តារាកំប្លែង និងសម្តែងវ័យក្មេង ស្រីស្អាតវ៉ាន់ នីឡា កូនលោកតាវ៉ិចទ័រ អ្នកគ្រប់គ្រងក្រុមកំប្លែង CTN នោះ ទទួលបានរថយន្ត Mercedez ពណ៌ស ថ្មីសន្លាងមួយគ្រឿង ដែលមានតម្លៃជិត១០ម៉ឺនដុល្លារ។
មានការសង្ស័យថា តារាតូចច្រឡឹងវ៉ាន់ នីឡា ត្រូវបានសង្សារថ្មីជូនកាដូរថយន្តទំនើបនេះ ព្រោះមុននេះ នាងបានបង្ហាញរូបភាពផ្អែមល្ហែមជាមួយប្រុសសង្ហាវ័យក្មេងម្នាក់ តែនីឡា បានអះអាងថា រថយន្តដែលនាងស្រលាញ់ពេញបេះដូងនោះ គឺជាកាដូរបស់ឪពុកម្តាយរបស់នាងទៅវិញ។
តារាកំប្លែងក្លាយទៅជាតារាសម្តែង និងជាអ្នកចម្រៀងផលិតកម្មសាន់ដេ រូបនេះ ថ្លែងថា “ការអត់ធ្មត់ ភាពរឹងមាំ តស៊ូ ស្នាមញញឹម គឺខ្ញុំទទួលបានពីម៉ាក់ប៉ា”។
វ៉ាន់ នីឡា បានភ្ជាប់ពាក្យជាមួយកូនថៅកែល្ខោនបាសាក់ អ្នកស្រីភី សុគន្ធី គឺលោកផន រង្សី ដែលទទួលបានថ្លៃទឹកដោះ ដល់ទៅ៣ម៉ឺនដុល្លារ នឹងគ្រោងរៀបការនៅឆ្នាំ២០១៨នេះ។ ប៉ុន្តែមិនទាន់បានទាំងក្រាបផ្ទឹមផងចំណងស្នេហ៍ពួកគេ ក៏ឈានដល់ផ្លូវបំបែកកណ្តាលផ្លូវ ព្រោះលោក រង្សី តូចចិត្តថា ខ្លួនមិនស្អាតសង្ហាដូចគេ ទើបមិនស័ក្តិសមជាមួយនីឡា ដែលជាស្រីស្អាត។
កាលពីខែមុននេះ លោករង្សី បានទៅភ្ជាប់ពាក្យជាមួយគូស្នេហ៍ថ្មី ជានារីស្អាតម្នាក់នៅខេត្តតាកែវ ខណៈដែលនីឡា បានបង្ហាញរូបភាពស្និទ្ធស្នាលជាមួយបុរសម្នាក់ ដែលគេសង្ស័យថា ជាសង្សារថ្មី មុនពេលដែលនាងទទួលបានកាដូរថយន្ត១គ្រឿងនៅពេលនេះ៕
