សមាគមន៍​សិល្ប​ករ​ខ្មែរ ​ចូល​រួម​គោរព​សព​លោក​ កែម ​ឡី​ នា​ល្ងាច​នេះ​ !​

0
433
dsgfdsgaas

ភ្នំពេញ៖ ក្នុងកម្មវិធីបុណ្យសពលោក កែម ឡី នាល្ងាចថ្ងៃទី១២ ខែកក្កដា ឆ្នាំ២០១៦ នេះ នៅក្នុងបរិវេណវត្តចាស់ គេសង្កេតឃើញមានវត្ដមានសិល្បករ សិល្បការិនីខ្មែរជាច្រើនរូប បានយកកម្រងផ្កាចូលរួមគោរពសពអ្នកវិភាគសង្គម ដែលត្រូវឃាតករបាញ់សម្លាប់កាលពីថ្ងៃទី១០ ខែកក្កដា ឆ្នាំ២០១៦ ។

dgbfgjghss

សមាគមមិត្តសិល្បៈស្ម័គ្រចិត្តជួយសង្គមដែលដឹកនាំដោយ លោក ហេង ឡុង និងសមាគមសិល្បករខ្មែរ មានលោក សុះ ម៉ាច ជាប្រធាន បានដឹកនាំសិល្បករចូលរួមគោរពវិញ្ញាណក្ខន្ធលោក បណ្ឌិត កែម ឡី នៅវត្តចាស់ ។

លោក សុះ ម៉ាច បានបញ្ជាក់ថា ការបាត់បង់លោកបណ្ឌិត កែម ឡី គឺជាការបាត់បង់ធនធានមនុស្សដ៏មានតម្លៃរបស់ខ្មែរទាំងមូល ។ មនសិកា ឧត្តមគតិ របស់លោកបណ្ឌិត បានចូលរួមបម្រើសង្គមខ្មែរ ធ្វើឲ្យកូនខ្មែរគ្រប់រូប ចងចាំនូវវីរភាពរបស់លោក ។

dfhbdfjdhk
ភរិយាសព ថ្លែងអំណរគុណដល់សមាគមន៍សិល្បករ ដែលបានមកចូលរួម

លោកបានបន្ដថា ក្នុងតំណាងសិល្បករកម្ពុជាទូទាំងប្រទេស យើងសូមចូលរួមរំលែកទុក្ខជាមួយក្រុមគ្រួសារសព និងបួងសួងឲ្យវិញ្ញាណក្ខន្ធលោកបណ្ឌិតបានទៅកាន់សុគតិភពកុំបីឃ្លៀងឃ្លាតឡើយ ៕

sdgfdjfgs
លោក សុះ ម៉ាច ផ្ដល់បទសម្ភាសន៍ជូនសារព័ត៌មាន