ខេមរៈ សិរីមន្ត រង់ចាំផ្លូវស្រីពៅ ត្រឡប់មកផ្ទះវិញ យ៉ាងអន្ទះសារ

ខេមរៈ សិរីមន្ត ដែលជាបងប្រុសខេមរៈស្រីពៅ នៅថ្ងៃនេះ មានទឹកមុខស្រងូតស្រងាត់ជាខ្លាំង ដែលបាត់បង់ប្អូនស្រីបណ្តូលចិត្ត។ លោកបានឈរចាំផ្លូវប្អូនស្រី ត្រឡប់មកផ្ទះវិញ ដោយដើររេរា យ៉ាងអន្ទះសារ។

ខេមរៈ សិរីមន្តគឺជាបងប្រុសដ៏ល្អម្នាក់ ដែលសណ្តោងប្អូនស្រី ខេមរៈ ស្រីពៅ ចូលច្រៀងនៅផលិតកម្មសាន់ដេ។ ហើយលោកតែងតែចេញមុខបដិសេធរាល់ពាក្យចចាមអារ៉ាមដែលកើមានចំពោះប្អូនស្រីនាពេលកន្លងមក។

គួបញ្ជាក់ថា សពខេរមៈ ស្រីពៅ នឹងដឹកមកដល់ផ្ទះ យ៉ាងយូរម៉ោង១០យប់នេះ តាមការបញ្ជាក់របស់លោកខេម ប៊ុនថង ដែលជាបងប្រុសទី២ របស់ខេមរៈ ស្រីពៅ។ ចំណែកតាមរយៈការ Live វីដេអូលើផេករបស់តារាចម្រៀងខេមរៈ សិរីមន្ដ មុននេះ បញ្ជាក់ថា សពខេមរៈ ស្រីពៅ ត្រូវបានរំកិលចេញនៅម៉ោង១រសៀល  ហើយមុនដឹកសពមកវិញ ក្រុមគ្រួសារក៏មានការរៀបចំពិធីបង្សុកូល ដែលមានសម្ដេចព្រះសង្ឃ វង្ស សាម៉ូរ៉ា និងព្រះសង្ឃមួយចំនួនទៀត សូត្រធម៌ដល់ជូនសពស្រីពៅ ផងដែរ។

លោកខេមរៈ ភារុណ បញ្ជាក់សារនៅលើ Page ថា សពខេមរៈ ស្រីពៅ អាចដឹកមកដល់ស្រុកណើតវិញ នៅម៉ោង៧យប់ ឬមានការប្រែប្រួលខ្លះៗ ខណៈដែលនៅផ្ទះវីឡារបស់ខេមរៈ សិរីមន្ដ មានរៀបចំពិធីបែបសាសនា’ដើម្បីចាំទទួលសពខេមរៈ ស្រីពៅ ជាស្រេចទៅហើយ ៕