ខេត្តតាកែវ ៖ យុវតីជាសិស្សសាលាម្នាក់ ត្រូវបានក្មេងទំនើងមួយក្រុម មានគ្នា១០នាក់ បានព្រួតគ្នា ជិះម៉ូតូដេញតាមស្ទាក់គប់ និងចាក់ប្រហារ បណ្តាលឱ្យលិច១ដាវជាប់ខ្លួនរងរបួសយ៉ាងធ្ងន់ធ្ងរ កាលពីវេលាម៉ោង១០ និង៣០នាទីព្រឹក ថ្ងៃទី១៥ ខែកុម្ភៈ ឆ្នាំ២០១៨ នៅចំណុចភូមិបុសតាផង់ ឃុំត្រពាំងក្រញូង ស្រុកត្រាំកក់។
យុវតីរងគ្រោះ ដែលត្រូវក្មេងស្ទាវ១០នាក់ព្រួតចាក់១ដាវលិចជាប់ខ្លួន មានឈ្មោះហ៊ន ម៉ាលីន អាយុ១៧ឆ្នាំ ជាសិស្សថ្នាក់ទី១១B នៃវិទ្យាល័យអគ្គមហាសេនាតេជោ ហ៊ុន សែន អង្គតាសោម រស់នៅភូមិអង្គត្នោតខាលិច ឃុំអង្គតាសោម រងរបួស១ដាវ ចំឆ្អឹងជំនីខាងស្តាំ ធ្លាយទៅឆ្វេង ជាប់ខ្លួន រងរបួសធ្ងន់។
ចំណែកក្រុមជនដៃដល់មានគ្នា១០នាក់ រួមមានទី១-ឈ្មោះណុំ សុវណ្ណដា ហៅអារុយ ភេទប្រុស អាយុ១៩ឆ្នាំ រស់នៅភូមិត្នោតជុំ ឃុំអូសារាយ ស្រុកត្រាំកក់ ទី២-ឈ្មោះអ៊ីម ចាន់តារា ហៅអាប៉ង់ ភេទប្រុស អាយុ១៧ឆ្នាំ រស់នៅភូមិតាកឹម ឃុំតាភេម ស្រុកត្រាំកក់ ទី៣-ឈ្មោះផុន ភារ៉ា ហៅមៅ ភេទប្រុស អាយុ១៨ឆ្នាំ រស់នៅភូមិត្រពាំងកោះ ឃុំត្រពាំងធំខាងត្បូង ស្រុកត្រាំកក់ ទី៤-ឈ្មោះឃុន ដេវីត ហៅវីត ភេទប្រុស អាយុ១៧ឆ្នាំ រស់នៅភូមិស្ទឹង ឃុំអូសារាយ ស្រុកត្រាំកក់ ទី៥-ឈ្មោះសុត ជា ភេទប្រុស អាយុ១៧ឆ្នាំ រស់នៅភូមិសំរោង ឃុំត្រពាំងធំខាងត្បូង ស្រុកត្រាំកក់ ទី៦-ឈ្មោះភាង ភា ភេទប្រុស អាយុ១៨ឆ្នាំ រស់នៅភូមិខ្ពបស្វាយ ឃុំស្រែចែង ស្រុកត្រាំកក់ ទី៧-ឈ្មោះខា មៀន ភេទ ប្រុស អាយុ១៧ឆ្នាំ រស់នៅភូមិតាសូ ឃុំតាភេម ស្រុកត្រាំកក់ ទី៨-ឈ្មោះស៊ីម វិសាល ភេទប្រុស អាយុ១៨ឆ្នាំ រស់នៅភូមិពាក់បង្អោង ឃុំត្រពាំង ធំខាងជើង ស្រុកត្រាំកក់ ទី៩-ឈ្មោះម៉ីន សំណាង ភេទប្រុស អាយុ១៨ឆ្នាំ រស់នៅភូមិអង្គត្រាវ ឃុំត្រពាំងធំខាងជើង ស្រុកត្រាំកក់ និងទី១០-ឈ្មោះទ្រី គា ហៅកូ ភេទប្រុស អាយុ២៦ឆ្នាំ រស់នៅភូមិត្រពាំងសោម ឃុំត្រពាំងធំខាងត្បូង ស្រុកត្រាំកក់។
តាមប្រភពពីសមត្ថកិច្ចស្រុកត្រាំកក់ បានបញ្ជាក់ប្រាប់ថា នៅមុនពេលកើតហេតុ កាលពីវេលាម៉ោង១០ និង៣០នាទីព្រឹក ថ្ងៃទី១៥ ខែកុម្ភៈ ឆ្នាំ២០១៨ ក្រុមជនសង្ស័យខាងលើ បានធ្វើសកម្មភាពជិះម៉ូតូ ប្រដាប់ដោយដាវ ដំបងឫស្សី ដុំថ្ម បាននាំគ្នាស្ទាក់គប់ និងចាក់ទៅលើយុវតី រងគ្រោះឈ្មោះ ហ៊ន ម៉ាលីន ត្រូវ១ដាវចំឆ្អឹងជំនីខាងស្តាំ ធ្លាយទៅឆ្វេង ជាប់ខ្លួន បណ្តាលឱ្យរងរបួសធ្ងន់ បញ្ជូនទៅសង្រោះបន្ទាន់ នៅមន្ទីពេទ្យកាល់ម៉ែត រាជធានីភ្នំពេញ។
សមត្ថកិច្ចបន្តថា ក្រោយកើតហេតុ សមត្ថកិច្ចបានចុះធ្វើការស្រាវជ្រាវ និងឈានដល់ការឃាត់ខ្លួនជនសង្ស័យចំនួន៧នាក់ ក្នុងចំណោមបក្ខពួក១០នាក់។ ជនបង្កទាំង៧នាក់ ដែលសមត្ថកិច្ចឃាត់ខ្លួនបាន រួមមាន ទី១-ឈ្មោះណុំ សុវណ្ណដា ទី២-ឈ្មោះអ៊ីម ចាន់តារា ទី៣-ឈ្មោះផុន ភារ៉ា ទី៤-ឈ្មោះឃុន ដេវីត ទី៥-ឈ្មោះសុត ជា ទី៦-ឈ្មោះភាង ភា និងទី៧-ឈ្មោះខា មៀន។
ជនសង្ស័យដៃដល់ទាំង៧នាក់ ត្រូវបានសមត្ថកិច្ចរៀបចំកសាងសំណុំរឿងបញ្ជូនទៅកាន់សាលាដំបូងខេត្ត ដើម្បីចាត់ការបន្តតាមនីតិវិធី។ ចំណែកជនសង្ស័យ៣នាក់ទៀត ដែលបានរត់គេចខ្លួនបាត់ សមត្ថកិច្ចកំពុងតាមប្រមាញ់ ចាប់ខ្លួននាំយកមកផ្តន្ទាទោសតាមច្បាប់៕