ខេត្តកណ្តាល៖ ជនសង្ស័យម្នាក់ បានប៉ុនប៉ងសម្លាប់គូទំនាស់របស់ខ្លួន ប៉ុន្តែមិនបានសម្រេច រួចក៏ព្យាយាមរត់គេចចេញពីមូលដ្ឋានរស់នៅ ទៅសម្ងំលាក់ខ្លួនអស់រយៈពេលជាង១០ឆ្នាំ ទីបំផុត លបលួចវិលចូលស្រុកវិញ ក៏ត្រូវសមត្ថកិច្ចប្រទះឃើញ ចាប់ខ្លួនតាមដីកាតុលាការ។
ប្រតិបត្តិការបង្ក្រាប និងឃាត់ខ្លួនជនសង្ស័យខាងលើនេះ ធ្វើឡើងកាលពីវេលាម៉ោង១០និង៣០នាទីព្រឹក ថ្ងៃទី១៧ ខែមករា ឆ្នាំ២០១៩ នៅចំណុចភូមិស្វាយអំពារ ឃុំស្វាយអំពារ ស្រុកមុខកំពូល។ ជនសង្ស័យឈ្មោះហែម សំអឿន ភេទប្រុស អាយុ២៦ឆ្នាំ មុខរបរកសិករ មានលំនៅភូមិឈើទាលភ្លោះ ឃុំស្វាយអំពារ ស្រុកមុខកំពូល។
បន្ទាប់ពីចាប់ខ្លួនបាន ជនត្រូវចោទខាងលើ ត្រូវបានបញ្ជូនមកកាន់អធិការដ្ឋាននគរបាលស្រុកមុខកំពូល ដើម្បីបន្តចាត់ការតាមនីតិវិធី៕