ញ៉ែម សុគន្ធ រៀបការថ្ងៃ១ធ្នូ បញ្ចប់រឿងអាស្រូវ

តារាសម្តែងរូបសង្ហាចង្កាព្រែក លោកញ៉ែម សុគន្ធ បានមមាញឹកជាខ្លាំងក្នុងការដើរចែកធៀបការដល់អ្នកសិល្បៈរួមអាជីព ដែលប្រព្រឹត្តទៅនៅថ្ងៃទី០១ ខែធ្នូ ឆ្នាំ២០១៨ ខាងមុខនេះហើយ ពិធីជប់លៀងធំនៅមជ្ឈមណ្ឌលកោះពេជ្រ អាគារ E។ អនាគតភរិយារបស់ញ៉ែម សុគន្ធ គឺនាងងួន កែវមល្លិកា ដែលពួកគេបានភ្ជាប់ពាក្យជាមួយគ្នា កាលពីថ្ងៃទី១៨ ខែមិថុនា ឆ្នាំ២០១៨ កន្លងមក។

តារាសិល្បករជាច្រើន រួមទាំងមហាជនមិនតិចនាក់ឡើយ ដែលសម្តែងការកោតសរសើរនូវទឹកចិត្តដ៏រឹងមាំរបស់នាងងួន កែវមល្លិកា ដែលទោះបីអនាគតស្វាមីរបស់នាងលោកសុគន្ធ បានប៉ះរឿងអាស្រូវផ្អើលពេញផ្ទៃប្រទេស ដោយសារត្រូវក្មួយប្រុសបកអាក្រាតថា សុគន្ធ ជា “ខ្ទើយ” ស្រលាញ់ភេទដូចគ្នាយ៉ាងណាក៏ដោយ តែនាងមិនខ្វល់ឡើយ ហើយនៅទីបំផុត នូវតែមានះដឹកដៃសុគន្ធ ចូលរោងការតាមកាលកំណត់ ឱ្យខាងតែបាន។

ដោយឡែក ញ៉ែម សុគន្ធ វិញ ត្រូវបានសាច់ញាតិ បានបង្ហើបឱ្យដឹងថា តារារូបនេះ ហាក់អន្ទះសាតក់ក្រហល់យ៉ាងខ្លាំង ចង់តែដឹកដៃនាងកែវ មល្លិកា ក្រាបផ្ទឹមឱ្យបានឆាប់ ដើម្បីលុបរឿងអាស្រូវ ត្រូវក្មួយប្រុសហែកកេរ្តិ៍ថា រូបគេស្រលាញ់ និងចូលចិត្តតែលេងប្រដាប់ភេទប្រុសៗនោះ ហើយពេលនេះ សុគន្ធ បានសម្រេចតាមបំណងហើយ តាមរយៈការបញ្ចប់ភាពនៅលីវ ត្រឹមថ្ងៃទី០១ ខែធ្នូ។

គួរបញ្ជាក់ថា ញ៉ែម សុគន្ធ ជាតារាសម្តែងជើងខ្លាំងម្នាក់ ដែលអាចចាត់ទុកថា មានកេរ្តិ៍ឈ្មោះ បន្ទាប់ពីតារាជើងចាស់ទេព រិន្ទដារ៉ូ ព្រោះសុគន្ធ មានទេពកោសល្យ និងអាចសម្តែងបានសឹងគ្រប់ប្រភេទទាំងអស់។

មុនចូលរោងការនេះ ញ៉ែម សុគន្ធ បានសម្តែងជាតួឯករឿង “កូនពស់កេងកង” របស់ក្រុមហ៊ុនហង្សមាស ដោយប៉ះជាមួយស្រីស្អាតនាងឌុច លីដា និងម៉ាក សែនសូនីតា៕