ប្រពន្ធទម្លាយរឿងពិតដូចចម្រៀង “ស្រីណាមិនយំ” កាលគ្រាក្រក្រី ប្តីស្មោះភក្តី ឥឡូវមានលុយ មានស្រីថ្មី

ភ្នំពេញ ៖ ស្ត្រីម្នាក់ បានដាច់ចិត្តចេញមុខទម្លាយរឿងរ៉ាវជីវិតដ៏ជូរចត់របស់ខ្លួន ដោយបានប្រៀបប្រដូចទៅនឹងចម្រៀងមួយបទ “ស្រីណាមិនយំ” ដែលកាលពីគ្រាក្រក្រីលោកប្តីមានចិត្តស្មោះស្ម័គ្រភក្តីរកអ្វីប្រៀបផ្ទឹមពុំបាន លុះដល់ពេលរកស៊ីមានបាន មានលុយកាក់ចាយវាយ ពេញដៃ ស្រាប់តែប្តីកំហូចបែកគំនិត ឈ្លក់វង្វេងនឹងសម្រស់ស្រីផ្សេង ផិតក្បត់ចិត្តប្រពន្ធ និងថែមទាំងជឿតាមសម្តីគេញោះញង់បោះបង់កូន ចោលដោយគ្មានស្រណោះ។

ស្ត្រីអភ័ព្វស្នេហ៍រូបនេះ មិនត្រូវបានស្គាល់អត្តសញ្ញាណនោះទេ គ្រាន់តែដឹងថា មានគណនីហ្វេសប៊ុកឈ្មោះ Sokun Thea។ ចំណែកបុរសជាប្តី ដែលត្រូវប្រពន្ធចោទថាជាប្រុសក្បត់ចិត្ត មិនស្គាល់អត្តសញ្ញាណដូចគ្នា គ្រាន់តែដឹងថា មានគណនីហ្វេសប៊ុកឈ្មោះ Yuth Visa។

ស្ត្រីជាម្ចាស់គណនី Sokun Thea កាលពីពេលថ្មីៗនេះ បានបង្ហោះសារមួយថា “ជាមនុស្សប្រុសមួយរូបនឹងគេដែរ មិនគួរណាគ្មានខួរគិត គេប្រាប់ឱ្យស្អប់កូន ក៏ស្អប់តាមគេ គេឱ្យឈប់ចិញ្ចឹមកូន ក៏ធ្វើតាមគេ។ អ្នកឯងដែលយកខួរអ្នកឯងមកគិតអត់ថា ពេលដែលគ្រួសារយើងក្រ អ្នកដែលពូកែចាក់រុក ដែលមកផ្អែមល្ហែម មកស្នាលស្និតជាមួយយើងអត់ ពេលយើងធ្វើផ្ទះ វាមករឹបអូសយកឡានម៉េចខ្លះ គេជេរយើងម៉េចខ្លះ មាន ចាំបានអត់ ពេលយើងអត់លុយ យើងស៊ីបាយម្ហូប១មុខយើងស៊ី២ពេល វាដែលមករួមលំបាកជាមួយយើងអត់ ឥឡូវនេះអ្នកឯងមានលុយ វាមកអែបអប វានិយាយអីក៏ធ្វើតាម ឥឡូវនេះកុំបន្ទោសខ្ញុំឱ្យសោះ កិត្តិយសអ្នកឯង កេរ្តិ៍ឈ្មោះអ្នកឯងវាបាត់បង់ដោយសារអី គួរតែដឹងខ្លួនខ្លះហើយ មិនបាច់អញប្រាប់ទៀតទេ។

