បន្ទាប់ពីលោក Mauricio Pochettino គ្រូបង្វឹកក្លឹបមាន់ខ្នាយមាស Tottenham និង លោក Massimiliano Allegri គ្រូបង្វឹកក្លឹបសេះបង្កង់ Juventus ច្រានចោលសំណើសុំធ្វើជាគ្រូបង្វឹកក្លឹប Real Madrid ឥឡូវនេះ យក្សអេស្ប៉ាញមួយនេះ បានងាកមករកលោក Conte គ្រូបង្វឹកក្លឹបតោខៀវ Chelsea ដែលកំពុងមានបំណងចាកចេញពីក្លឹបនេះ ដើម្បីស្នងតំណែងលោកហ្ស៊ីដាន ដែលបានប្រកាសចុះចេញពីតំណែងគ្រូបង្វឹកកាលពីសប្តាហ៍មុន ។
លោក Pochettino បានច្រានចោលសំណើនេះ ដោយសារតែលោកទើបតែចុះកុងត្រារយៈពេល៥ឆ្នាំ ជាមួយ Tottenham ខណៈ លោក Massimiliano ស្ទាក់ស្ទើរមិនហ៊ានទទួលតំណែងនេះ។
រហូតមកដល់ពេលនេះ មានរយៈពេលមួយសប្តាហ៍ ដែលក្លឹប Real Madrid អត់មានគ្រូបង្វឹកដឹកនាំ។
ទាក់ទងទៅនឹងការចង់បានលោក Conte នេះ ក្លឹប Real Madrid ទាន់ទទួលបានចម្លើយបែបណានៅឡើយទេ៕
