កូនក្រមុំសុំម៉ែទៅផ្សារ ត្រូវប្រុសស្រី២នាក់ល្បួ់ងឡើងឡានទៅបាត់

ខេត្តបាត់ដំបង ៖ នារីវ័យក្មេងម្នាក់ បានសុំម្តាយចេញទៅផ្សារជាមួយនឹងបងស្រីរបស់ខ្លួន លុះពេលទៅដល់ផ្សារ ស្រាប់តែមានមនុស្សប្រុសស្រី២នាក់ បានចូលមកសួរនាំមួយសន្ទុះ ក៏បបួលឡើងជិះរថយន្ត រួចបើកគេចចេញទៅបាត់ស្រមោល មិនដឹងជាទៅដល់ណា ជាហេតុធ្វើឱ្យបងស្រីរបស់នារីរងគ្រោះ ភ័យស្លន់ស្លោ ប្រឹងតាមឃាត់រថយន្តឱ្យឈប់ដែរ តែមិនទាន់។

ហេតុការណ៍នារីក្រមុំ ត្រូវមនុស្សប្រុសស្រី២នាក់លួងលោមឡើងជិះរថយន្តចេញទៅបាត់នេះ បានកើតមានការភ្ញាក់ផ្អើលឡើង កាលពីថ្ងៃទី៣០ ខែមករា ឆ្នាំ២០១៨ នៅចំណុចផ្សារទឹកពុះ ស្ថិតក្នុងស្រុកកំរៀង។

នារីក្រមុំដែលត្រូវមនុស្សប្រុសស្រី២នាក់លួងលោមយកទៅបាត់នោះ មានឈ្មោះតាំង ចន្ទ្រា ហៅសុខជា ហៅរចនា អាយុ១៨ឆ្នាំ។ ចំណែកជនសង្ស័យមានគ្នា២នាក់ (ប្រុស១ ស្រី១) បើករថយន្តមួយគ្រឿងម៉ាក ឡិចស៊ីស RX-300 ពណ៌ទឹកមាស ពាក់ស្លាកលេខ 2A-2191។

យោងតាមម្ចាស់គណនីហ្វេសប៊ុកឈ្មោះ Sath Sreypoch បានបង្ហោះសារមួយថា “នារីរងគ្រោះមានឈ្មោះតាំង ចន្ទ្រា ហៅសុខជា ហៅរចនា អាយុ១៨ឆ្នាំ បានបាត់ខ្លួននៅចំណុចផ្សារទឹកពុះ ស្រុកកំរៀង ខេត្តបាត់ដំបង។ អ្នកដែល្បួងទៅមានគ្នា២នាក់ ប្រុស១នាក់ ស្រី១នាក់ មធ្យោបាយដោយម៉ាករថយន្ត RX-300 ស្លាកលេខ 2A-2191 ពណ៌ទឹកមាស។

ព័ត៌មានបន្ថែមទំនាក់ទំនង ០៩៧ ៩១០៦៦០២ ម្ចាស់ទូរស័ព្ទត្រូវជាបងស្រីបង្កើតរបស់ជនរងគ្រោះ ហើយក៏នៅក្នុងហេតុការណ៍…”៕