ស្ត្រីជាម្ចាស់គណនីហ្វេសប៊ុកខាងលើ បានបន្តថា “ជួយស៊ែរឱ្យដល់អាឪចិត្តខ្មៅ និងមីបងថ្លៃចិត្តតិរច្ឆានបានល្បីផង អាឪឆ្កួតនឹងក្តិតស្រី បោះបង់កូនចោល ចំណែកមីបងថ្លៃ ចាំតែចាក់រុកឱ្យប្អូនវាឈប់ផ្តល់លុយកាក់ដល់កូន ចង់ក្មួយវាស្លាប់រស់ក៏វាមិនខ្វល់ នៅចង់ឱ្យប្អូនវាមកបែងចែក ទ្រព្យសម្បត្តិខ្ញុំ និងកូនខ្ញុំទៀត មីនេះលោភលន់ខ្លាំងណាស់ ចាំមុខវាឱ្យច្បាស់ផងបងប្អូន ជួយស៊ែរឱ្យបានល្បីផង ឱ្យវាដឹងថា ត្រឹមជាបងថ្លៃគ្មានសិទ្ធិអីមកចេះដឹងរឿងគ្រួសារអញ ហើយង៉ែងក៏គ្មានសិទ្ធិមកដៀលពូជអញដែរ…”។

