិនបញ្ចេញឈ្មោះបានអោយដឹងថា មុនពេលកើតហេតុសមត្ថកិច្ចបានចុះល្បាតនៅក្នុងមូលដ្ឋានរបស់ខ្លួនបានសហការជាមួយប្រជាពលរដ្ឋបានរាយការណ៍ប្រាប់ថាឃើញជនសង្ស័យម្នាក់កំពុងតែដោះចង្កៀងម៉ូតូនិងដោះស៊ីប្លេម៉ូតូមើលក៍ស្រាប់តែឃើញជនសង្ស័យកំពង់អង្គុយលើម៉ូតូខាងលើត្រូវសមត្ថកិច្ចឃាត់ខ្លួនយកទៅសួរនាំ ។
ជនសង្ស័យបានប្រាប់ថា នៅល្ងាចថ្ងៃទី០២ ខែមេសា រូបគេបានខ្ចីម៉ូតូមួយគ្រឿងម៉ាកហុងដាឌ្រីម ពីមិត្តភក្កិនៅខេត្តតាកែវដោយប្រាប់ថាទៅដើរលេង ក៏បានជិះម៉ូតូមកភ្នំពេញ យកទៅដោះក្បាំងយកទៅបញ្ចាំក្នុងតំលៃ៣៥$ នៅភូមិព្រៃទា សង្កាត់ចោមចៅ ខណ្ឌពោធិ៍សែន ជ័យ លុះដល់ម៉ោងកើតហេតុខាងលើបម្រុងទៅបញ្ចាំទៀតក៏ត្រូវសមត្ថកិច្ចឃាត់ខ្លួនតែម្តង។
ក្រោយពេលកើតហេតុសមត្ថកិច្ចបានឃាត់ខ្លួនជនសង្ស័យកសាងសុំណុំរឿងបញ្ជូនបន្តទៅផ្នែកព្រហ្មទណ្ឌនគរបាលស្រុកទ្រាំង ខេត្តតាកែវ ចាត់ការតាមច្បាប់ ៕ នូ ផាន់ណា