ភ្នំពេញ៖ បន្ទាប់ពីមេឃភ្លៀងបង្គោលភ្លើងមួយកន្លែង បានជាផ្ទុះចេញជាអណ្តាតភ្លើងឆាបឆេះបង្កឲ្យមានការភ្ញាក់ផ្អើលកាលពីវេលាម៉ោង១ និង៤០នាទីរំលងអាធ្រាត្រឈានចូលថ្ងៃទី២៣ ខែសីហា នៅទល់មុខភោជនីយដ្ឋាននិងខារ៉ាអូខេ នគរបុរី ដែលស្ថិតនៅផ្លូវ២៧១ សង្កាត់ផ្សារដើមថ្កូវ ខណ្ឌចំការមន ។
តាមប្រភពពត៌មានពីប្រជាពលរដ្ឋនិងធ្វើដំណើរតាមផ្លូវបាននិយាយថា ខណៈពេលដែល ពួកគាត់បានធ្វើដំនើរតាមផ្លួវ ស្រាប់តែមានបង្គោលភ្លើងមួយដែលមានប្រអប់លេខ បត.០៤៧.៨០៧ បានទុស្សេខ្សែភ្លើងចេញជាអណ្តាតភ្លើងឡើងឆាបឆេះយ៉ាងខ្លាំង ពេលនោះពួកគាត់បាននាំគ្នាយកបំពង់ពន្លត់អគ្គីភ័យចំនួន៣បំពង់មកបាញ់អស់តែមួយបំពង់ធ្វើឲ្យភ្លើងរលត់ទៅវិញអស់ ។
ហេតុការណ៍នេះមិនបង្ករអោយគ្រោះថ្នាក់ដល់ទ្រព្យសម្បត្តិ និងគ្រោះថ្នាក់ដល់ប្រជាពលរដ្ឋឡើយ ៕
ណន រ៉ាត់