ខេត្តពោធិ៍សាត់ ៖ បុរសជាប្តីកំហូចម្នាក់ ក្រោយពីផឹកស៊ីស្រវឹងធ្លាក់ភ្នែក ក៏បានរករឿង ប្រើអំពើហិង្សាវាយដំប្រពន្ធ បណ្តាលឱ្យប៉ោងមុខ រហូតដល់ប្រពន្ធទ្រាំលែងបាន ក៏ប្តឹងសមត្ថកិច្ចចុះធ្វើការឃាត់ខ្លួន នាំយកទៅចាត់ការតាមច្បាប់ កាលពីវេលាម៉ោង៦និង៣០នាទីព្រឹក ថ្ងៃទី២០ ខែធ្នូ ឆ្នាំ២០១៨ នៅចំណុចតាំងល្វា ស្ថិតក្នុងភូមិឈើទែប ឃុំឈើតុំ ស្រុកក្រគរ។
បុរសជាប្តីកំណាច ដែលវាយប្រពន្ធគ្មានអាសូរ រហូតត្រូវសមត្ថកិច្ចចាប់វាយខ្នោះ មានឈ្មោះខាន់ សារិទ្ធ អាយុ៣៧ឆ្នាំ មុខរបរកសិករ។ ចំណែកស្ត្រី រងគ្រោះជាប្រពន្ធឈ្មោះភឿន សុធា អាយុ២៨ឆ្នាំ មុខរបរកសិករ។ ប្តីប្រពន្ធទាំង២នាក់ខាងលើ មានលំនៅក្នុងភូមិឃុំកើតហេតុខាងលើ។
តាមសម្តីរបស់ស្ត្រីរងគ្រោះជាប្រពន្ធ បានរៀបរាប់ប្រាប់ថា ប្តីរបស់គាត់ គឺជាមនុស្សប្រមឹក ហើយឱ្យតែផឹកស្រាស្រវឹងជោកជាំ ចេះតែ បង្ករឿងឈ្លោះប្រកែក និងប្រើហិង្សាដាក់នាងជាញឹកញាប់ តែនាងមិនធ្លាប់មាត់កអ្វី ឬប្តឹងផ្តល់អ្វីទាំងអស់។ ស្រាប់តែមកដល់ថ្ងៃកើតហេតុ គ្រាន់តែបើកភ្នែកឡើងសឹងមិនទាន់ ប្តីកំណាចបានដើរទៅផឹកស្រាស្រវឹងធ្លាក់ភ្នែក រួចក៏មករករឿងឈ្លោះជាមួតួនាង រួចក៏ស្ទុះមកដាល់នាង បណ្តាលឱ្យប៉ោងមុខតែម្តង៕