មានការផ្អើលឆោឡោដល់ម្ចាស់ផ្ទះសំណាក់ និងសមត្ថកិច្ចជួយដេញចាប់បុរសម្នាក់ដែលនាំស្រ្តី ម្នាក់ទៅរួមរ័កនៅផ្ទះសំណាក់ រួចហើយនាងរវល់តែចូលបន្ទប់ទឹក ក៏ព្យាយាមរត់គេច ត្រូវនាង ចេញមកវិញរត់ទាំងពាក់តែអាវយឺតដេញតាមចាប់ឲ្យទទួលខុសត្រូវទង្វើដែលបានប្រព្រឹត្ត បង្កឲ្យមានការភ្ញាក់ផ្អើលកាលពីវេលាម៉ោង១០និង៤៥នាទីយប់ថ្ងៃទី៣០ ខែកញ្ញា ឆ្នាំ២០១៧ នៅចំណុចផ្ទះសំណាក់មួយកន្លែងយីហោ បៃតងទួលសង្កែ ស្ថិតនៅភូមិចុងខ្សាច់ សង្កាត់ទួលសង្កែ ខណ្ឌឫស្សីកែវ ។
គូស្នេហ៍ទាំងពីរនាក់ខាងលើមានអាយុជាង៣០ឆ្នាំ មិនត្រូវបានស្គាល់ឈ្មោះទេ គ្រាន់តែអ្នកទាំងពីរបានប្រាប់ថា ពួកគេទើបនឹងស្គាល់គ្នាពេលដែលជិះរថយន្តក្រុងជាមួយគ្នាកាលពីថ្ងៃ រួចហើយបាននិយាយសាសងគ្នាត្រូវរ៉ូវបាននាំគ្នាចូលផ្ទះសំណាក់តែម្តង ។
តាមប្រភពពីបុរសដែលត្រូវស្រ្តីម្នាក់ចោទថា ស៊ីនំហើយប្រុងដោះដៃបានឲ្យដឹងថា រូបគេបានស្គាល់ស្រ្តីនោះបានមួយថ្ងៃតាមរយៈជិះរថយន្តក្រុងរបស់រដ្ឋជាមួយគ្នា ហើយរូបគេបាននាំមកដេកនៅផ្ទះសំណាក់ខាងលើតែម្តង។
ដោយបុរសនោះបានបន្តឲ្យដឹងថា បន្ទាប់ពីរូបគេបាននាំនាងមកដល់ផ្ទះសំណាក់រូបគេបានទៅទិញស្រាបៀរចំនួន១៨កំប៉ុងមកផឹកជាមួយមិត្តភ័ក្រប្រុសរបស់គេម្នាក់ទៀត លុះផឹកស្រាបៀរអស់ចំនួន១៨កំប៉ុងរួចមក ពួកគេបានស្រវឹងស្រឿងៗរៀងខ្លួន ហើយមិត្តភ័ក្តិរបស់គេបានសុំលាទៅផ្ទះមុនបាត់ទៅ នៅសល់នៅតែរូបគេទាំង២នាក់។
ប្រភពដដែលបានបន្តទៀតថា ក្រោយពីមិត្តភ័ក្តិរបស់គេចេញទៅបាត់ រូបគេក៏បានសុំនាងរួម
រ័កបានម្តង ហើយនាងរវល់តែចូលបន្ទប់ទឹកលាងខ្លួនប្រាណ ឃើញឳកាសល្អរូបគេបានស្លៀកពាក់ខោអាវរត់ចេញក្រៅផ្ទះសំណាក់ បំរ៉ុងរត់គេចខ្លួន តែត្រូវនាងដឹងទាន់រត់ចេញពីបន្ទប់ទឹកទាំងស្លៀកបានតែខោលីអូនិងពាក់អាវយឺតដៃខ្លីរត់ចេញមកក្រៅ ដេញចាប់ពេញមុខផ្ទះសំណាក់បង្កឲ្យមានការភ្ញាក់ផ្អើលដល់ម្ចាស់ផ្ទះសំណាក់ ជួយចាប់រូបគាត់បានភ្លាមៗ ។
ខណៈពេលសមត្ថកិច្ចមកដល់នារីរងគ្រោះបានយំឡាំប៉ាទាមទារ ដោយឲ្យបុរសខាងលើទទួលខុសត្រូវលើរូបនាងដែលបានលួងលោមរូបនាងយកមករួមរ័កនៅផ្ទះសំណាក់ ត្រូវតែចុះសំបុត្រអាពាហ៍ពាហ៍ជាមួយនាង ប៉ុន្តែជាសក្ខីភាពត្រូវធ្វើកិច្ចសន្យានៅយប់នេះសិន រង់ចាំព្រឹកឡើងទើបទៅចុះសំបុត្រអាពាហ៍ពិពាហ៍ ។ ដោយសារតែស្រ្តីខាងលើយំឡាំប៉ាខ្លាំងពេក បុរសរូបនោះបានសន្យាថានឹងទទួលខុសត្រូវទៅលើទង្វើរបស់ខ្លួនដែលរូបគេបានធ្វើទៅលើរូបនាង ទើបរូបនាងយប់ព្រមចូលទៅដេកក្នុងផ្ទះសំណាក់ជាមួយបុរសនោះវិញទាំងពីរនាក់ រង់ចាំស្អែកដោះស្រាយគ្នាម្តងទៀត ៕