ដោយឡែកតាមរយៈវីដេអូឡាយរយៈពេល១ម៉ោង ៣នាទី និង៣៦វិនាទី ស្ត្រីជាភរិយារូបនេះ បានរៀបរាប់ទាំងខឹងសម្បាផងដែរថា “ខ្ញុំសុំនិយាយពីអតីតប្តីរបស់ខ្ញុំ ខ្ញុំថាខ្ញុំអត់ចង់និយាយទេ ទុកមុខឱ្យគាត់ ប៉ុន្តែគាត់ខ្លួនឯងទេ ខ្ញុំទុកមុខឱ្យគាត់រកស៊ី តែគាត់អត់ចង់ ខ្ញុំអត់ចង់ និយាយទៅប៉ះពាល់រកស៊ីអត់បាន ធ្វើឱ្យដើរក្នុងសង្គមអីអត់បានខ្មាសគេ ប៉ុន្តែពេលនេះ លែងទុកមុខឱ្យហើយ ប្តីរបៀបហ្នឹង ហើយក៏មិនមែនជាប្តីដែរ គ្រាន់តែជាអតីត តើលើលោកនេះ មានប្តីរបៀបហ្នឹងដែរអត់? ខ្ញុំអត់ដែលបង្ហាញមុខប្តីទេ អត់ចង់ឱ្យគេឃើញទេ ទុកមុខឱ្យគេ តែឥឡូវឈប់ហើយ ព្រោះអីថ្ងៃមុនផ្ញើសារមកជេរខ្ញុំ ដោយជឿតាមបងស្រីគេហ្នឹងឯង កុំបន្ទោសខ្ញុំណា លោកយុទ្ធ វីសា ធ្វើការនៅច្រកឡែម បន្ទោសអ្នកដែលគួរបន្ទោស គឺបងស្រីអ្នកឯង នៅលើលោកនេះតើមានឪពុកចិត្តតិរច្ឆានបែបហ្នឹងដែរអត់? អញយកប្តីមក ដើម្បីកសាងសុភមង្គលគ្រួសារ មែនយកហែងមកឱ្យមើលងាយពូជអញទេ អញទ្រាំយូរហើយ ឈ្លោះគ្នាតិចតួចដៀលពូជ កន្លងមកខ្ញុំខ្ជិល មិនមែនខ្ញុំខ្លាចទេ អាយុទ្ធ ហែងគិតថាអញខ្លាច មែន ឃើញអញទើបចេញពីគុកមក ធ្វើឱ្យអញជាប់គុកម្តង ស្មានថាអញខ្លាចហែងមែន? ផ្ញើសារមកទាំងព្រលឹមថា “មីតិរច្ឆាន ងែងល្មមឈប់ហើយ អញគ្មានលុយឱ្យពួកងែងទេ ចាប់ពីថ្ងៃនេះតទៅ ងែងចាំមើលដល់ខែ ងែងចាំកុំសង្ឃឹមបានលុយអញ១បាត រាល់ថ្ងៃហ្នឹងអញខ្លាចងែងខ្លាំង ណាស់ អញចង់សាកមួយងែងម្តងទៀត តើងែងវាខ្លាំងប៉ុនណា? ចាំមើលងែងបានប៉ុន្មានខ្យល់ ចរិតងែងនេះ សូម្បីសត្វឆ្កែ ក៏វាមិនយកងែងផង” ហែងសាកអត់ឱ្យមើល ច្បាប់គេចេះដោះស្រាយហើយ ព្រោះខ្ញុំនិងវា លែងគ្នាមានសាលក្រមត្រឹមត្រូវ ខ្ញុំអត់ចង់លែងគ្នាទេ តែវាប្តឹងលែងខ្ញុំ ខ្ញុំសឹងតែសំពះអង្វរតុលាការទៀត កុំឱ្យកាត់ក្តីឱ្យខ្ញុំលែងលះគ្នាអី ខ្ញុំអាណិតកូន កូនប្រុសខ្ញុំទើបតែ៨ខែហ្នឹង តែគេកាត់ឱ្យលែង គួរឱ្យឈឺចាប់ទេ? អញប្រាប់ឱ្យហើយ គ្រួសារហែងចាប់ពីថ្ងៃនេះតទៅ ប៉ះអញគឺរលាក ហែងមានលុយ មានសិទ្ធិធ្វើអីធ្វើទៅ អញអត់ដឹងទេ ប៉ុន្តែប៉ះអញគឺរលាក ហែងខ្មាសគេម៉ង… មើលមុខខ្ញុំឱ្យហើយ កន្លងមកខ្ញុំមិនដែលបញ្ចោញឱ្យគេឃើញថាខ្ញុំឈឺចាប់យ៉ាងម៉េចទេ ខ្ញុំសុខចិត្តបៀមទុក្ខ ប៉ុន្តែមនុស្សយើង ការអត់ធ្មត់គឺមានព្រំដែន ខ្ញុំតែបញ្ចេញ គឺបញ្ចេញចឹងម៉ង អត់មានទុកមុខឱ្យអ្នកណាទេ ខ្ញុំប្រាប់ដល់ថ្នាក់មានស្រី មកវ៉ៃផ្ទះខ្ញុំឡើងខ្ទេច អាប្តីខ្ញុំហ្នឹងណា ដល់ពេលប្តឹងបងៗសមត្ថកិច្ចមក ដល់ចុងក្រោយអ្នកណាអ្នកខុស? ខ្ញុំអ្នកខុស ខុសត្រង់អីដឹងអត់? ខុសត្រង់ខ្ញុំខឹងពេក ឆក់ទូរស័ព្ទប្តីយកមកបោកមុខប៉ូលិស ចំណែកអាប្តីវ៉ៃខ្ទេចផ្ទះ ផ្អើលដល់អ្នកជិតខាង កូនយំផ្អើលផ្ទះ មិនខុសមកខុសខ្ញុំបោកទូរស័ព្ទប្តីវិញ ហួសចិត្តម៉ង… សុទ្ធតែខ្ញុំតិរច្ឆាន ចុះវាមានស្រីនេះ វាដើម្បីផ្គាប់ចិត្តស្រីវា វាប្តឹងឱ្យគេចាប់ខ្ញុំ ចាប់កូនខ្ញុំដាក់គុក វាថាវាមិនដឹងរឿងទៀត គេអ្នកប្តឹង តែដល់ពេលខ្ញុំជាប់គុក វាចង់ដូរសំណុំរឿងដាក់ថា អំពើហិង្សាដោយចេតនា ទៅជាប៉ុនប៉ងមនុស្សឃាត ចង់ឱ្យខ្ញុំជាប់គុកពី៥ឆ្នាំទៅ១០ឆ្នាំ តើវាសមជាមនុស្សទេ ដោយសារតែស្រីម្នាក់ ឱ្យប្រពន្ធកូនជាប់គុក…”។

ជុំវិញរឿងរ៉ាវខាងលើនេះ “នគរធំ” មិនអាចទាក់ទងសុំការបំភ្លឺពីភាគីបុរសជាប្តីបាននៅឡើយ កាលពីម្សិលមិញ។ យ៉ាងណាយើងរង់ចាំ ការបកស្រាយបំភ្លឺពីគ្រប់ភាគីពាក់ព័ន្ធទាំងអស់៕