ឧបទ្វីបកូរ៉េ
ចិន៖ ប្រភពផ្លូវការ ពីប្រទេសទាំងពីរ បានបង្ហើបកាលពី ថ្ងៃព្រហស្បត្តិ៍ថាចិននិងរុស្ស៊ី បានព្រមព្រៀងគ្នា ធ្វើប្រតិវិធាន ការបន្ថែមទៀតជា ការឆ្លើយតប នឹងការដាក់ ពង្រាយប្រព័ន្ធការពារ គ្រាប់មីស៊ីល THAAD របស់ សហរដ្ឋអាមេរិក ។
សេចក្តីថ្លែងការណ៍ មួយដែលចេញ ផ្សាយបន្ទាប់ពីកិច្ច ពិភាក្សាប្រឹក្សា យោបល់គ្នារវាង ចិននិងរុស្ស៊ី លើកទី៦ស្តីពី ស្ថានការណ៍សន្តិសុខ នៅអាស៊ីភាគ ឦសានថា ការធ្វើ ប្រតិវធានកា នានានឹងមាន គោលដៅ គិតអំពីផល ប្រយោជន៍ របស់ចិននិង រុស្ស៊ីក៏ដូចជាយុទ្ធសាស្ត្រធ្វើ ឲ្យមាន តុល្យភាពក្នុងតំបន់ ។
ជាងនេះទៅទៀត ប្រទេសទាំងពីរ ចិននិងរុស្ស៊ីមាន ក្តីបារម្ភយ៉ាងខ្លាំង ជាថ្មីម្តងទៀត និងធ្វើការអះ អាងប្រឆាំងនឹង រដ្ឋាភិបាលក្រុងវ៉ាស៊ីនតោន ក៏ដូចជាកិច្ចខិតខំ ប្រឹងប្រែង របស់រដ្ឋាភិបាល ក្រុងសេអ៊ូល ក្នុងការដាក់ ពង្រាយប្រព័ន្ធប្រឆាំង មីស៊ីល THAAD ក្នុងប្រទេស កូរ៉េខាងត្បូង ។
លើសពីនេះចិននិងរុស្ស៊ី បានជំរុញឲ្យ សហរដ្ឋអាមេរិក និងកូរ៉េខាងត្បូងធ្វើការ កត់សម្គាល់ពី ក្តីបារម្ភផ្នែក សន្តិសុខ ហើយ បញ្ឈប់ការដាក់ពង្រាយ ប្រព័ន្ធការពារ មីស៊ីល THAAD នៅឧបទ្វីបកូរ៉េ។
រដ្ឋាភិបាលសេអ៊ូល និងវ៉ាស៊ីនតោន បានប្រកាសពី ការសម្រេចចិត្តមួយ ភ្លាមៗកាលពីខែ កក្កដាឆ្នាំ ទៅចំពោះការ ដាក់ ពង្រាយប្រព័ន្ធការពារ មីស៊ីលនៅ ដំណាច់ឆ្នាំនេះ ដែលជំរុញ ឲ្យមាន ការប្រឆាំង និងជំទាស់ យ៉ាងខ្លាំង ពីសំណាក់ រដ្ឋាភិបាលចិននិង រុស្ស៊ីស្របពេល ដែលកាំរស្មើ X-band របស់ ប្រព័ន្ធការពារមីស៊ីល របស់សហរដ្ឋអាមេរិក អាចធ្លាក់ចូល ក្នុងទឹកដី របស់ប្រទេសទាំងពីរ។
សហរដ្ឋអាមេរិក និង កូរ៉េខាងត្បូង បានអះអាងថា ប្រព័ន្ធ THAAD នឹងត្រូវបាន ប្រើប្រាស់ដើម្បី ទប់ទល់នឹង ការគំរាមកំហែងដោយមីស៊ីល ពីសំណាក់ កូរ៉ខាងជើង ខណៈចិន និងរុស្ស៊ី ជឿជាក់ថា ប្រព័ន្ធដ៏ មានឥទ្ធិពល នេះនឹង ធ្វើឲ្យអន្តរាយ ដល់ផលប្រយោជន៍ជាយុទ្ធសាស្ត្ររបស់ពួកគេ ។