នៅ សុនិតា ដែលផាត់ចោលប្រុសដល់ទៅ៥នាក់ តាមស្នេហ៍នាងយ៉ាងប្រកិតបំផុតនោះ សុខចិត្តភ្ជាប់ស្នេហាជាមួយពោះម៉ាយ ទិត ថាវរិទ្ធ នោះ ពេលនេះ ស្រីស្អាតរូបនេះត្រូវអ្នកសិល្បៈរួមអាជីពជាច្រើនបានហៅថា “ជំទាវ” ទៅហើយ។
ការផ្តល់ងារឱ្យសុនិតា បែបនេះ ដោយសារតែគូស្នេហ៍សុនិតា លោកទិត ថាវរិទ្ធ ទើបត្រូវបានព្រះករុណា ព្រះបាទសម្តេចព្រះបរមនាថ នរោត្តម សីហមុនី ចេញព្រះរាជក្រឹត្យត្រាស់បង្គាប់តែងតាំងលោកទិត ថាវរិទ្ធ ជាអនុរដ្ឋលេខាធិការ នៃក្រសួងវប្បធម៌និងវិចិត្រសិល្បៈ ធ្វើឱ្យសុនិតា អរស្ទើរហោះ….។
អ្នកសិល្បៈជាច្រើនបានសម្តែងការអបអរសាទរចំពោះស្រីស្អាតនៅ សុនិតា ដែលគូស្នេហ៍ថ្មីរបស់នាង គឺលោកទិត ថាវរិទ្ធ បានក្លាយទៅជាឯកឧត្តម និងមានឋានៈជាអនុរដ្ឋលេខាធិកាធិការក្រសួងវប្បធម៌និងវិចិត្រសិល្បៈ បន្ទាប់ពីព្រះករុណា ព្រះបាទសម្តេចព្រះបរមនាថនរោត្តម សីហមុនី បានចេញព្រះរាជក្រឹត្យត្រាស់បង្គាប់ ក្នុងចំណោមឯកឧត្តម5រូបផ្សេងទៀត ចុះថ្ងៃទី12 ខែមករា ឆ្នាំ2019។
ក្រុមអ្នកសិល្បករជាច្រើន បាននាំគ្នាខ្សឹបខ្សៀវគ្នាថា នៅ សុនិតា សប្បាយចិត្តជាងគេ នៅពេលដែលអតីតនាយករងទូរទស្សន៍បាយ័ន រូបនេះ ឡើងឋានៈជាឯកឧត្តមនេះ ព្រោះការសម្រេចចិត្តរបស់នាងក្នុងការទាត់ចោលប្រុសៗដល់ទៅ5នាក់ ហើយជ្រើសរើសលោកថាវរិទ្ធ ជាគូស្នេហ៍នោះ គឺពិតជាមិនខុសមែន។
តារាល្បីៗដែលស្និទ្ធស្នាលជាមួយនៅ សុនិតា បាននិយាយថា តារារូបនេះ ពិតជាភ្នែកមុតមែន ព្រោះនៅពេលលោកថាវរិទ្ធ ជាគូស្នេហ៍ឡើងឯកឧត្តមនោះ គឺមានន័យថា តំណែងជំទាវ ក៏ស្ថិតនៅក្នុងកណ្តាប់ដៃរបស់នាងដែរ។
ប៉ុន្តែទន្ទឹមគ្នានេះដែរ ក៏មានតារាខ្លះបានលើកឡើងថា ពេលនេះ នៅ សុនិតា និងស៊ឹម សូលិកា កាន់តែមានការប្រជែងគ្នាកាន់តែខ្លាំងឡើងៗ ហើយព្រោះថា ការឡើងឋានៗឯកឧត្តមរបស់លោកថាវរិទ្ធ នៅពេលនេះ គឺបន្ទាប់ពីមុននេះ លោកអេង រិទ្ធី ជាគូស្នេហ៍ថ្មីរបស់សូលិកា ដែលពាក់ផ្កាយ1នោះ បានឡើងជារដ្ឋលេខាធិកានៅក្រសួងមួយ ដែលមានន័យថា ក្លាយទៅជាឯកឧត្តមដែរ ហេតុនេះហើយ ទាំងនៅ សុនិតា និងស៊ឹម សូលិកា គឺសុទ្ធតែក្លាយទៅជាជំទាវព្រមៗគ្នាដែរ ហើយក៏មានព័ត៌មានបែកធ្លាយមួយទៀតថា សូនិតា និងសូលីកា មានផ្ទៃពោះព្រមគ្នា ក្នុងពេលតែមួយផងដែរ។
នៅ សុនិតា ធ្លាយព័ត៌មានថា បានភ្ជាប់ពាក្យជាមួយអតីតប្តីអ្នកនាងលី ម៉ារីណា គឺលោកទិត ថាវរិទ្ធ កាលពីថ្ងៃទី5 ខែកញ្ញា ឆ្នាំ2018 ហើយពេលនេះ ពួកគេបានរួមរស់នៅវីឡាទ្រនំស្នេហ៍ តម្លៃជាង30ម៉ឺនដុល្លារ នៅបុរីប៉េងហួត (បឹងស្នោ) ស្ថិតក្នុងគម្រោងទី8 ក្បែរគ្នាវីឡារបស់សូលិកា និងលោករិទ្ធី ដែរ ។
ទោះជាព្យាយាមបិទបាំងយ៉ាងណា ក៏នៅទីបំផុត នៅ សុនិតា បានបណ្តើរលោកទិត ថាវរិទ្ធ ដូចប្តីប្រពន្ធ ទៅចូលរួមកម្មវិធីសម្ពោធវិមានឈ្នះ-ឈ្នះ កាលពីពេលថ្មីៗដែរ ហើយថ្មីៗនេះ នៅក្នុងថ្ងៃខួបកំណេ់តលោកទិត ថាវរិទ្ធ នោះ គេក៏បានឃើញវត្តមាននៅ សុនិតា នៅវីឡាស្តុកស្តម្ភរបស់លោកថាវរិទ្ធ ផងដែរ នាំឱ្យតារារួមអាជីពជាច្រើនបានសួរសុនិតា ថា ពេលណារៀបការជាមួយលោកថាវរិទ្ធ តែសុនិតា ដែលពេលនេះ គេហៅថា “ជំទាវ” នោះ បានត្រឹមអឹមអៀមប៉ុណ្ណោះ មិនបានផ្តល់ចម្លើយច្បាស់លាស់នោះទេ…៕