ខេត្តមណ្ឌលគិរី ៖ បុរសល្មោភកាមម្នាក់ បានធ្វើសកម្មភាពលួងលោមក្មេងស្រីអាយុ៨ឆ្នាំម្នាក់ ឱ្យទៅកន្លែងស្ងាត់ រួចក៏ធ្វើសកម្មភាពចាប់រំលោភរហូតដល់បានសម្រេចម្តងរួចមកហើយ លុះញៀនញ៉ាម ក៏លួងលោមក្មេងស្រីទៅរំលោភលើកទី២ ទីបំផុតក៏ត្រូវឪពុកក្មេងស្រីរងគ្រោះ តាមទាន់ ប្តឹងសមត្ថកិច្ចចាប់អូសកយកមកចាត់ការតាមច្បាប់។
ករណីប្រុសព្រានរំលោភក្មេងស្រី និងត្រូវឪពុកគេតាមទាន់ ប្តឹងប៉ូលិសចាប់នេះ បានកើតឡើងកាលពីវេលាម៉ោង៧ និង០៥នាទីព្រឹក ថ្ងៃទី២២ ខែកក្កដា ឆ្នាំ២០១៨ នៅចំណុចរោងម៉ាស៊ីនកិនរ៉ែមាសចាស់មួយកន្លែង ស្ថិតនៅខាងក្រោយផ្ទះរបស់ក្មេងស្រីរងគ្រោះ ស្ថិតក្នុងភូមិពូទុង ឃុំចុងផ្លាស់ ស្រុកកែវសីមា។
ជនសង្ស័យល្មោភកាមដែលចាប់រំលោភក្មេងស្រី២ដង មានឈ្មោះអ៊ឹម ធារិទ្ធ អាយុ៣១ឆ្នាំ មុខរបរមិនពិតប្រាកដ មានលំនៅក្នុងភូមិឃុំ កើតហេតុខាងលើ។ ចំណែកក្មេងស្រីរងគ្រោះ មានឈ្មោះអ.ស.ន អាយុ៨ឆ្នាំ មានលំនៅក្នុងភូមិឃុំជាមួយគ្នា។
លោក វ៉ាន់ ដានីន អធិការស្រុកកែវសីម៉ា បានបញ្ជាក់ប្រាប់ថា កាលពីព្រឹក ថ្ងៃទី២២ ខែកក្កដា ឆ្នាំ២០១៨ សមត្ថកិច្ចប៉ុស្តិ៍ចុងផ្លាស់ បានទទួលពាក្យបណ្តឹងពីអាណាព្យាបាលក្មេងស្រីរងគ្រោះ ដែលបានប្តឹងចោទប្រកាន់ទៅលើ ឈ្មោះអឹម៉ិ ធារិទ្ធ ថាបានចាប់រំលោភកូនស្រីរបស់ គាត់បានសម្រេចចំនួន២លើក ដោយលើកទី១ កាលពីថ្ងៃទី១៧ ខែកក្កដា ឆ្នាំ២០១៨ និងលើកទី២ នៅព្រឹកថ្ងៃទី២២ ខែកក្កដា ឆ្នាំ២០១៨ នៅក្នុងរោងម៉ាស៊ីនកិនរ៉ែមាសចាស់ ខាងក្រោយផ្ទះរបស់គាត់។
ក្រោយទទួលបានពាក្យបណ្តឹងខាងលើ សមត្ថកិច្ចក៏ចុះធ្វើការស្រាវជ្រាវរហូតឈានដល់ការឃាត់ខ្លួនជនសង្ស័យឈ្មោះអ៊ឹម ធារិទ្ធ និងបាន នាំខ្លួនមកធ្វើការសាកសួរ៕