ភ្នំពេញ ៖ បុរសម្នាក់ក្រោយពីសុំរាប់អានជាមួយបុរសចំណាស់ម្នាក់ទៀតធ្វើជាកូនធម៌ ឪធម៌ អស់េយៈពេលជាង១០ឆ្នាំ រងចាំថ្ងៃមានឱកាស ប្រើល្បិចខ្ចីរថយន្តជិះបែជាយកទៅបញ្ចាំបាត់ គេចខ្លួនបាន១០ថ្ងៃ ប្រទះឃើញមុខត្រង់ចំណុចរង្វង់មូលចោមចៅ កាលពីវេលាម៉ោង៩ព្រឹកថ្ងៃទី០៣ ខែមេសា ឆ្នាំ២០១៧ ចាប់ឃាត់ខ្លួនយកទៅប្រគល់ឲ្យប៉ុស្តិ៍នគរបាលចោមចៅ ។
ជនសង្ស័យឆបោក រំលោភលើសេចក្តីទុកចិត្ត មានឈ្មោះ ខុម បូណា ប្រុស អាយុ២៨ឆ្នាំ មុខរបរលក់គ្រឿងសង្ហារឹម មានទីលំនៅភូមិ ត្រពាំងក្រញ៉ូង ឃុំត្រពាំងក្រញូ៉ង ស្រុកត្រាំងកក់ ខេត្តតាកែវ ។ ចំណែកជនរងគ្រោះជាម្ចាស់រថយន្ត មានឈ្មោះ អុឹម វ៉ាន ប្រុស អាយុ៥៧ឆ្នាំ រត់តាកសុី មានទីលំនៅភូមិថ្មគោល សង្កាត់ចោមចៅ ខណ្ឌពោធិសែនជ័យ ត្រូវជាឪពុកធម៌ កូនធម៌នឹងគ្នា ។ រីឯរថយន្តដែលលោកកូនធម៌ ឆបោកយកទៅបញ្ចាំបាត់ ម៉ាក កាមរី ឆ្លាម ពណ៌ ស្ករ សេរី១៩៩៧ ពាក់ស្លាកលេខ ភ្នំពេញ 2H-3861 ។
តាមការរៀបរាប់ពី ជនរងគ្រោះ បានឲ្យដឹងថា គ្រាដំបូងឡើយ ជនសង្ស័យ ជម៉ូយដឹកឥវ៉ាន់ ឡើងចុះ ហើយរាប់អានគ្នា រហូតដល់ មានទំនុកចិត្ត ជនសង្ស័យ សុំរប់ធ្វើជាឪពុកធម៌ អស់រយៈកាលជា ច្រើន ឆ្នាំមកហើយ រហូតមកដល់វេលាម៉ោង៣និង៣០នាទីរសៀលថ្ងៃទី២៥ ខែមិនា ឆ្នាំ២០១៧កន្លងមក ជនសង្ស័យ ប្រើល្បិចសុំខ្ចីរថយន្តជិះទៅផ្ទះ តែផ្ទុយទៅបាត់រហូត ជាច្រើនថ្លៃ ទូរស័ព្ទក៏ចុចលែងចូល ទើបបែកធ្លាយ ឡានឪត្រូវកូនធម៌យកទៅបញ្ចាំបាត់ហើយ គេចខ្លួនអស់រយៈពេល១០ថ្ងៃ ស្រាប់តែនៅវេលាម៉ោង៩ព្រឹក ថ្ងៃទី០៣ ខែមេសា ប្រទះឃើញជនសង្ស័យ ត្រង់ចំណុចរង្វង់មូលចោមចៅ ចាប់ឃាត់ខ្លួននាំប្រគល់ឲ្យប៉ូលីសប៉ុស្តិ៍ ចាត់ការទៅតាមនីតិវិធី ។
បើតាមសម្តីជនសង្ស័យវិញបានឲ្យដឹងថា ខ្លួនសុំរាប់បុរសខាងលើ ធ្វើជាឪពុកធម៌ អស់រយៈពេល ជាង១០ឆ្នាំមកហើយ ដោយសារ ខ្លួនទ័លពេក ត្រូវការលុយ មិនដឹងទៅរកអ្នកណា មានតែអ្នកស្គាល់ ឪធម៌រូបនេះតែម្តង មានលុយ មានឡាន ក៏ប្រើល្បិចធ្វើជាខ្ចីរថយន្តជិះ បានបើកនៅនឹងដៃហើយ ចាំពេលណាទៀត ឆ្លៀតឱកាសល្អ បើកយកទៅបញ្ចាំ នៅក្នុងខណ្ឌទួលគោក កាលពីល្ងាចថ្ងៃទី២៥ ខែមិនា កន្លងមកបានលុយ២៥០០ដុល្លា ដាក់ហោប៉ាវហើយគេចខ្លួន ភ្លាត់ស្នៀត អ្វីជាកម្មផល សម្រាប់ខ្លួនសាង រហូតមកដល់ព្រឹកថ្ថៃទី០៣ ខែមេសា នឹកថា ឪធម៌ មិនដឹង មិនរក ហើយក៏មិនឃើញ ធ្វើដំណើរឆ្លងកាត់ រង្វង់មូលចោមចៅ វ៉ាក់អើ ម្ចាស់រថយន្តជាឪពុកធម៌ ក្រឡេកឃើញ ដេញចាប់ខ្លួននាំចូលប៉ុស្តិ៍ប៉ូលីស យ៉ាងស្អាត ។
ជនសង្ស័យ រំលោភលើទំនុកចិត្ត ត្រូវបាននគរបាលឃាត់ខ្លួនសាកសួរនិងកសាងសំណុំរឿងបញ្ជូន ទៅផ្នែកជំនាញ អធិការដ្ឋានខណ្ឌ ចាត់ករបន្តទៅតាមនីតិវិធី ៕