ភ្នំពេញ ៖ បុរសម្នាក់ បើករថយន្តចេញ មកពីខេត្តសៀមរាបប្រញាប់ទៅជួបស្រីស្នេហ៍ នៅភ្នំពេញក៏ជ្រុលល្បឿនបុកបង្គោលភ្លើងបំភ្លឺ ផ្លូវលើសួនច្បារពុះចែកផ្លូវ រួចក៏រេចង្កូតទៅខាង ឆ្វេងដៃបើកទៅបុកចំពីមុខរថយន្តសាំយ៉ុងមួយ គ្រឿងដឹកអ្នកធ្វើដំណើរពេញបំណងទៅទទួល បងប្អូនមកពីប្រទេសកូរ៉េយ៉ាងពេញទំហឹង បណ្តាលឱ្យស្លាប់២នាក់ នៅនឹងកន្លែងយ៉ាងអាណោចអាធ័ម ចំណែក១៧នាក់ទៀតរងរបួសធ្ងន់ ខណៈ ២នាក់ របួសស្រាល់។
ហេតុការណ៍គ្រោះថ្នាក់ចរាចរណ៍គួរឱ្យ រន្ធត់នេះ បានកើតមានឡើងកាលពីវេលាម៉ោង ១២និង៣០នាទីរំលងអាធ្រាត្រ ឈានចូលថ្ងៃ ទី០៤ ខែមេសា ឆ្នាំ២០១៧ តាមបណ្តោយផ្លូវ ជាតិលេខ៦ចម្ងាយ៥០ម៉ែត ពីផ្សារព្រែកលៀប ស្ថិតក្នុងភូមិព្រែកលៀប សង្កាត់ព្រែកលៀប ខណ្ឌជ្រោយចង្វា។
ជនរងគ្រោះទាំង២នាក់ ដែលបាត់បង់ជីវិត ក្នុងហេតុការណ៍គ្រោះថ្នាក់ចរាចរណ៍ខាងលើ នេះ រួមមាន ទី១–ឈ្មោះរស់ ស្រីណា ភេទស្រី អាយុ៤៥ឆ្នាំ មុខរបរអ្នកលក់ត្រី ស្នាក់នៅភូមិ កងស្វាយ ឃុំស្វាយអំពា ស្រុកមុខកំពូល ខេត្ត កណ្តាល និងទី២–ឈ្មោះសៀង ភារុន ភេទ ប្រុស អាយុ២១ឆ្នាំ មុខរបរជួសជុលរថយន្តនៅ ខេត្តសៀមរាប ស្នាក់នៅបុរីរិទ្ធ សង្កាត់ទួលសង្កែ ខណ្ឌប្ញស្សីកែវ (ជាអ្នកបើករថយន្តបង្កហេតុ)។ ព័ត៌មានលម្អិត សូមអានកាសែតនគរធំ