គ្រោះ​ថ្នាក់​ចរាចរណ៍​ ឆេះ​រថយន្ដ​១​គ្រឿង​ សង្ស័យ​មាន​មនុស្ស​ជាប់​ក្នុង​រថយន្ដ​

ខេត្ដកំពង់ឆ្នាំង៖ រថយន្តព្រូស១គ្រឿង បើកបុកជាមួយរថយន្តកុងតឺន័រ បណ្តាលឲ្យរថយន្តព្រូសឆាបឆេះក្លាយជាអគ្គិភ័យយ៉ាងសន្ធោសន្ធៅ សង្ស័យមានមនុស្សកៀបជាប់ក្នុងរថយន្ដ ។

ហេតុការណ៍គ្រោះថ្នាក់ចរាចរណ៍នេះ បានកើតឡើងកាលពីយប់ថ្ងៃទី២៤ ខែកក្កដា ឆ្នាំ២០១៦ ស្ថិតនៅតាមផ្លូវជាតិលេខ៥ ក្នុងស្រុកកំពង់ត្រឡាច ខេត្តកំពង់ឆ្នាំង ។

អធិការនគរបាលស្រុកកំពង់ត្រឡាច លោក ម៉ាត់ លី បានបញ្ជាក់ជាបឋមថា ពិតជាមានករណីនេះមែន ហើយលោកកំពុងឲ្យរថយន្តពន្លត់អគ្គិភ័យ ចេញជួយអន្តរាគមន៍ហើយ តែមិនទាន់ដឹងពីអ្នករងគ្រោះនៅឡើយទេ ៕